Te Moan Ua

Te Ekaretia, are Ana Ekaretia te Atua ao akea riki, bon taian moan ua ake a tataekinaki nte Baibara. Ao te bong ae te Bentekota, are e kakauringaaki nikatoa ririki, e bon kaotiota te rongorongo aei. Te 'Moan Ua' bon aomata aika ana moan motikaki taekaia, e ngae ngke a bon maiu. Bon ngaiia aika a moan weteaki ba ana kamaiuaki (saved). A tuai ni kamaiuaki kaain te aonaaba nikabaneia nte tai aei moa.

E taku te Taeka ba e baireaki te aomata ba teuana ana tai ni mate ao imuina e na motikaki taekana, ngaia are e bon waaki matera ngaira aomata nte bong teuana ma te bong teuana. Ao nikabane aika a tia ni mate ana manga kautaki nakon te motiki taeka: "Ba a bane ni mate aomata iroun Atam."

Ibukin ana bure Atam ao aomata nikabaneiia a kaantaningaaki ba ana matena te moan mate (first death). Am bure aika a ikoiko imuin moan rairan nanom, am bure akanne ana konaa ni kairiko nakon te kauoua ni mate (second death) - e kabuaaki rabatam ma taekam. Akea ae ena uringngko.

E taku I-Korinto 15:22, " . . . ao ana manga maiu naba irouni Kristo". Ana BANE - aomata ni kabaneiia mairoun Atam, Kain, Abera, naaki a maiu imain te Ieka; naake mairoun Noa, Tieti nakon Tawita, Toromon; ao botanaomata n Iteraera n aiai Ueea; botanaomata Nebukaneta; kaain Room n ana tai Iesu, Iutaia ma Tiantaere; Komiti mai Tiaina; Tiantaire mai Inria; beekan man aban nako te aonaaba, ana bane ni kautaki nakon te motiki taeka. 

Ma e taku te kibu 23: "Ma ana uti, tatabeman n ana tai: ba Kristo moa, ao imuin te koraki aika ana aomata Kristo [te moan ua], n ana tai n roko.". Te kibu 24: "Ao imuina ao e na roko te toki."

E na roko Iesu ao E na kaoka Abanuean ao Ana Tautaeka te Atua. Ao E na tautaeka n te aonaaba n te maan ae tengaana (1,000) te ririki (Te Kaotioti 20:6).