Ana Euangkerio Iesu
Teraa te euangkerio are bon tii teuana ao bon tii ngaia ana euangkerio Iesu Kristo? E AKI ATAIA TE AONAABA! Tao ena kamiimii aei irouia tabeman ma e bon tuai n tataekinaki ana euangkerio Iesu inanon te maan ae 19 te tienture. Taraa nanon am B’aibara. Nooria mai moana! Ae e mwakoro inano bon kiibu tabeua man ara B'aibara n Kiribati. A taku taekaiia:
“Aei te rongorongo ae e Raoiroi ae taekani Iesu Kristo . . “ (Mareko 1:1, Kiribati Catholic Bible.).
“Moan euangkerion Iesu Kristo . . “ (Mareko 1:1, Kiribati Protestant Bible)
Kiibu akanne i eta a taekina te rongorongo ke te euangkerio IBUKIN Iesu Kristo – "TAEKANI Iesu" – "EUANGKERION Iesu"!
Ma taekana n angiin B’aibara n I-Matang e kangai: “The beginning of the gospel OF Jesus Christ”, (TNAB,The New Catholic Translation), ae rairana n Kiribati: “Moan teiraken ANA euangkerio Iesu Kristo”
“Ao ngke e a tia n karinaki Ioane n te karabuuti, ao Iesu E nako Kariraira n taekinna te EUANGKERIO IBUKIN UEAN TE ATUA, ao E taku, E a roko taina, e a kaan uean te Atua: raira nanomii, ao kakoauaa te euangkerio” (Mareko 1:14-15, rairairi man te TNAB).
Teraa am euangkerio ae ko taua?
E riai ni kakoauaaki te EUANGKERIO ibukin te kamaiuaki! Ao kona kanga ni kakoauaa, ma tii ngkana ko ataia? Inanon te maan ae 1,900 te ririki ao te aonaaba e aki ataa ana euangkerio Kristo. Te euangkerio anne e bon karabaaki ao n oneaki imwiina n aia euangkerio aomata are ibukin (about) Iesu – tiaki Ana euangkerio Iesu are ibukin Uean te Atua
E ririanna Iesu nakon taabo ni bane n tataekina te Rongorongo ae Raoiroi ibukin Uean te Atua (Good News of the Kingdom of God). E kabwarabwara n taeka n kaikonaki (parables) rongorongon Uean te Atua. E kamanangaiia itingaun (70) mwaane bwa ana nakonako n tataekinna (preaching), ao e tuangiia (commanded them) bwa ana tataekina Uean te Atua (Ruka 10:9, KCB). E kanakoiia ana abotoro, are e moan tei te Ekaretia irouiia, bwa ana tataekina Uean te Atua (Ruka 9:1-2, KPB). Imuiin utina man te mate, ao imwaain waerakena nako Karawa, ao Iesu e bon taekinna (taught) rongorongon Uean te Atua (Mwakuri 1:3, KCB) nakoiia ana reirei.
Te abotoro Bauro e bon tataekina (preached) Uean te Atua (Mwakuri 19:8; 20:25; 28:23,31, KCB, KPB). Ao te Atua, rinanon Bauro, E taekina, uoua te tai (twice), bwa E na kamaraiaa (curse) te aomata ke te anera ae na tataekinna te euangkerio riki teuana (Karatia 1:8-9, KCB).
Tao e kamiimii bwa tao e bua (lost) te rongorongon ae raoiroi aio man te aonaaba, ngaia are e a nangi mwaiti aomata aika a ninikoria n tataekinii euangkerio riki aika kakaokoro.
Rongorongon Uean te Atua bon te bwai are ko riai n ataia (understand), ao ni KAKOAUAA (BELIEVE), ngkana ko kan kamaiuaki! E bon taekina aio Iesu! Ao ko riai ngkai ni kakaea bwa teraa te rongorongo aei!
Warewareriki n te article aei
Te Euangkerio Ae Boou!
Kama tia n ongo rongorongon te eungkerio ae boou aio?
Kam na bon kubanako iai, kam na tounako iai, ao kam na titiraki ba e aera kam bon tuai n ongo, ke ni kaongoaki te rongorongo aio.
