Embedded Files
Lotura kobalentea elementu ez-metalikoen artean gertatzen da.
Lotura kobalentea elektroi bikote bat edo gehiago partekatzen dituzten atomoen elkarketa da.
Atomo guztiek elektroi ez-lotzaileak partekatuko dituzte azken mailan 8 elektroi lortu ahal izateko (hidrogenoaren kasuan 2 elektroi lortu behar dira).
LEWIS-EN EGITURAK
Molekula baten Lewis-en egiturak honako ezaugarri hauek ditu:
- Elementuek zortzikote elektronikoa dute beren inguruan (H-ren kasuan 2 elektroi dituzte)
- Partekatuta dauden elektroi bikoteak (elektroi lotzaileak) eta loturetan parte hartzen ez duten elektroiak(ez-lotzaileak) puntu pareen zein marratxoen bidez adieraz daitezke.
SUBSTANTZIA KOBALENTE MOLEKULARRAK
Atomoek, elkartzean, molekulak eratzen dituzte.
Substantziak: oxigenoa (O2), nitrogenoa (N2), ura (H2O), karbono dioxidoa (CO2), butanoa (C4H10)....
Propietateak:
- Egoera normalean, gasak,likidoak edo fusio-irakite-puntu baxuko solidoak dira.
- Gehienak disolbaezinak dira uretan, eta disolbagarriagoak disolbatzaile organikoetan.
- Ez dira elektrizitatearen eroale, ez egoera puruan, ez disoluzioan.
Uraren molekula
SUBSTANTZIA KOBALENTE ATOMIKOAK
Mota honetako substantzien atomoek ez dute molekularik eratzen, hiru dimentsioko egiturak baizik.
Substantziak: karbono forma batzuk (diamantea, grafitoa), silizio dioxidoa (SiO2) , silizio karburoa (SiC)
Propietateak:
- Fusio puntu altuko solidoak dira, oso gogorrak.
- Disolbaezinak dira uretan eta disolbatzaile gehienetan.
- Ez dute elektrizitatea eroaten.
Google Sites
Report abuse