دهند دلودي پښتنود دریم او وروستني واکمن

سلطان ابراهیم لودي (۱۵۱۷-۱۵۲۶ زیږدیز)

----------------------------------------------------------------

سلطان ابراهیم لودي په هند کې دلودي پښتنو دریم او وروستی واکمن و.پلار یې سلطان سکندرلودی (۱۴۸۹-۱۵۱۷ زیږدیز)او نیکه یې سلطان بهلول لودي(۱۴۸۹-۱۵۲۶ زیږدیز) په هند کې دپښتنو لودیانو دکورنۍ بنسټ ایښودونکی و.نو موړی په (۱۵۲۶زیږدیز) کا ل کې دپښتنو دستر دښمن مغولي بابر له لاسه دپانې پت په مشهور ډګر کې دجګړې په وخت کې دخپلو ډیرو پښتنو پو ځیانو سره یو ځای شهید شواو مغولي دښمن یې سر له تنې نه غوڅ کړ او دده په شهادت سره په هند کې سلطنت دلودي پښتنونه دمغولي بابر لاس ته ورغی.دده دماتې یوه ستره وجه داوه چې یو شمیر ناسیاله او نا عاقبت اندیشه پښتنو او له هغو نه دولت خان لودي او پلار یې دلاورخان دسلطان ابراهیم پر خلاف دبابر سره دخپل پښتون پاچا په ټکولو او نسکورولو کې مرسته وکړه .

زه د۲۰۰۱ زیږدیز کال دجنورۍ په میاشت کې ددغه ستر پښتون واکمن مزار ته چې دډهلی په شمال کې دهاریانا دایالت دپاني پت په ښار کې دستر صوفی بوعلی شاه قلندر پاني پتی مزار ته څیرمه پروت دی لاړم او دده پر مزار مې دګلانو ګیډۍ کیښوده په زوره زوره مې ورته وژړل او اوښکې مې تویې کړې اودمغولو او مغولوالې دغه ستر دښمن او شهید ته مې داڅو بیتونه ډالۍ کړل .

ستر پښتون لودي سلطان ابراهیم ته !

ای پښتون لودي سلطانه ابراهیمه !

دمغولو پر خنجر باندې شهیده

دجګړې په معرکه کې ننګیالی وي

پر شا نه شوي تر آخره ستر پښتونه

دمغولو ،مغولوالې ستر دښمن وي

دپښتون په ننګ دې وتړله توره

تاویل ننګ دی دجګړې نه تیښته نکړم

سر دې پرې شو اراده دې وه ځواکمنه

خدای دې ورکه بې ننګی او بې پتي کړي

دبې پته ژوند نه ښه ده داسې مړینه

یاد راغلی ستا مزارته په ادب یم

ستر سلطانه! خدای دې درکړي جنتونه

(یاد)

کاپی