نصوص ألحان سيد درويش

زورونى كل سنة مرة / مقام عجم / لحن وكلمات سيد درويش

زورونى كل ســــنة مرة         حرام تنسـونى بالمرة

أنا عمـــــلت إيه فيــــــــــكم       تشــــــاكونى واشـــاكيكم

أنا اللى العمر اداديــــــــــكم       حرام تنســـــــونى بالمرة

 يا عينى ع اللى مالوش حد        طول عمره يقاسى الوجد

 وتجـــرى دمعتـه ع الخد         مسـكين حــاله بالمرة

 زورونى كل ســـنة مرة

تعليق: الكلمات المغناة بصوت فيروز مغايرة للنص الأصلى

 *****

لحن الشيالين / شد الحزام / مقام حجاز / كلمات بديع خيرى

 شــــد الحــزام على وسطك غيره ما يفيدك

 لابـــــد عن يــــوم برضــه ويعـــدلها ســــــيدك

 وان كان شيل الحمول على ضهرك يكيدك

أهــــــون عليــــك يا حـــــر من مــدة إيـــــــدك

 ما تيالله بيـــنا انت ويـــــــاه

ونســــتعان ع الشــــقا بالله

 واهو اللى فيه القسمة طلنـاه

 واللى مافيهشى ان شالله ما جاه

 ما دام بتلقى عيش وغمـوس    يهمـــك ايـــه تفضل موحــوس

 ماتحـط راســـك بين الروس    لا تقوللى لا خيــار ولا فاقـوس

شــــد الحزام

 ح اقـــولك ايه واعيـــد لك ايه كله له آخــر

 دى وكســة جامدة وجت على عينك ياتاجر

 يا وكســتك دلـــوقت لا وارد ولا صــــــادر

 يحلـــــــها ألفيـــــن حـــلاّل ربـك قـــــــــادر

قوللى فى عرض النبى يا حسين

 رايحين نلاقيها منيــن ومنيـــــن

 والإش متجــــــــوز اتنيــــــــــــن

 يا دنيا روقى جتــك البيــــــــــــن

عمـر البخيل يفضل منحـــــوس    لو علقوا على بابه فانــــوس

 فلوس دى إيه سكتر يا جاموس   هى السعادة فى غنى النفوس

 شــــد الحزام

يالله بنا يالله نلحق لاكسبريس اهـو ع الرصيـف

 وادى احنا يا دوبك لسه ماعملناش بحق رغيف

 كل المحطـات قبــــلى وبحـــرى بقـــــت لماليـــف

 يتـوب عليـنا من دى العيشــة يا لطيف يا لطيـف

 ما قطعوا لنا التليفونــــــات

وعطلـوا التلغــرافـــــــــــات

 عمركش سـمعت الدلنجــات

بيسـافروا لها بالباسبورتات

 غلب حمار اللى له حما ر    يحمــله لك ست انفــــــــار

واهو السفر فى الأيام دى    صار ع البهايم ليل ونهــار

 قرب شيــّـلنى شيّـــل    لا تقوللى كتيـر وقليّــل

لا تقوللى كتير وقليل    عمر الشـدة ما تطـــوّل

 عمر الشدة ما تطـوّل    بكرة نهيص زى الأول

هيلا هيلا هيلة هــيلة    هيلا هيلا هيلة هـــــيلة

 *****

 لحن الصنايعية/ الحلوة دى / مقام حجاز / كلمات بديع خيرى

الحلوة دى قامت تعجـــن فى البدريـــــــة

 والديك بيـدن كوكو كوكو فى الفجـرية

 يالله بنـــا على بــــاب الله يا صـــنايعية

يجعل صباحك صباح الخير ياسطى عطية

  طلـــع النهــــار فتاح يا عليــــم     والجيــــب مافيهشى ولا مليــــــم

مين فى اليومين دول شاف تلطيم       زى الصـــنايعية المظاليـــم

الصبر أمره طـــــــال            وايش بعد وقف الحال

ياللى معاك المـــــــال     برضه الفقيــر له رب كريم

 أولاد أوربا ما بيناموش        عن الصـنايع ما يونوش

 لافرنجى دايما حلق حوش        والمصرى جنبه بيطلع بوش

 ســبع صـنايع فى إيدينا      والهـم جاير عليــنا

 يامـــا شـكينا وبكينا     يا أغنيا ليه ما تساعدوش

ما تشد حيلك يا بو صلاح      إضربها صرمة تعيش مرتاح

خلى تكـــــالك ع الفتـاح    يالله بنا يالله الوقــت اهو راح

 الشمس طلعــت          والمـــلك لله

ما تشيل قدومك          والعدة ويالله

 *****

 طلعت يا محلا نورها/ مقام فا ماجير/ كلمات بديع خيرى

طلعت يا محلى نورها     شــمس الشموســة

يالله بنـا نمـلا ونحلب          لبـــن الجاموســـة

