پەیڤێت شاش

بەشێ ئێکێ 

Confused words in Kurdish پەیڤێت شاش دزمانێ کوردیدا:

      دهەمی زمانادا ژڤان جۆرێت پەیڤان یێ دهەین کو شاشیێ بو قەسەکەری، خویندەڤانی ونڤێسەری چێدکەن ب گشتی. ئەڤ رەنگە دوو پەیڤ یان پتر نیزیکێ ئێکن ب دەنگانڤە یان ژلایێ نڤێسینێ وڤەژینێ ڤە کو دبیتە جهێ شاشیێ دناڤ جڤاکیدا ل دەمێ پەیڤینێ وسوحبەت کرنێ. بەلێ ئەڤ جۆرێت پەیڤان حەتا رادەکا بلند ژێک دویرن ب واتێ ڤە. ئو زۆر جاران دهێنە ب کار ئینان ل جهێ ئێک. ژبەر ڤێ چەندێ دبێژنێ پەیڤێت شاش.

١- بژارت: براژت

ئەڤ هەر دوو پەیڤە زۆر دهێنە ڤەگوهاستن ل جهێ ئێک ب خەلەتی ڤە ئو ئەڤە نەیا دویرە دفەرهەنگا دا

 ژی دهێن ل جهێ ئێک 

هەر ب وێ ئاوایێ.

بژارت:

 واتە ب زاراڤێت کوردی: ژێگرتن، نەقاندن، راکرن

کورمانجی: بژارتن: ژێبارتن

هەڤرەها سۆرانی: بژارد: بژاردن: وژاردن

کوردیا باشۆر: وەژارتن

ویکیفەرهەنگ:  بژارتن

elect: election ب ئنگلیزی:

ب عەرەبی: ينتخب: أنتخاب: أختيار

ژێچونا پەیڤێ: 

بژارت: بژێر - بژارە – بژاری – بژارتە – بژارتی – بژێری

هەلبژارت: هلبژێر- هلبژێری - هلبژارتن – هلبژارتی

ڤەبژارت: ڤەبژێر- ڤەبژارتن - ڤەبژێری - ڤەبژارتی

          بەربژارت: بەربژار: بەربژارتن - بەربژاری– بەربژارتی 

گوتنێت کوردی یێت کەڤن:

چەندێ کەو بژێرە

ژنێ نە هلبژێرە، ئەسل خێرە

رستێت رێزمانی:

مەویژێت دڤی خراریدا خڕ بژارەنە

مە ئەڤ گەنمە ب دەستێ بژارتی یێ پاقژە

broil, grill براژت: يشوي:  

 واتە: براژتن:  قەلاندن: کوزراندن: دانە بەر ئاگری: کەواوکردن

براژتن: فەرهەنگی  زمانی یەکگرتووی کوردی هاوچەرخ

ژێچونا پەیڤێ: براژت: برێژە: براژتن: براژتی

گوتن: ئاگر بەربو مالا ئێکی، یێ دی کەوی خو ل بەر براژت

رستا رێزمانی: مریشکا براژتی ل بەر ئاگری زۆرا ب تامە

٢- رێنان: نێران

ئەڤ هەر دوو پەیڤە ژواتێ ڤە نیزیکێ ئێکن چنکی سەحکرن نە وەکی بەرێ خۆ کرنێ یە

رێنان: سەحکرن

ب عەرەبی : تصفح: تفقد

Look around, browseب ئنگلیزی:

شڤان دڤێت جار جار سەحکەتە پەزێ خۆ

نێران: بەرێخۆکرن

ب عەرەبی : ينظر: يحدق

gaze, stareب ئنگلیزی:

