پەیڤ ورامان

پەیڤ ورامان

پەیڤێت هەر زمانەکی گرنکترین رێ ودەستاویژە بو زێدەکرنا حەزا فێربون وزانینا زمانی. چنکی پەیڤ جل وبەرگێت هزر وبیرانە دناڤ گوتن ورستێت زمانیدا. هندی هژمار وان پەیڤان پتر لێ بیت ل نک هەرکەسەکی، پێزانیت وی زۆرتر لێ دهێن دنڤێسین وئاخڤتنێدا ووان ورامانێت وی فرەهتر لێ دهێن. ئەڤە ژی دکەڤتە سەر شانێ زمانی ژلایەکی ڤە ئو ژلایەکێ دی ڤە ل سەر ملێت وان بسپورێت زمانی ئەوێت خو تەرخان دکەن بو پێش ئێخستن وبەر چاڤکرنا وی زمانی بدانانا فەرهنگێت هەمە رەنگ و ب گەلەک زمانان دا کو خویندەڤان بشێت خو چالاک بکەت وبزاڤێ ب دەتە خو دا یێ بەرهەڤبیت دژیانا خودا ل دەمێ پێدڤیێ ودانان وپێش کێشکرنا پێزانینان. زەنگین ودەولەمەندیا هەر مروڤەکێ دناڤ شوپا زمانیدا دهێتە کێشان وپیڤان ب رێژ وپلا زانینا وی دهژمارا وان پەیڤێت ئەو دزانیت دکارهینانێدا. زانستێت زمانان پەیڤا دکەنە دو جوین:

ئێک: پەیڤێت ناڤەروک ((content words وەک: ناڤ، کار، هەڤالناڤ ئو هندەک ئاولناڤ...

دووێ: پەیڤێت فلال ئانکو خودان ئەرک((functional words وەک:جهناڤ، لێکدەر وئامرازێت پەیوەندی...

ژبەر ڤێ ئەگەرێ، ئەڤە ناهێت ب ساناهی ئەگەر خودانی بخو تێ نەبیت وخو پڕ هێزنەکەت بو ژبەرکرنا پەیڤان دمەژیێ خودا ئو ڤەگێرینیت ل دەمێ وی پێدڤی پێ هەبیت ئو ئەڤە ژی دکەڤتە سەر جێوازیا تێگەهشتنا وی وحەزا وی بو پێش ئێخستنا ڤێ چالاکیێ ل دەف خو. ڤێ چەندی پێنگاڤێت بەرفرەهی دڤێن ژهەر کەسەکێ حەز دکەت ڤێ ب جهبینیت. ئو ئەڤە ناهێت ل دەمەکێ کێم وکورت بەلێ بەر وڤاژی دەمەکێ درێژ پێ دڤێت داکو بشیت بێدەرا پەیڤێت خو ب گەهینتە ئاستەکا بەرز وبلند ب شێوەکی راست ودرست دا کو مەبەستێت خو ب گەهینیت وچهبینیت ب ساناهی وب شێوەکێ گەش ورەسن ورەوان چ ب ئاخڤتنێ یان ب دارژتنێ ونڤێسینێ.

٣١- ٥- ٢٠١٨ دهوک – ئەحمەد عەلی حەسەن