قــاعد ع الســـاقية خللي     اســــــمر وحليــوة

عـوج الطــــــاقية وقاللي    غني لي غنيــــــوة

قلت له يا محمد حبـــــك     لخـــفن لي عقــلي

ميتى النـار تبرد واعرف    راسي من رجلــــي

طلعت يا محلى نورها

ندر علي يا خلي     لو يصفى شوقي

لأطبخ ملوخية وادبح   جوزين عتاقي

وأعمل صينية فيها      فطير ورقاقي

ومهلبية واعزم          أهلي ورفاقي

طلعت يا محلى نورها

تعليق: الكلمات المغناة بصوت فيروز مغايرة للنص الأصلى

 *****

عشان ما نعلا ونعلا / مقام رى ماجير / كلمات بديع خيرى

عشان ما نعلا ونعلا ونعلا    لازم نطاطى نطاطى نطاطى

بسلامته الوالي ابو زعيزع    مهجص باشا دقن تعيتع

وغرامه تمللي قال ايه    نترصص دايما حواليه

نروح واقفين زنهـــــار    زي القط والفــــار

تلقاه دايما منفوخ نفشرله    طاخ طيخ طوخ

الرك على حبة بولوتيــكه   وذمــة كاوتشـــوك خربانة

ما دام الأمير ذمته أنتيكه    لازم الرعية تكون وحلانة

حذر فذر ياواد انت بعقلك    بعد الحنشصة دي اللى انت عليها

ياهل ترى الدنيا دي حتروقلك    وتشوف ماشاف قراقوش فيها

تعرفش المسألة ايه    عرنوس متعفرت ليه

بالحق  سلامات سلامات   ايش حال الافوات

محاسيبك    يا خى سيبك

اول شرط نطاطي البصلة    لسيدنا الوالي ونستعبط  له

مهما تسمعوا تهجيص    اعملوا روحكم بلاليص

مهما نســـمع تهجيص   نعمــل روحــــنا بلاليص

عشان ما نعلا ونعلا ونعلا    لازم نطاطي نطاطى نطاطى

 *****

ســالمة يا سلامة / مقام بياتى / كلمات بديع خيري

ســــالمة يا ســـلامة          رحنا وجينا بالسلامة

صفر يا وابور واربط عندك    نزلنــــى فى البــــــلد دى

بلا أمـــــيركا بلا أوربـــــــا   مافى شئ أحسن من بلدى

دى المركب اللى بتجيــــب   احســن من اللى بتـــودى

يا اسطى بشندي    سـالمة يا سلامة

سـلطة ما سلطة كله مكسب       حوشــــنا مــال وجيــــــنا

شفنا الحرب وشفتا الضرب      وشــــفنا الديناميت بعنــينا

ربك واحـــد عمرك واحــد        ادى احنا رحـــنا وجيــــنا

ايه خس عليــنا    سالمة يا سلامة

صلاة النيى ع الشخص منا       فرصـــة ميه بلا قافيــــــة

اللى ف جـــيبه يفنجــــر به       والبركة فى العين والعافية

ح تــاخد ايه م الدنيــا غيـر      الستر يا شيخ خليها ماشـية

دنيـــا فانيــــــة    سالمة يا سلامة

دى الغربـــــــة ياما بتــــــورى      بتخــــــلى الصــــنايعى بيـــرطن

مطـــرح ما يـــروح المصــرى      برضــه طـول عمــره ذو تفنــن

وحيـــــاة ربنـــــــا المعبـــــود      وى آر فرى جود ياسطى محمود

قــدها وقــدود    سالمة ياسلامة

 *****

 أنا المصرى / مقام فا ماجير / كلمات بيرم التونسي

أنا المصــرى كريـــم العنصرين     بنيــت المجـــد بيــن الإهراميـــــن

جدودى أنشــأوا العلـــم العجيــب      ومجرى النيل فى الوادى الخصيب

لهــم فى الدنيـــا آلاف الســـــنين      ويفــنى الكـــــون وهم موجـــودين

 واقــولك ع اللى خلاني        أفوت أهلى وأوطاني

حبيب أوهبت له روحي        لغيره لا أميل تـــاني

 *****

نشيد بلادي / مقام فا ماجير / كلمات ولحن سيد درويش

بــــــلادى بـــــــلادى     لك حبــى وفـــــؤادى

 مصـــر يا أم البــــلاد     أنت غايتى والمــــراد

 وعلى كل العبـــــــــاد    كم لنيــلك من أيـــادى

مصر يا أرض النعيم     ســدت بالمجــد القديـم

 مقصدى دفـــع الغريم     وعلى الله اعتمـــــادى

مصــر أولادك كــرام     أوفيـا يرعوا الزمــــام

 سـوف تحظى بالمرام     باتحـــادهم واتحـــادى

مصـر أنت أغلى درة     فوق جبين الدهر غرة