یێ ب چاڤێ غەزەبێ نێرتە  مە

رک ورک یێ دنێرتە مە

٣- نیشادا : شینادا

نیشادا: فێرکرن: دبەرا گوت وبێژا

teach: يعلم

من شیرەتەکێ لاو نیشادا

سەرێ چویڤی نیشادا

شینادا: هێلا ببینیت وسەحکەتێ ئانکو بەرێ خۆ بکەتێ ب چاڤان

show: يري: يلاحظ

وێ ئەو تشتێت ڤەشارتی شینادا

ددانێت تیژ وچرکاندی شینادا

٤- خریان: خوریان

خریان : خراند: خراندن – خرین - خریا - خریان

خراندن: راکێشان، سەردابرن، خاپاندن، سەر رێدا برن

خداع- تضليل- تحايل

to deceive, to trick, to defraud

ئەم ل ئاخێ خراندن

ئەو کەسە یێ خریای

ب گوتنێت وی ئەز نا هێمە خراندن

ژوان ڤەبە هەمی یێت خریاین

خوریان: خوریا - خورین- خوراند - خوراندن

خوریان: کزرین- گەزین – لەش گزگزین

يحك – يفرك

rub- scrape

ئەگەر خوریا، مەفەر بریا

خوریانەکا پیس یا بەربویە لەشێ من

دەست دزانیت کا کیرێ دخوریێت

٥- حەسکرن: سەحکرن

حەسکرن: حەز- حەزکرن- حەژێکرن

يعشق: يحب

to love, to adore

حەسکرنا وێ کچێ یا کەتیە ددلیدا

سەحکرن: سەحکرێ- سەحکە

يشاهد – يراقب

to watch, to observe

 چ ژێ ناهێت بکەت بەس سەحکرن پێ ما

٦- پشدان: بەشدان

پشدان: پشتدان: ژبیرکرن- پیتە پێنەکرن

نسيان: أهمال  

forgetting, neglecting

ئەڤە دەمەکە برایێ من ئەمێت پشدان

هندی ژتەبیت پشتدانێ نەدە مروڤێ

بەشدان: بەشدار: هەڤبەش: هاوکار: بەشبەر ماڤدان

مساهم: شريك

Sharer, partner

مە ژێ پەشدان نە وان کەسان

ئەم هەمی پەشدارین دڤێ پەشدانێدا

٧- هایدان: هەودان

هایدان: پێ حەسیان: هەست پێکرن

أحساس: شعور

feeling, aware

دەما ئەو کەتیە وێ کرفتارێ، هایدانەکا زۆر کەتێ

هەودان: ئاریان: ئێشان

ألتهاب: أصابة

infection, inflammation

هەودانەکا کەتیە لەشێ من خڕێ

دڤێت مروڤ هایدانێ ب هەودانێت خۆ بکەت

٨- شێلاندن: شەلاندن

شێلاندن: شێلی کرن: نە زەلالکرن

يعكّر: يكدّر

to muddle, to muddy

چ ئاڤ نەماینە وێ نە شێلاند بن

ئەڤ کانی یا هاتیە شێلاندن

شەلاندن: ب زۆر ستاندن ەرەڤاندن: رویت کرن: تالانکرن

تشليح: نهب: سلب: سطو: سرقة

To rob, to divest

کاروانێ گوندێ مە هاتە شەلاندن دوهی

ئەگەر ئەن دهشیارباین، نە دهاتینە شەلاندن

٩- رێتن: ریتن

رێتن: رێژتن: کەتن: بژیان

يسكب: يريق

 to pour, shed, spill

وان روندک رێتن بو مریێ خۆ

مە رێتن وان مێتن

ریتن: گوی کرن: چونا دەستئاڤێ

يتغوط: تبرز

defecate, excrete

ئەو یێ ژریتن ومیزتن بوی

نا خوت دا نەریتن

١٠- بێژن – پێژن - پێژن

بێژیت: بێژە: بێژتن

يقول: يتلفظ: ينطق

say, utter, pronounce

دبێژیت بەس نا پێژیت

پێلە چ دبێژیت بلا بێژیت بو من خەم نینە

پێژیت: پێژە: پێژان: پێژتن: پەحتن

من دڤێت بزانم کا ئەو چ دبێژن؟

يخبز: يحمص

bake, to make bread

دەیکا وی یا نانێ دبێژیت

دێ گەنگی نانی پێژن: دەنگێ پیان: رپێن پێژن: رپرپا پێان: تپتپ

النَّميمة: الذمرة صوت الخطى: الوَقْع: الصوت الخفيّ من حركة شيء

