سګرټ نه یواځی روغتیا ته بلکی یوی ټولنې ته هم زیان رسوی

ددی سرلیک لاندی غواړم چې په بهر کښې اوسیدونکو افغانانو ته او په خاصه ټوګه نوي راغلی ځوانانو ته په دی هکله څه ولیکم. زه ۳ دلیله لرم چې هغه هم:

۱ــ طبی دلیل:

په دغه برخه باندې دومره ډېر نه لیکم ولی چه دغه دلیل یوې خوا معلوم دلیل دی. اوله بلی خوا په دغه هکله ډاکټرانو ډیري لیکنی کړی دی، اما بیا ددي څخه باید څوک سترګی پټی نکړی چې د سرطان رنځوری یو غټ عامل سګرټ څکول دي.

۲ــ بی ځایه لګښت:

د افغانستان خلکو د پاره سګرټ څکول له دی کبله بی ځایه لګښت دی چې په دی پیسو باندې سړی کولای شی خپل هیواد بیا آباد کړی کومچې د اتلس کلو رایسی د پردیو هیوادو تیریو او ددغو تیریو شاتښولو له کبله وران شوی دی. شاید تاسو ته سوال پیدا شوی وی چې د سګرټو په پیسو باندې څرنګه یوه ټولنه جوړېږی؟

یو کوچنی مثال به په دغه باره کښې راوړم:

که یو افغان د مثال په توګه چې په جرمنی کې ژوند کوی د ورځی یو کوتی سګرټ وڅکوی او د کوتی بیه پنځه یورو بی ځایه لګښت کړی دی.

ددغه پیسو دپاره پنځه یورو د ورځی سپما او پنځه په سلو کې د کال ګته مراعات شوی دی.

په دغه پیسو باندې سړی کولاې شی خپل ویجاړ هیواد یوی برخی کښې که کوچنی هم وی ولګوی.

۳ــ تولنیز دلیل:

دغه دلیل زما په غور سره ډېر مهم دلیل دی هغه داچې د سګرټو پریښودل په واقعیت کښې د افغانستان د رنځورانو، پرارږلو او معیوبانو سره مرسته کول دی، کوم چې د معیوبی، پرارږلی او رنځوری سبب یې دوی نه بلکی دغه په دوی باندې تحمل شوی دی.

دغه په دی ډول هغه خلک چې د سګرټو عمل لری د نورو په پرتله ډیر رنځورېږی.

دغسی احصایی په نړی کښې شته. حتی ډېر خلک چې د یوی ټولنی اقتصادی موضوعاتو څخه خبر وی، دغه کارته چمتو دي چې روغتیایی بیمه دی دغسې خلکو ته چې سګرت څکوی ډیره کړی. ډېرو ته ښکاره دی چې په افغانستان کښې د بی وزلی له کبله د ډاکترانو شمیر ډیر کم

دی هیواد مو پرارږلو، معیوبینو، رنځورانو ډک دی. که سړی دغه دری دلیله په دقت سره وڅیړی. دی نتیچی ته رسېږی چه سګرټ پریښودل او یا نه پیل کول پرته له دی چې روغتیا ته ګټه رسوي(خپله ګټه) بلکی د هیواد خلکو سره مالی، روغتیایی، تولنیزه او چاپریالې مرسته هم دی(نوروګټه).

نورآغا په درناوی: ځاځی