يا بـلادى عيشى حرة     واسلمى رغم الأعادى

 *****

 القلل القنــاوى / مقام راست / كلمات بديع خيرى

 مليــــحة قوى        القلل القنـــاوى

 رخيـصة قوى        القلل القنـــاوى

قــرب حــدانا وخد قلتــــــين

 خســارة قرشك       وحيـــــاة ولادك

 ع اللى ماهواش      من طيــن بـلادك

ده ابن بلــــــدك       ما يبلفـــــــكشى

ما تعــدموشى           ولا يعدمكشى

دمك من دمه ما يفرقكوا شى

الدنيـــــــا مالها        يا زعبــــــلاوى

 شـــقلبوا حـالها        وين المـــــداوى

 شوفوا البـلاوى        ده البنـــك ناوى

يرفــع دعــاوى       علشـــان يتـاوى

 فى فلوسنا واحنا متقندليـــــن

مش بزيــادانا         بقيـــــنا عـرة

 وكل حــــــاجة        من شــغل بــره

 ده الفقــر طول       قلــــع عينيــــنا

وخلا غيـــــرنا      قلــس عليـــــنا

 يادى الفضيحة يا ناس حرام

ولحــــــد ميـتى        ما نفوقش واصل

 والبيـه مقعمص        قـــــــاعد يواصل

يشرب فى بيرة        ويا منيــــــرة

 واحنا فى حيرة        جـــد وكبيـرة

انتعـــــنا بقى يا جـد الحسين

 *****

والله تستاهل يا قلبى / مونولوج / مقام عجم / كلمات أمين صدقى

 والله تســــــتاهل يا قلبى      ليه تميــــــــل ما كنت خالى

انت أســــباب كل كربى      وانت أســـــــباب ما جرالى

إيه بقى اللى ح يواسينى      بعد ما انهــــــــدت آمــــالى

اذا كان حظى ناســــينى      مين اروح له اشكى له حالى

ان شكيت قلبى وحواسى     يعمــــلوا مؤامــــــــرة علىّ

وان بكيـت والحب قاسى     تشــــــتكى منـــــــــى عينىّ

أعمل ايه واحنا ف غربة     والأغـراب دول زى اليتامى

يا مين يواسيهم فى كربه      يامــــا بيقاســـــــــوا ويامــا

يارب كل من له حبيــب      طــــــال بعــــاده وللا قريب

ما تحـــــــــــرموش منه     وهــــــــاته له بالســـــــلامة

 *****

 لحن العمال /الكترة / مقام صول ماجير / كلمات بديع خيرى

ما قلتلكش ان الكترة                لابد يوم تغلب الشجاعة

واديك رأيت كلام الأمرا        طلع تمام ولا فيهشى لواعة

غيرشى اللى كان هالك ابداننا   ومطلع النجيل على عيننا

ان فهمى يكره حنا     وايش دخل دول يا نا بس ف ديننا

دخل بناتنا اللى موقعنا        فى بعضنا وراح لك متصدر

فقسنا لعبته واتجمعنا         لا يضيع شرفنا الله لا يقدر

عاديك على اللى ادت له الدنيا    وش وبقى له تركة ومتاعة

تشوفنا احنا تقول حنفية             وتشوفه هوه تقول بلاعة

 ***

عايشين فى وادى النيل نشرب   من عدادات على مللى وسنتى

من جاز لملح ومن سكر            وترموايات لخواجة تريانتى

ربنا ما يوريكشى دوختنا       الجيب نضيف أما البيت أنضف

والهدمة دى اللى على جتتنا   محجوز عليها دى عيشة تقرف

الحق كله على الأغنيا                   إحم يا فرحتنا بشطارتهم

ملهيين فى روزا وماريا                 والسف نازل على أمتهم

إمتى بقى نشوف قرش المصرى  يفضل فى بلده ولا يطلعشى

انتوا بمالكم واحنا بإيدنا          دى الإيد لوحدها ما تسقفشى

 *****

 خفيف الروح  / طقطوقة  / مقام بياتى

خفيف الروح بيتعـاجب   برمش العيــن والحاجب

خفيف الروح

غمـــز لى مرة بعيونـــه   لقيت الحــب مضمـــونه

حرام ان كنت انا اخونه   وعشقى له من الواجــب

خفيف الروح

تملى يحب يشــــــغلنى   بســـهم اللحـــــظ والننى

أخاف اتقل يخاصــمنى    ويهجـــرنى ويحـــرمنى

خفيف الروح

رأيت الأوفق ان جـانى   حبيب القــلب نــــــادانى

أرد عليــه بأجفـــــــانى  ولا أحسب حساب عازل

 خفيف الروح

ترقب نصوص وتسجيلات جديدة  لسيد درويش على هذه الصفحة