کار وکریار

کار وکریار: المهن:jobs

ئەڤ ناڤێت کارا دهێنە ب کارهینان د ناڤ بەرا هەرسێ زماناندا: تورکی، کوردی ئو عەرەبی، براستی زوربەی وان یێ دهاتین ژزمانێ تورکی، بەلێ بی گومان یێ د ئاکنجی بوین دزمانێ مەدا ب شێوەکێ رەسەن ورەوان. ئەڤ جورە پەیڤە یێت هاتینە لێکدان ژدوپەیڤان. ئێک ژوان پەیڤا سەرەکی یە یا دەست پێکێ یە ئو واتا وان یان : تشتەکە، جهەکە یان کارەکە. پەیڤا دووێ (چی )یە واتە وێ د کوردیدا یان: چێدکەت، بێ رادبیت، کاردکەت...)، دگەل ڤان پەیڤان مە دکوردیدا پەیڤەکا دی ژی یا هەی بەرانمبەرێ وان ئو ئەم هەردوکان بکاردهینن بێ جیوازیەک هەبیت دناڤ بەینا واندا.

پەیڤ وواتە:

بستانچی: رەزڤان: مروڤەکە کارێ وی سەخبێر وچاڤدانا چەم وبستانایە

پەنچەرچی: کەسەکە تائرێت کون یێ ترومبێلا چێدکەت

تویتنچی: ئەڤ مروڤە کارێ وی کرین وفروتنا تویتنێ یە

تەنەکچی: کارێ ڤی مروڤی چێکرنا تەنەکا وکارێ وانە

تێلچی: ئەڤ مروڤە شولێ تێلادکەت

جامچی: ئەڤ کەسە بکارێ جام وشویشا رادبیت

جەمبازچی: کارێ ڤی مروڤی جەمبازی یە دکرین وفروتنێدا

چایچی: چایێ چێدکەت یان خودانێ چەیخانێ یە

چەرخەچی: زێرەڤان: ئەڤ مروڤە بکارێ زێرەڤانێ شەڤێ رادبیت

چەقماقچی: کارێ چەقماقا دکەت وچارەسەردکەت

خانچی: خودانێ خانێ یە کارێ وی چاڤدان وسەخبێرا خانا دەوارا یە

خزمەچی: خولام: کارێ ڤی کەسی خولامینیا مالانە

سفرچی: ئەڤ کەسە مروڤە کارێ وی جهبەجهکرنا سفرێت زادی یە

توبچی: کارێ ڤی لەشکەری توپە یان رادبێت ب چێکرنا وان

فیتەرچی: کارێ ڤی چێکرنا مەکینا وترومبێلایە

قەچاغچی: شولێ ڤی کەسی قەچاغی یە

قەزانچی: ئەڤ توڤە کەس کارێ وی فروتنا قازانایە

قەلیەچی:ئەڤ کەسە قەلیێ چێدکەت ودفروشیت

قوندەرچی: پنیدوز: ئەڤ مروڤە قوندەرا چێدکەت و چارەسەردکەت

قونتەرچی: ئەڤ مروڤە قونتراتا دگریت و پێ رادبیت

قەهوەچی: خودانێ قەهوێیە وقەهوێ چێدکەت

قولچی: زێرەڤان: کارێ ڤی مروڤی زێرەڤانی یە

کالکچی: كەلاشکەر: ئەڤ کەسە کالکا چێدکەت

کەبابچی: ئەڤ مروڤە کەبابا چێدکەت ودفروشیت

کورکچی: ئەڤ کەسە کورکا چێدکەت ودفروشیت

گومرکچی:کارێ ڤی مروڤی ل گومرکێ یە

لەحیمچی:ئەڤ مروڤە بکارێ لەحیمی رادبیت

لویلیەچی:ئەڤ کەسە لولیێت باسکا وقەلینا چێدکەت ودفروشیت

موغازچی:کارێ ڤی کەسی یی ل بەر دوکان وموغازا

نوبەچی: نوبەدار: کارێ ڤی مروڤی نوبەداری یە وزیرەڤانی یە

مۆغازچی : مۆغازە: مغازجي : ئەو کەسە یێ مێز وکۆرسیک وخودیک وکەل وپەلێت مالێ دفوشیت

عەرەبانچی: عەرەبانە:العربنجي : خودانێ عەرەبانێ یە

تیتنچی :تیتن: قلمجي : تاجر التبغ : ئەو کەسە یێ تیتنێ دکریت ودفروشیت

قوندرچی: قوندەرە: القندرجي : ئەو کەسە یێ قوندەرا چێدکەت

چەرخەچی: چەرخە : جرخجي :حارس ليلي. زێرەڤانێ شەڤی

نوبەچی: نوبە: النوبجي: ئەو کارە یێ نوبە تێدا هەبیت ئانکو ب دۆر

حەمامچی: حەمام: الحمامجي : صاحب الحمام: خودانێ سەر شویێ

فیتەرچی: فیتەر:الفيترجي: ئەو کەسە یێ تورمبێلا چارەسەر دکەت

قەبانچی:قەبان: القبانجي : ئەو کەسە یێ تشتەکی بقەبانێ یان ب کێشەری دکێشیت

کولاڤچی:کولاڤ:كلاوجي: ئەو کەسە یێ کولاڤا چێدکەت یان ئەوێ کولاڤا دکەت سەرێ خەلکی ب فەند وفێلا

توپچی: الطوبجي. جندي المدفعية: سەربازێ توپێ

ئوتەچی : مروڤەکە یێ جلکا ئوتی دکەت

هوەنتەچی:ئەڤ مروڤە کارێ وی هوەنتەنە وفەند وفێلن

سەختەچی: ئەڤ مروڤە سەختا وتەشقەلا دکەت

عەرەبەنچی: کارێ ڤی کەسی پالدانا عەربانایە

گولچی:ئەڤ مروڤە ب زێرەڤانیا گولێ رادبیت

قوسعەچی: ئەڤ کەسە زادی بو هەڤالێت خو د ئینیت

ئەرزوحالچی: کارێ ڤی مروڤی نڤێسینا ئەرزوحالایە

٢٢ / ٨ / ٢٠١٦ دهوک - ئەحمەد عەلی