Embedded Files
Dinamikaren gaia aztertu dugunean, indar batek gorputz batean eragiterakoan, efektu dinamikoaz gain efektu deformatzailea ere izan dezakeela esan genuen. Indar batek gorputz deformagarri batean eragiterakoan, gorputz hori deformatu egiten da. Azter dezagun zein faktoreen menpe dagoen deformazio efektu hori. Horretarako irudiko egoera hartuko dugu kontuan.
Zergatik norbaitek oina zapaltzen digunean , takoia fina izanez gero, azkoz ere handiagoa da mina, indarra (pisua) bera izanik?
Bi kasuetan neskaren pisua berdina da baina indarra (pisua) aplikatzen den azalera ez. Bigarren kasuan azalera txikiagoa da eta, horregatik, indarra azalera unitatearekiko handiagoa da. Ondorioz oina gehiago “sartzen” da mutilaren oinean. Hortik honakoa ondorioztatuko dugu: Indarraren efektu deformatzailea azalerarekiko alderantziz proportzionala da.
Beste aldetik, argi dago, indarraren efektu deformatzailea indarraren balioarekiko zuzenki proportzionala dela.
Gauzak horrela indarren efektu deformatzailea ezaugarritzeko magnitude fisiko berri bat definituko dugu: Presioa “Gainazal baten gainean aplikaturiko indarraren eta gainazalaren azaleraren arteko zatidura da presioa”.
p = F / S
Gorputz SOLIDO batek egindako indarra ,F, gorputzaren pisua da, beraz, p= m · g / S
Nazioarteko Sistema Unitateetan presio-unitateari “Pascal” (Pa) deitzen zaio. (1 Pa= 1 N / 1 m2 )
Oharra: dentsitatea masa eta bolumenaren arteko zatidura da. d= m / V ; m= d · V
- 2.J: Adreilu baten neurriak hauek dira 20 cm · 10 cm · 5 cm dira eta dentsitatea 3.500 kg/m3. Kalkulatu zoruan egiten duen presioa haren hiru alde desberdinetan bermatzerakoan.
- 3.J: 10 kg-ko mahai bat bere lau hanketan jarrita dago zoruaren gainean hanka bakoitzaren erradioa 2 cm-koa izanik. Zenbat da hanka bakoitzak zoruan eragiten duen presioa?
- 4.J: Kalkulatu:
a) 750 N-eko indar batek zer azaleraren gainean eragiten duen, 15 Pa-ko presioa egiteko
b) Zer presio egiten duen 50 N-eko indar batek metro karratu erdiko gainazal batean.
c) 3.500 Pa-ko presioa jasaten ari den 100 cm2-ko gainazal baten gainean aplikatzen den indarra.
- 5.J: 80 kg-ko masa duen eskimal bat erraketa batzuen gainean dabil elurretan. Erraketa bakoitzak 900 cm2-ko azalera dauka:
a) Elurraren gainean egiten duen indarra.
b) Elurraren gainean egiten duen presioa.
- 6.J: Izoztuta dagoen erreka bat zeharkatu beharrean gaude, baina ez dakigu zein den izotzaren erresistentzia. Ez haustea lortu behar dugu, nola edo hala. Arrazoitu eta azaldu zer egin beharko genukeen segurtasunez zeharkatzeko.
- 7.J: Elefanterik pisutsuenek 5.500 kg inguruko masa dute, eta oinazpi bakoitzaren azalera 0,15 m2-koa da.
Alderatu elefante batek zapalduz gero zure oinean sentituko zenukeen presioa eta 9 cm2-ko zorua duten bi makulurekin dabilen 70 kg-ko masa duen pertsona batek zapalduz gero sentituko zenukeena.
- 8.J: Burdinazko kubo baten aldea 10 cm-koa da. Zoruan jartzerakoan, zein izango da zoruan eragiten duen presioa? dFe = 8 g / cm3.
Google Sites
Report abuse