04. Energia

ARAZO-EGOERA

INDARRA ENERGIA AL DA?

Indarra eta energia sarri nahasten diren kontzeptuak dira. Bi kontzeptu horiek bereizten laguntzeko honako galdera hauek proposatzen zaizkizu.

Lehen adibidean ikusi dugun bi lasterketa-autotik nork du energia handiagoa? Nork du “indar” handiagoa?

Irudiko “Agotran” kamioia eta auto gorriak, biak, abiadura berdinez doaz. Nork du energia zinetikoa handiagoa eta zergatik?

Ondoren biek talka egin dute: nork egin du “indar” handiagoa? Kamioiak ala autoak?

Irudiko liburuaren masa 500 g da eta apalategia 1 m-ko altueran dago.

- Energia behar al da liburua jasotzeko? Zenbat gutxienez?

-Indarra behar al da liburua jasotzeko? Zenbat gutxienez?

-Eta apalategian egoteko, energia behar al da?Zenbat? Indarrik egin behar al da? Zenbat?

Irudiko “indartsuak” indar handia duela esaten dugu. Zuzena al da esaldi hori? Zer erabili beharko genuke “indarra” hitzaren ordez?

Adibide hauetatik honakoa ikusten dugu. Energia gorputzen propietatea da gorputzek daukaten zerbait. Aitzitik, indarra ez da gorputzen propietate bat, indarra gorputzen arteko interakzioa da. Gorputz batek beste batean indarra eragiten du eta azken honek aurrekoan indar berdinez erantzuten dio.

Google Sites

Report abuse