محمد موسی شفیق

د شفیق د عبقریان او پیغام وړانګې

محمد موسی شفیق د خیل عبقریت د وړانګو نور په ًعبقریان ً کې خلولی ، خپل ملت یې به کې انځور کړی ، داسې انځور چې زماني سیالی نه لیدل کېږی او یا ډېره لږه لیدل کیږی شفیق د ًعبقریانً څراغ ته له خپل تن او وجود نه د زړه د وینو تېل ورکړې او خپل ملت ته یې یو ملي ًپیغام ً رسولی ، داسې ً پیغام ً چې خپل ولس ته د کعبې لارښیي او ټول ملت ته د بیدارۍ زنګ وهي .

شهید محمد موسی شفیق و مولوي محمد ابراهیم کاموي زوی دی ، پر ۱۳۰۸ ل کال د غبرګولي پر پنځمه نېټه په کابل ښارکې زېږیدلی دی . شفیق اصلاً د ننګرهار ولایت د کامې اوسېدونکی و.

پلار یې د وخت یو نامتو عالم و،او په کابل کې یې رسمي دنده لرله.

محمد موسی شفیق لومړنۍ رده کړه د کابل او کامې په ښوونځیو کې تر سره که ، بیا د ننګرهار په نجم المدارس کې شامل شو ، دوه کاله وروسته د کابل عربي دارلعلوم ته لاړ او هلته یې تر دولسم ټولګي پورې خپلې زده کړې تر سره کړې.

له دولسم ټولګي نه تر فراغت وروسته په شاهي دار التحریر کې مقرر شو ، بیا مصر ته د لوړو زده کړو لپاره لاړ او په عدلي چارو کې یې ماسټري واخیستله او له هغه ځایه د نورو زده کړو لپاره امریکا ته لاړ او په حقوقو کې یې ماسټري واخیسته . بیا په وزارت کې د قولنینو ادارې لوی مدیر او د کابل پوهنتون د حقوقو او سیاسي علومو په پوهنځی کې د نړیوالو او مقایسوي حقوقو استاد شو.

شفیق په مصر کې د افغانستان د سفیر ، او په نورو بیلابیلو هېوادونه کې یې هم د سفیر او په سفارت کې نورې دندې تر سره کړې دي . شفیق پر۱۳۵۱ ل کال د رایو په اتفاق د افغانستان صدراعظم وټاکل شو او د هېواد به جوړولو کې یې غوره کارونه پېل کړل چې ګړندي پرمخ تلل .

شهید محمد موسی شفیق د شاهي دولت وروستی صدراعظم و . د ده د صدراعظمۍ په دوره کې دولت د بیا آبادولو په تېرو وختو کې یې ساری نه و .

شهید محمد موسی شفیق ښه لیکول و ، په پښتو او دري دواړو ژبو یې لیکنې کولې او شعرونه یې ویل .

په عربي او انګلیسي کې یې هم ښه لاس لاره له شهید محمد موسی شفیق څخه پر بیلایېلو لیکنو سربېره دوه اثره ً عبقریان ً او ً بیغام ً باتې دي .

محمد موسی شفیق د ۱۳۵۷ ل کال د غویې له وروسته سملاسي ونیول شو او بندي شو ، چې بیا د همدې میاشتې د ۲۳ او ۲۴ تر منځ شپه کې د افغانستان دښنو له خوا په شهادت ورسول شو .