STEAM PROIEKTUA 24-25 :

"ETORKIZUNEKO HIRIA ERAIKITZEN:  ENERGETIKOKI ERAGINKORRA DEN HIRIAREN DISEINUA ETA ERAIKUNTZA "

Steam proiektuaren helburuak

❏ Jasangarritasunaren eta energiaren kontsumoaren garrantziari buruzko kontzientzia sustatzea.

❏Emakumeek zientzia eta teknologiaren arloko lanetarako grina eta lidergoa sustatzea.

❏Talde-lana, arazoen ebazpena eta sormena sustatzea.

❏ Proiektuak dokumentatzen ikastea hainbat IKT baliabide erabiliz.

❏ Zientzia eta ingeniaritza arloko emakumeren lana ezagutzea, erreferente femeninoak izan ditzaten.

❏ Teknologia berriak (simulazioak, sentsoreak, VR eta AR) barne hartzen dituzten metodologiak , proiektuetan oinarritutako metodologiak eta abar aplikazioan aurrera egitea.

Proiektuaren azalpen laburra , antolaketa , jarduera esanguratsuak.

DBH4 mailan Fisika eta Kimika ikasgaia egiten duten ikasleekin burutu da,  Plastika eta Ekonomiako mintegiekin lankidetzan. Euskarako ikasgaian ere Emakume Zientzialarien biografiak landu dituzte 1.DBHn.

Etorkizuneko hiria eraikitzeko  lau maketa  egingo dute Lanbide Jarduerak  ikasgaia egiten duten ikasleek eta bertan kokatzeko hainbat eraikuntzak diseinatu beharko dituzte  energia berriztagarriak ezarriz: eguzki-energia fotovoltaikoa, eguzki-energia termikoa, energia eolikoa, hidrogenozko erregai-pila edo/eta energia geotermikoa. 

Ikasleek  Ekonomia ikasgaian ere eragin ekonomikoa aztertu dute , hain zuzen ere, energetikoki eraginkorrak diren etxeen eraikuntza epe luzerako errentagarria izan daitekeela frogatzean, energia-kostuak aurrezten baititu.

Talde-lana antolatzeko ikaskuntza kooperatibo moduan lan egingo dute. Taldekide bakoitzak rol bat betetzen du (koordinatzailea, ikuskatzailea, bozeramailea eta idazkaria) eta horrek funtzio batzuk bere gain hartzea dakar, Talde bakoitzak bere ikaskideei aurkezpena edo infografia  erakutsiko die  egin dituzten esperimentuak azalduz.

Urtean zehar SARE STEAM katalogoari esker hainbat jardueretan parte hartuko dute eta neskei zuzenduta dauden batzuetan batez ere, esate baterako CIC Nanogunek antolatutako tailerrak neskentzat.

Horretaz aparte Otsailak 11n, Nazioarteko Neska eta Emakume Zientzialarien eguna ospatzeko ikastetxean World-Kafe antolatuko dugu bost edo sei emakume zientzialari desberdinak gonbidatuz. Gune honetan gure ikasleek (neskak batez ere) aukera izango dute kanpoko zientzialariekin hitz egiteko  eta sortzen diren zalantzak galdetzeko.

Azkenik, maila desberdinetako ikasleek Zientzia eta Emakume Zientzialariari buruzko Escape Room desberdin batzuk  gauzatuko dituzte.

STEAM proiektua. Ikasleak

STEAM EUSKARA IKASGAIAN

Euskarako ikasgaian 1.DBHko ikasleek Emakume Zientzialarien biografiak landu dituzte eta horretaz aparte HEDATZE- Bideogintzan bideo bat sortu dute eta  horrekin batera, ikasleek ...ETA NIK TXORIA NUEN MAITE jarduera landu dute.