Teoría propón que os gregos descubriron Canadá
Post date: Feb 23, 2018 7:23:33 PM
Hoxe en día existen varias teorías sobre como diferentes poboacións da Antigüidade xa acharan o continente americano antes que Colón, e agora engádese outra, a civilización grega.
Esta teoría proposta por Ioannis Liritzis, un arqueólogo da universidade de Aegean (Grecia), básease nun escrito de Plutarco no que dúas persoas debaten sobre a Lúa. Nun momento en concreto un deles menciona que acababa de chegar dunha viaxe a un continente lonxano. Tras estudar o tema, Ioannis determinou que o lugar do que falaban era Canadá.
Este grego non é o primeiro en propoñer esta teoría, xa que Kepler tamén opinaba que os gregos chegaran a América. O problema é que aínda non se atopou ningunha proba arqueolóxica.
Fonte e imaxe:Quo