Tina teirakea ara marooroo aio man, teraa te euangkerio are e aki toki n tataekinaki nakoim. Tao ko na kaangai: ‘Te Euangkerio ibukin Iesu’. E kakoauaaki ba n umantabu ao kona tii ongo rongorongon Iesu: antai Ngaia, antai ana karo iaon te aba, antai tinana, Ngaia kingngin te maui, te kabaia, ngkana ko onimakinna ao kona kamaiuaki. Rongorongon ana makuri ni kakamaiu: E kateirakea te mauku, E kaurea matan te matakii, E bon kauta naba te mate, ao a maiti riki. Ana taeka n reirei tabeua: te kakabaia nakoia akana nanorinano, Ana Tataro, taian tua, tangira raom n aiaron tangiram i bon iroum, te reirei ae e aera e aki kangaanga iroun te kaameero ba ena rin inanon matan te neiran, e aera ko na tai mataaiakina buun temanna, ao a maiti riki.
Ao rongorongon maiuna i main matena: Kateana imatan Birato, ribaakina irouia botanaomata, bainikirinakina irouiia tautia, E tauraki iaon te kaibangaki, matena ao manga utina.
Tao ena iai riki te euangkerio irarikin aei ae ibukin Iesu, ara Tia Kamaiu?
Tao ena iai taan wareware tabeman aika ana kaangai, “Ba teraa riki irarikin Iesu? Ngkana tao iai, ao ai bon te riaaboroo.”
Ngkana ti oki rikaaki n nooria ba teraa kanga nanon te taeka ae te euangkerio, ao e bon mataata koreana n ara Baibara n Kiribati ao n aia Baibara Imatang, ba e kaangai kabarabaraana: Te Rongorongo ae Raoiroi, ke, te Good News.
Aikai ngkanne tabeua “rongorongo ae raoiroi’, (man aro tabeua) ke te euangkerio ibukin Iesu:
· E na motikirawara ngkana ti nakoina
· E na katoka kainanora
· E na anganiira te kukurei
· E weteira ba ti na nakoina, ti na ongeaaba irouna
· E na kairiira nako karawa
· E na kamaiura man te buaakaka
· E na kabarai ara bure ngkana ti butiia, e ngae ngke ni katoa bong
· E na kaakabaraaki ara bure n taainako ngkana ti tuanga ke ngkana ti
kaotii ara bure nakon ana ‘toro’ temanna
· Ti na maeka ma Iesu i baretaiti n bon te tai are ti mate iai
· Ti na maeka ma Iesu i Karawa nte maiu n aoriori (wenewene ao ni
mamatu), ao te nebonebo, n aki tootoki.
· E a anganiira Iesu te maiu ae e aki tootoki: ngkana ti raoiroi ao tina
kautaki nakon te maiu ae akea tokina i karawa; ngkana ti buaakaka ao
tina kautaki nakon te maiu ae akea tokina i moone.
· Ngkana ti mate ao Iesu e anganiira naba ara tai ba ena kaitiakaki muin
ara kakumekume iaon te aba i main te nako karawa – ko bon mate ma
ko bon maiu naba.
Kanga zombies?
Teraa ngkanne te Euangkerio ae Boou aei?
N aron are I karaoia ieta ao Nna tii kaoti tabeua “rongorongo aika raoiroi” ae kanoan ANA EUANGKERIO IESU AE E AKI TAETAEKINAKI!
· Ana aonaaba Tatan aio.
· E na oki Iesu n manga kaoka Abanuean te Atua iaon te aonaaba. “Ena roko Ueam”.
· Baretaiti ke karawa are ti na ‘mena iai ma Iesu’ bon te aonaaba aio n ikotaki ma buraneti nikabaneia inanon te unibweeti ae akea tokina.
E aranaki ara tabo aei n te Baibara ba “Abanuean te Atua”, ke, te “Kingdom of God”.
· Ena iai te Tautaeka - Government
· Ngkai iai te Tautaeka ao ena iai te Oin Tua – Ana Tua te Atua ake Tebwina.
· Bon iai aika ana moan kautaki –moan-uaa (firstfruits).
· Moanuaa aikai bon tan kairiiri n Ana Tautaeka te Atua – uea ma tia reirei, ma ibonga.
· Ake ana kautaki nte kauoua ni kautuuti ana motikaki taekaia.
· Ana kaantaninga te Atua ba aomata nikabaneiia aika a tia ni bungiaki nako aon te aonaaba ‘Aonaaba Ningabong’ aio.
· Anne butimaea Iesu ena rin n te Abanuea: anne e aki ao ena anganaki te kauoua ni mate.
· Ti na riki ba kaain Ana UTU te Atua.
· Ti nangi riki ba ai bon Natin raoi te Atua n aiaron Iesu ara karimoa ae te Atua naba.
· Tina tararuaa mani karikirakea ara buraneti ike ti na uea iai – iai teuana, iai nimaua ao iai 100 – n aki tootoki.
Kawara Abanuean te Atua ibukin kabaninan te rongorongo