ئەز دەرکەتم دەما هاتیە گوهێ من دەنگێ پێژنا

هەر بێژە دەنگێ پێژنا یێ دهێت

sound of steps

١١- بیژن - بێژن

بیژن: بێژەن: بێژەنین: ژنا مێر لێ مری: مێرمری

أرملة: من فقدت زوحها

widow: woman whose husband has died

ژنک حەز ناکەت مێر بمریت وببیت بیژن

وی پیژنەک خازت

بێژن: ژنمری: مای بێ ژن

أرمل: مَنْ ماتت زوجتُه

widower: man, whose wife has died

مێر بێ ژن ژاردبن، ژن بێ مێر هاردبن

مێرێ بێژن ب چ نائینیت

ژنا بویە پیژن بێ مێر نا قەتینیت

١٢- شین: شوین

شین: رەنگە یان نیشانە بو: تەناهیێ، باوەریێ، تازیێ بو شینیێ

شینبون: کەسکبون

تە چ رەنگ دڤێت؟ یێ شین

ئەو چیە تو خو دشینی وەرکری

blueالأزرق: لون من الألوان المعروفة:

شوین: جهـ: شوینوار: جهێ ئاکنجیبونێ

محل: موضع: مكان

place, spot, site, position

چ تشت شوینا نانی ناگرن

شوین کوچکێ وان ل جهان رەش نابیت

١٣- ستویرە: ستەورە

ستویرە: قەلەوە: تژی یە

سمين: بدين: ضخم

fat, stout, fleshy

حەتا ستویر زراڤ دبیت زراڤ دپچیێت

ئەڤە چەند مروڤەکێ ستویرە 

ستەورە: نەزۆک: ژنکا نەزێت

عقيم: عاقر: مجدب

barren, sterile

ژنا وی یا ستەورە

پەزێ ستەور ناهێت دۆتن  

١٤- جەماند: چەماند

جەماند: جەمینە: جەماندن: جەمیان

کومکرن: سەرێکڤە ئینان

تجميع: لم: تكديس

gathering, collecting, picking

شڤانێ پەزێ خۆ جەماند

کێ ئەڤ مەویژا جەماندی نە

چەماند: خۆشکاند: سەرشۆرکرن: نزمکرن

حنى: لوى: ثنى

bend, twist, bow

هەکە تە سەر چەماند دێ پشتێ ژی چەمینی

من سەر خۆ چەماند دا بن پرێرا بچم

١٥- رەوش: رەوشت

رەوش: کاڤدان: دەست ودۆر: زەرف: حال

حال: حالة: وضع: ظرف

case, condition, position

حالێ تەنگاڤە، ئەم خۆ ناگرن سەر ڤی رەوشێ

رەوشا من نەیا باشە ڤان روژان

رەوشت: رەفتار

أخلاق: سلوك: تصرف

moral, character, manner

مروڤ ب رەووشتا دهێتە پێش

تو چەندێ بێ رەوشتی

١٦- هەلویست: هەلاویست

هەلویست: وەهەس: مەرەق

شعور: عاطفة

Feeling, emotion, sensation

من چ هەلویست بو وێ کەسێ نینن

چ هەلویست بو نەماینە

هەلاویست: داوزاندن: پێڤەنان: گرێدان

علق: ربط: دلى: ثبت

sling, hang, suspend

من وێنێ خۆ ب دیواری ڤە هەلاویست

ئەڤە دەمەکە ئەم یێت ماین هەلاویستی

١٧- پشت: پوشت

 پشت: دیف: پاش: دویماهی

ظهر: خلف: عقب: وراء: قفا

back, rear, behind

ئەو کەسە یێ پشت ئێشە

پشتا وی یێ ل کەڤری

یێ پشت وپشت دزڤریت

پوشت: پویچ: حیز: قەحپە

مومس: قحبة: بغي

whore, harlot, prostitute

پوشت ف پشتا دکەڤن

پوشت ژپەیڤا پشتێ یا هاتی

١٨- تل: تڵ

finger تل: تبل: أصبع:

 تلا وی نە کە دچاڤێ منرا

هەر دەستی پێنج تل یێ دپێڤە

belly تڵ: طڵ: زک: بطن:

چ تڵێ ژبەرڤە

تڵی خۆ ببە وێڤە

تلێت خۆ دانان سەر تڵێ خۆ

١٩- پیت: تیپ

letter پیت: حەرف: حرف:

دڤێت تو ڤان پیتان ژبەرکەی

هەکە دەرسە پیتەک(حەرفەک) بەسە

side, stickتیپ: رەخ: ئال: ڤەبستن: جهة: لصق:

