هل یان هەل ل دەستپێکا پەیڤێ
دو چق ژڤێ دچن:
یەکەم: دەما (هل یان هەل) دهێتن ل دەستپێکا پەیڤێ یا سەرەکی یە دپەیڤێدا وپێڤەگرێدایە ودهێت وەک پەیڤەکا رەسەن وب چ رەبگێ چێنابیت ژێک جوداکەین چنکی چ واتێ نادەت بو نمونە: هەل – ات یان هەل – قاند
هلات: هەلات: دەرکەڤت - بەرزبون
ھلاند: ھەلاند: ڕاکر بەرەف بلندیێ
ھلاویست: ھەلاویست: تڤەنگ ھلاویست، واتە ب جھەکی بلندڤەکر
ھلدا: هەلدا: راکر: ھلدا بەتەنێ، دەھمەنێت خوە ھلدان
هلقاند: هەلقاند: دەرئێخست، دەرئینا، کێشادەر
هلکر: هەلکر: بەردایێ
هلوەشین: هەلوەشین: ژناڤبرن
ھلینا: هەلینا: ژناڤ دەرئینا، بەرەف بلندیێ
دووەم: هل یان هەل دهێت وەک پێشگر ب واتا بلندبونێ و وێ پەیڤێ پتر بەرەف لایێ بەرزبونێ ڤە دبەت وپلا وێ پتر موکم دکەت.
(هەل – هاڤێت، ھەل – بەراسک، ھەل – پسارت، هەل – چنین، هەل – فری، هەل – کولان، هەل – کێشان، ھەل – گرت، هەل – لنگڤتن، هەل – بژارتن ...)
ھلاڤێتن: ھەلاڤێتن: هەلهاڤێت: بلندکرە سەری
هلبژارتن: هەلبژارتن: ژێگرتن: بژارتن
ھلبەراسک: ھەلبەراسک: سەرکەتنا سەری یان ژێهەلی
ھلپسارت: ھەلپسارت: بلندکرنا تشتەکی ب دیواری ڤە
هلچنین: هەلچنین: پێخستن: کێشاندن: هلکێشان
هلفری: هەلفری: ڤەجنقین: رابین: فرین
ھلکولان: هەلکولان: دەرئێخستنا ئاخێ ژجهێ نزم بەرەف بلنداهیێ
ھلکێشان: هەلکێشان: بلندکرن ژجهێ کویر بو سەر ئەردی
ھلگرت: ھەلگرت: بەرەف ئینانا وراکرنا تشتەکی ژئەردی
ھلنگڤتن: هەلنگڤتن: کەتن ژنزمیێ بو جهەکێ بلنتر
چەند نمونێت دی ل سەر پێشگری
(هەلخەپرین، هەلسەنگاتن، هەلمێژتن، هەلداوەزین، هەلزمی، هەلتراشی، هەلبری، هەلکەلێشان، هەلرەنین، هەلژەنین ...)
١٩-٢-٢٠٢٣ – ئەحمەد عەلی