Antiga Cidadela grega en Israel

Arqueólogos israelís desenterraron os restos dunha impresionante fortaleza de máis de 2.000 anos, construída polos gregos no centro da Cidade Vella de Xerusalén. Esas ruínas son a primeira proba tanxible dun período no que a cultura helenística dominou esta cidade.Esta cidade, só coñecidada en textos ata agora, foi o lugar dunha rebelión sanguenta que conduciu á expulsión dos gregos.Agora temos evidencias masivas de que isto é parte da fortaleza chamada Acra, dixo Doron Ben-Ami, arqueólogo da Autoridade de Antigüidades de Israel, e director da excavación.

Situado baixo o que adoitaba ser un estacionamento entre o Monte do Templo, ao norte, e a poboación palestina de Silwan, ao sur, o sitio é agora un buraco rectangular enorme que se afunde máis de tres pisos baixo da rúa.

Alexandre Magno conquistou Xudea no século IV a.C., e os seus sucesores disputáronse os despoxos. Xerusalén, a capital de Xudea, aliouse co rei seléucida Antíoco III para expulsar a unha guarnición exipcia, e o agradecido Antíoco outorgou a autonomía relixiosa aos xudeus. Durante século e medio, a cultura e a lingua grega floreceron en Xerusalén; con todo, os arqueólogos atoparon poucos artefactos ou edificios daquel importante periodo que deu forma á cultura xudea.