Ana Embwaea Buritan bon te kabanea ni bubura (largest) ao ni karekereke (influencial) n embwaea nte aonaaba. N tokin buburana ao ana Embwaea Buritan aio e taua taekan nakon 25% tanon aban (land surface) te aonaaba ae banin.
Ma, ko ataia ba e maneweaki ana Kaomanwareta Buritan n taekan burabeti? Kakoroan taekana n burabeti aio e katebenakoa kinaakin Ingiran ae taekinaki nte B'aibara, te botanaomata (nation) ae e mena i nuukan ana Embwaea Buritan aio.
Nakon 4,000 te ririki n nako, ao te Atua e anga Ana berita nakon Aberaam ba kanoana (offspring) ana reke irouiia te korakora (power) ao te kaubwai ae raka. Te berita nakon te moan nati n Karikani B'ai 12 e taekina: "Na Karikiko ba te botanaomata ae korakora (great nation), ao Nna kakabaiako, ao Na karika aram ba ena korakora (make thy name great): ao kona riki ba te kakabaia" (kibu 2).
Nte boki ae 1 Chronicles 5:2 ao ko konaa n noora te berita nakon Aberaam are ea manga ruo rikaaki nakon natin Iakoba ae Ioteba. Ao i muina n Karikani B'ai 48 ao te berita aio e a katokaaki iaoiia natin Ioteba ake uoman, ake Manate ao Ebaraim. E taekinaki n te kibu 10 ba kanoan (descendants) Ebaraim ana riki ba "botanaomata aika maiti (multitude of nations)." Karikani B'ai 22:17 ao Karikani B'ai 49:22 a taekinna ba Ebaraim e na riki ba te tia taui aaba (colonizing power) ao are e na taua taekan mataroan taari (sea gates - Suez canal, Panama canal, Straight of Malacca, Singapore) nte aonaaba. Taeka n burabeti nte B'aibara ao rongorongon te aonaaba ngko (world history) a taekina ba e moanna ni kakoroaki bukin te berita aio man moan te ka-19 n tienture. Ao n banen te tienture naba aio ao Ana berita te Atua nakon Aberaam e roko n tokina mai eta (peak) n kakoroaki bukin katean te Embwaea n Buritan. Te "botanaomata aika maiti" are e burabetinaki ea riki ba te kabanea ni korakora n embwaea nte aonaaba: ana Embwaea Buritan.