د کرونا له امله د مړو شوو شمېر

په امریکا کې؛

د کرونا له امله د مړو شوو شمېر تر ۴۵ زره کسانو اوښتی

د وروستیو راپورونو له مخې په ټوله نړې کې ۲۵۵۶۷۴۵ کسان تر دې دمه په کرونا اخته شوي دي او ۱۷۷۶۱۹ کسه یې مړه کړي دي. همدا راز ۶۹۰۳۹۳ کسه بېرته ترې جوړ شوي هم دي. په امریکا کې د مړینې او اخته کسانو شمېره تر ټولو لوړه ده. په دغه هېواد کې تر اوسه ۸۱۸۷۴۴ کسه په کرونا اخته شوي چې له دې ډلې ۴۵۳۱۸ یې مړه شوي دي. همدا راز هسپانیه کې ۲۰۴۱۸۷ کسان په کرونا اخته دي او ۲۱۲۸۲ یې مړه کړي دي. ایټالیا کې ۲۴۶۴۸، فرانسه کې ۲۰۷۹۶، برېتانیا کې ۱۷۳۳۷، جرمني کې ۵۰۸۶، ایران کې ۵۲۹۷، ترکیه کې ۲۲۵۹ او بلجیم کې ۵۹۹۸ کسان د کرونا له امله مړه شوي دي.

بل خوا ښه خبر دا دى چې،جرمني د کرونا ویروس ضد واکسین د پنجشبې په ورځ اپریل ۲۳ پر ۲۰۰ کسانو د ۱۸-۵۵ کلونو په عمر تجربه کوي،د جرمني د روغتیا فدرال ادارې د یاد تیسټ اجازه ورکړه په لومړي ځل به دا واکسین پر کاملآ روغو کسانو تجربه کیږي او وروسته به هغه کسانو ته ور کول کیږي چي د خطر احتمال یې زیات دئ.

یاد ډول واکسین د جرمنۍ د BioNTechاو امریکا د Pfizer.درمل جوړولو شرکتونو په ګډه جوړ کړیدئ.البته په نړۍ کي دا څلورم واکسین دئ چي تجربه کیږي.

تر دې مخکي د انګلستان حکومت هم د یوه جوړ سوي واکسین د تجربه کولو اجازه ور کړیوه.وکتل سي چي نتیجه څه راوزي