Embedded Files
مالپەرێ زمان ورێزمان
پێشگوتن
پشتی من دەست ڤەدان کری دەربارێ گەلەک جۆر وشوپێت نڤێسینێ ئو ژزۆربەی رەنگێت تۆرێت ئەدەبی ب گشتی دناڤ مالپەرێت من ئەڤێت ل ژیری ل بن ناڤ ونیشانێت تایبەت، ئەز دوان بابەتادا شیابوم خزمەتا زمانێ کوردی بکەم حەتا رادەکێ ، ئەز وەسا خو دبینم کو ئەزێ بسپۆر وپەهلەڤانم دڤان رەنگە نڤیسینادا. هندەک ژوان مالبەران دگرێداینە ب جۆرەکێ تایبەت وەک: گوتنێت کوردی، حەیرانوکان، هوزان وهەلبەستان، فلکلورێ کوردی، ساخلەمی وتەندرستی، ئو هندەک ژوان مالپەران ب گشتی من یێت تەرخانکرن بو چەند بابەتێت دی یێت تێکەلاو وهەمە رەنگ وەک: مامک ونارینک وکورتە فەرهەنگوکان، کورتە چیروکان، دیروک، ئو گوهورین ووەگێران ژچەند زمانان وەکی ئنگلیزی وعەرەبی وزمانێ سریانی بو کوردی یان بەروڤاژی. ئو هەر وەسا ژی ژچەند شێوێت کوردی بەراورد دگەل زاراڤێ بادینی ئانکو کرمانجیا مەیا باکۆر.
دڤان مالپەراندا من چەند بابەت ل سەر زمان ورێزمانێ یێت نڤێسین، ژبەر ڤێ چەندی من خو دیت یا پێدڤی یە ئەز مالپەرەکێ تایبەت ژی تەرخانکەم بو ڤێ بەشێ هو یێ گرنگ وپر بها. ئەو بابەتێت هاتینە بەلاڤ کرن ل وان جهان من یێت ڤەگوهازتینە ڤێ مالپەری پشتی من هندەک گوهورینێت پێدڤی ئێخستینێ ژهەر دو لایاڤە چ دارژتن ئوچ کێم وزێدەکرن. ئو ئەز دێ هەرێ بەردەوام بم بو زێدەکرنا بابەتێت نوی ل سەر ڤی مالبەری بو بەرچاڤکرن وپێش نیاسکرنا زمانێ مە یێ کوردی بەرانبەرێ زمانێت دی ل جیهانێ. داخازا من ژخویندەڤانێ هێژا وقەدرگران ئەوە ل من ببۆریت ئەگەر چەند لەنگ وخاری، کێم وکاسی هەبن درێنوس ودارژتنێدا چنکی هوین خڕ دزانن حەتا نوکە ئەم نەگەهشتینە وێ راد ورێژ وپلا بلند دئارستا زمانێ مەدا ژبەر گەلەک ئالوزیا ولاوازیا وئاستەنگان ئەوێت دکەڤتین ودکەڤندا درێکا ئێگرتنا زمانیدا. ئەزێ ل وێ هیڤیێ ئەم هەمی دهاریکاربن بو پێش ئێخستن وپێش ڤەبرنا زمانی ب نک پێش نیاسکرنێ وبەلاڤ کرنێ ڤە ل هەمی دەم ووەختان.
بو ئاگەهداری، ئەڤ گوتار ودێڤ چون وتێبین ولێکولین من نە بەلاڤکرینە دچ شوین وچهاندا ژدەرڤەی مالپەرێت منێت تایبەت ئەوێت دگەهنە دوانزدە مالپەران:دچ کوڤار، روژنامە، یان پەرتوک یان تورێت میدیایێ ئەڤە ژی لایێ من ڤە دبیتە جهێ داخێ چنکی شەمەندەفرا ڤێ ئێکێ یا بۆری. ژبەر ڤێ چەندێ ئەزهیڤادارم ئەڤ ماڤە یێ پاراستی بیت ژلایێ هەر کەسەکی یێ سودێ ژێ دبینیت، ل وەرگرتنێ خودانێ ڤی ماڤی بەرنیاسکەت دا ئەو ماڤ نە هێتە بەرزەکرن. سود ومەمەبەستا من یا تایبەت ئەوە ژڤێ هەمیێ ئەز دکەم ئەوە خزمەتا تۆر وئەدەب وکەلەپۆر وزمانێ کوردی یە هندی ئەز بشم ئو ژیێ من ما بیت کو دگەهتە شێست وهەشتێ نوکە. ئو ئەز یێ ئامەدەمە وبەرهەڤم ل هەر دەمەکی پەسەند ورەخنێ وەرگرم ژهەر لایەکی یێ دبینیت سەرداچونەک یان کێم وکاسییەک هەبیت ژبەرێ نڤێسینێت من ڤە ب دەتە بەرچاڤکرن ب وی شێوێ ئەو حەزدکەت ودبینیت.
٢٥-٥-٢٠١٨ دهوک – ئەحمەد عەلی حەسەن
Page updated
Google Sites
Report abuse