Así traballan no único taller que pode copiar as grandes esculturas do arte clásico grego

Arredor de 50 persoas, todas licenciadas en Belas Artes, traballan neste taller de Atenas para recrear con exactitude unha grande variedade de esculturas da Antiga Grecia. Esta tenda e taller conta co dereito exclusivo de facer as copias das esculturas clásicas da Antiga Grecia grazas a un permiso especial concedido polo Ministerio de Cultura do país heleno. Fabrican desde pezas de animais duns centímetros ata estatuas de Zeus de máis de dous metros; todas elas realizadas con moldes a escala real e con xeso, xa que é un material que non se contrae ao secar. Ademais, píntanse cuidadosamente a man para imitar os tons orixinais.

As pezas pódense comprar, polo momento, nos principais museos e sitios arqueolóxicos de Grecia, aínda que próximamente poderán adquirirse tamén a través de Internet.

Estas reproducións poden tardar en realizarse desde uns días ata un par de meses, que foi o tempo que durou, por exemplo, fabricar a copia dunha estatua do século V a. C.