تو ژی خۆ ب ڤی تیپی دا بەردە

هەرە وان وائیرا تیپکە

٢٠- گیخ: خیچ

 circle shapeگیخ: کێشا بازنێ یە: یا گروڤرە: شكل الدائرة:

سێ چار گیخا سەر ڤێ ئاخێ چێکە

تە چەند گیخ دکێشاین ل ڤێرێ

lineخیچ: خەتە: چ راست یان خار: خط:

هندەک خیچێت راست ل ڤێ لاتێ چێکە

تە ئەڤ خیچە خارا ئینای

٢١- سیر: سویر

garlic سیر: ثوم::

یێ سیرێ بخوت دێ بیهن ژدەڤی هێت

saltyسویر: مالح:

نانێ بێ خوێ دخوت، تڕێت سویر دکەت

٢٢- حولسی: تەحسی

ئەڤ هەر دوو پەیڤە دهێنە ب کارئینان ل جهێ ئێک بێ جوداهی

حولسی: حولسین: حولیسوک: سەر بەفرێ یان ئاخێ

هشیاربە نە حولسی ل سەر بەفرێ

تەحسی: تەحسین:تەحسوک: چ ل سەر ئاڤێ یان سەر بەفرێ یان ل ئەردی

هێدی هێدی وەرە دا نە تەحسی

تزحلق: أو تزلج

skiing, skating, sliding, skidding

پتر ژسێ پەیڤان:

 زیرین:  ١- زرین: زرێن: زۆرن

زیرین: سالوخەتێ زێری: چاک وتازە وباشە

دەستێ ڤێ کچێ یێ زێرینە

زڕین: دەنگێ هندەک گیانەوەران ب تایبەت یێ کەری

زرینا کەری زۆرا نەخوشە

زرێن: دەنگە: شرەقین

ماموستای زرێن ژگوهێ وی ئینا

زۆرن: گەلەکن: مشەینە

ل کەیفێ زۆرن بەس ل تەنگاڤیێ کێمن

٢- مشک: مێشک: مێشەک: مەشک

مشک: گیانەورێ بچیک یێ ژجوردی بچیکتر

مێشک: مەژی: موخێ سەری: ئەقل

چ مێشک دسەریدا نینە، یێ بێ مەژی یە

مێشەک: ئەو ئاژەلێ بچیک پیس

وێ مێشەک یێ کریە دفنا خۆ

مەشک: پیستێ حشک بو کیانێ، روینی، ژاژی، دوشاڤێ

٣- کوڕ: کۆر: کور: کور

کوڕ: بێ ئیفلەح: بێ وەغەر

تو چەند مروڤەکێ کوڕی

کۆر: قۆر: چال

هشیاربە نە کەڤیە دڤێ کۆرێ دا

کور: زاروک: بچیک

تە چەند کور هەنە؟

کور: نەدیتن: بێناهی لێ نەمایە

ل نک کورەی شەڤ وروژ ئێکن

٤- کەر: کەر: کەر: کەڕ:کەڕ

کەر: گیانەوەر: نێرێ مێکەرێ

دێ هەر مینی کەر

کەر: قەد: پرت: پارچە

من نانا ساخ نەڤێت من دڤێت کەر

کەر: بکرێ کاری

کەرەوو خۆرەوو. نە کەروو دل کەسەروو

کەڕ: بهیستن نینە: گوهلێنینە

بابێ وی یێ کەرە حەلانە

کەڕ: بێ دەنگ

ژێبە، ئەوێ ل ئاشێ کەڕ، هاژ چنینە

٥- نێرێ: نێری: نویری: نڕی

نێرێ: نێرە: سەحکێ: بەرێ خۆ بکێ

کا ب نێرێ ئەڤە کی یە؟

نێری: نێرە: رەگەزێ نێر: بزنێ نێر

دێ کێژکێ بەی نێری یان یا مێ؟

ئەز دبێژم نێرە؛ دبێژیت بدوشە

نویری: چار دورکێت نانی

تە چەند نویری پەحتینە؟

نڕی: نیشانا شەری چ مروڤ یان گیانەوەر

تە چیە تو هو نڕی من؟

٦- دزی: دەزی: دەرزی: دەڕزی

دزی: دز: دزی:دزین: دزیکەر: دزاتی

دزی: ژێستاندن: شەلاندن

خودانێ دزی، دزیدانێ ڤە رزی

کانیا کەڤزی، ئاڤ ژێ دزی

دەزی: داڤ: تا: بەندک

دێ بێژی داڤا دەزی یە

ڤێ تایێ دەزی ب ڤێ دەرزیکێ ڤە بکە

دەرزی: ئامێرێ دورینا جلکان

دەرزیێ بینە وڤێ پاتەی بدوری

دەڕزی: تیکتیکبو: شکەستن

ئەڤ دیوارە یێ دەڕزی

قودیک کەت عەردی ژهەمی رەخا دەڕزی

٧- درین: دورین: دێرین:دێرین

درین:دریان: شیق شیقبون: هلوەزیان: ژێکهاتن دەر

درین بو ڤێ شەلی نینە

دورین: ژێڤەکرنا دەخلی ب شالوکێ

من چەند پالە دڤێن بو دورینا گەنمێ

دێرین: دێراندن:  زەلالکرن: سافکرن 

کا وێ شیری لاو ب دێرینن

دەنێ مە یێ ئاڤێ گەلەک ئاڤێ ددێرینیت

دێرین: دویرین: کەڤن: کەڤنار

دیروکا کوردا زۆرا دێرینە

٨- بزن: بزێن: بەزن: بازن

بزن: جۆرەکێ پەزی یە یێ مێیە

دەما ئەجەلا بزنێ هات نانێ شڤانی دخوت

بزێن: زا: زان: بەرهاڤێتنا پەزێ مێیە: ژێکەڤتن

ئەم ڤان میهان نا فروشین حەتا بزێن پاشی

بەزن: بەز: بەزین: غاردان: رەڤین

دگەل فیتکا من دڤێت هوین بەزن

بازن: خەلەکا زێری یان زیڤێ دکەڤتە پشتا دەستی

بازنازەندێ وێ خڕی گرتی

٩- ژەن: ژن: ژان: ژین

ژەن: ژەنێ: ژەنین: سازکرنا تشتان

تو یێ دفیری، ما تو پارا دژەنێ

ژن: کچا تەمام: هەڤژین

ژن ب رویا، مێر ب مویا

ژان: کەسەر: کوڤان: ئێش

هند ژنن، هند ژانن

ژین: ژیار: هەبون

ژینا ب هەڤال، چێترە ژژینا بێ هەڤال

١٠- رەژی: رژی: رێژی: روژی

رەژی: دارێ هاتیە نیڤ سوتن 

رەژی سوژ، خوش رەژی سوژ

رژی: ڤەرستن: بژکی: ژێکچون

ستێرەک ل ئەسمانی رژی

رێژی: ژێکەتنا تشتێت رون وەک ئاڤێ، روینی

هشیاربە وی شیری نە رێژی

روژی: گرتنا رەمەزانێ

تو یێ ب روژی یان نە؟

ئەڤ بابەتەدێ هێشتا هێتە زێدەکرن ل پێشە روژێدا

١٢- ٢ -٢٠٢٠ دهوک ئەحمەد عەلی

پەیڤێت شاش.pdf 

بەشێ دووێ:

 چەند پەیڤێت شاش

١- هویکر: کەهیکر

٢- هەیکر: دەرکر

٣- هەیتکر: هاژوت

٤- هێکر: فێرکر

واتە ورامان:

هێ: پیتا ئاگەهداری: پیتێت بانگرنێ نە: پیتی بانگ کردن

هێ: نیشانە بو نزیکی: بوهێرە وەرە

هێ هێ: بێژا بانگ کرنا مێگەل وپەز وکەوالان 

هێ هێ: وتەی گاڵتە پێکردن وباوڕە نەکردن  

هێبون: فێربون، ڕاهاتن

واتە ورامان:

هی: هیکرن: هویکرن: فێرکرن: فێرکرن: ڕاهێنان: عەلماندن

هێ: هێکرن: فێرکرن: فێرکرن: ڕاهێنان

هەی: هەیکرن: دەرکرن: دەرکردن: بەرەللاییکرن

هەی: ھەیكرن: ئازاکرن: سەربەردایی کرن

هەی: هەر: رامانا خش وگومانێ یە: هەی هات هەی چو

هەیت: هەیتکرن: دەرکرن: بەرە لاکرن

هەیت: هەیتکرن: ژخو ڕەڤاندن: قەوتاندن

هێک: هێککرن: بۆ هێککرنا مریشکێ: هێلکە کردن  

رستە وگوتنێت مەخلیتە: 

هویا هوی نەکەن هەکە هەوە هویکرن ژبیر نەکەن.

خۆ هویێ(فێری) تڕێت بن کەفشاکر.

بچویكێ خو یێ هویکریە ب درەنگی بنڤیت.

ئەو بچیکە چیێ هیبویە کولانا.

دەرێ کوتانێ ڤەکەن و پەزێ هەیتکەنە ژدەرڤە.

دەمێ مرۆڤ بەڵا تشتەکێ ژ خو ڤەکەت هەیت دکەتێ.

راستی ئەو نە چ بابە، کچا خۆ یا ھێکری یە کۆلانان.

فلان کەسێ هویێ خۆ یێ دایە مە.     

كچا خۆ یا هیكریە هەمی کارێت ناڤ مالێ .

گیانەورێت کویڤێ کەهی دبن دەما مروڤی هویێ خۆ بکەت.

دێ روینە خارێ، ما هویێ تە ب من ناهێت.

مە کەرێ خۆ ھەیتکرە گوڤێ.

یێ هیبویە هاژوتنا ترمبێلێ ڤان روژان.

هیکرن: هویکرن: جامَلهُ أحسنَ مُعامَلتهُ

١-٤-٢٠٢١ – دهوک – ئەحمەد عەلی

بەشی سێیەم

شاشیا پەیڤێت مینا ئێک

ئەڤ پەیڤێت ژێری زۆرێت ئالوزن درێنوسێ دا وهەر وەسا دەما مروڤ دپەیڤیت دئاخڤتنێدا ئو یا ژهەمیا گرنگتر ئەوە دواتە ورامانێدا ژی شاشیێ بو مروڤی چێدکەن ب گەلەک رەنگان.

١- کەڵەک: دانەک زوی ب کەڵیت

ئەو نوکێت من کرین گەلەک دکەلەکن.

٢- کەڵەک: کێلەک: کۆما بەرا یا خرڤەکری ل ناڤ زەڤی ووەرەزان

مارەک چو دناڤ ڤێ کەڵەکا بەراندا.

٣- کەڵەک: گەمیا بچیکە

ئەم دێ چین ل کەڵەکێ سویاربن.

٤- كەڵەك: نە یا سارە ونە یا گەرمە

كەلەكا بتنێ یێ ئینایێ شیری.

٥- کەڵەک: گدیش

مە گەنم دوڕی وکرە کەڵەک.

٦- کێلەک: تەنشت، رەخ، ئال، لا، نک، جەم، بال، با

بابێ وی یێ ل سەر كێلەکا خۆ نڤستی.

٧- کێلەک: بەرەکێ ڤەنای

وی بەرەک هاڤێت بەس کێلەک ئێخست.

٨- کولەک: پەنجەرا بچیک ل دیواری

چ خانی نینن دبێ کولەک.

٩- کولەک: قوین

تو چەندێ کولەک فرەهی.

١٠- کێلۆک: ژنا فەلە

من چەند کێلۆک دیتن دچونە دێرێ.

١١- کێلیک: وەک لوبیکانە دهێنە خارن

وی هند کیلیک خارن حەتا زک لێ وەرمی.

١٢- کلک: دیلک

شەرمە کلکا خۆ ڤەشێرە.

١٣- کولیلک: گولن

وی قەفتەکا کولیلکا بو یارا خۆ فرێکرن.

١٤- کالک: پێلاڤە

کالکێت بەرێ شروخە پێڤەبون.

١٥- کولک: لیسێ دیکل ومریشکان

من کولکەکێ چێکری بو مریشکان.

١٦- کلیلک: دەرڤەکر

من کلیلکا دەرگەهێ مەزن یێ بەرزەکری.

١٧- کاکڵک: نافک: نیڤا تشتی

تو کاکڵکا دلێ منی.

١٨- کیکلک: دیکلک: پرتا هنارێ

ژوێ هنارێ من بەس کیکلکەک خار.

١٩- کالەک: پیرەمێرەک

وێهە کالەکێ ل بەر دیواری یێ نڤستی.

٢٠- کۆلک: وەرەما ب کێم وعەداڤ

های کۆلەک ل مێلاکا تە هاتی یوو.

٢٢-٤-٢٠٢١ - دهوک - ئەحمەد عەلی