Te taetae n Ebera, are e kabonganaa Moote, e bon kaotia bwa e nangi tamaroa te kariki bwai. Te Atua e bon taku bwa ngaia bon te TIA KARIKI BWAAI aika tamaroa, aika oota ao aika bane tikiraoiia. Taeka ni kabne aika a rekereke ma te kariki n te B'aibara a bon taekina tamaroana ao tikiraoina n te taeka ae E raoiroi." - good - perfect!
Moan kibun te B'aibara ao bon taekinna moan karikan bwaai nikabaneia -te unibweeti - ao te aonaaba, tao mirion ma mirion te ririki n nako - ae bon te kariki bwai ae kororaoi karikaia, e tikiraoi ao e tamaroa ngke e a bon tia karikaia iroun te Atua. Te Atua e aki kariki bwaai aika "tuai ni baireaki arona", ke, tao a" rootongitong". Te Atua bon te tia karikii bwaai aika bane tamaroaia.
N ana boki Iobi 38:4, 7, ao te Atua e bon karakinna aron karikan te aonaaba. E taku bwa nikabane anera (karikaki bwa "natin te Atua) a takaarua ma te kimareirei ngke e karikaki te aonaaba.E kaotaki ikai bwa a moan karikaki anera imwaain karikan te aonaaba. Taai, buraneti, ao bwaain karawa bon bwaai aika nooraki bwa rabata aika a kakanoa. Anera a karikaki bwa tamnei bwa aki konaa n nooraki bwa e aki kakanoa rabataia - bon te tamnei (spirit) tinanikun rabataia ao nanona naba.
Tao ana manga kubanako tabeman taan wareware ngaka a ataia bwa ngaia a kaman meka iaon te aonaaba anera mirion ma mirion ririki IMWAAIN karikan te aomata.
Anera i aon te Aba a Bure
Kiibu tabeua n te B'aibara a taekinna naba bwa iai anera aika a bon maeka ioan te aba.
Noora II-Betero 2:4-6. Ae moan riki "a bure anera" (kibu 4). Imwiina, te aonaaba imwaain te ieka mai iroun Atam nikarokoa te Ieka (kibu 5). Imwiin aei, Tootom ma Komora (kibu 6).
Te boki aei ae te B'aibara, ae kanoana bon rongorongon te Atua te Tia Kariki Bwai, e tuangiira bwa te Atua e karikii anera aika rabatanaki n te tamnei. Ma ko konaa ni iangoia anera bwa a konaa ni riki bwa anera aika bubure (sinning angels)? A karikaki anera ma te bwaua ni konaa ni iango, karaoi babaire ao n rinerine, bwa ngkana akea aei irouia ao e na bon akea oin anuan temanna ma temanna (individuality of character). Ngkai karaoan te bure (sin) bon uruan ana Tua te Atua, anera aikai a kaitaraa ana Tua te Atua, are bon boton (basis) ana Tuataeka te Atua.
Ma a kanga ao ningai are a bure iai?
Nooria roi bwa teraa ae kaotaki n II-Betero 2:4-5: "Bwa ngke a bure anera, ao e aki kamunai rekenikaia te Atua, ma e tewenakoiiia i nanon te ro are i moone, ike a kabaeaki ma n tauaki iai ni karokoa te motikitaeka; e aki kamaunai naba rekenikaiia te koraki ake ngkoa te Atua, ma e karokoa te ieta i aon te aonaaba, ma e kamaiua ti Noa te kawaniman, te tia taekinna te raoiroi, ao e karokoa te ieta nakon aia aonaaba naake a buakaka (ungodly)." Te taeka ae "tewenakoia ... i moone" bon te rairairi man te taeka n Kutiriiti (Greek) ae tartaroo, man tartaros, ae akea riki inanon kibun riki te B'aibara. Nanon te taeka ae Tartaros bon te tabo are a kawakinaki iai - kanga te karabuuti - te matawariki.
Kiibu aikai a kaotia bwa ana bure te aonaaba e na karekea urubekebeken te aonaaba (destruction to physical earth). Te bure imwaain te ieka (antediluvian sin) ae karika rokon te ieka, bon aia bure nako kaain te aonaaba ni bane. Taraia: " ...ao e a on te aba nte iowawa .... a bane ni buakaa kaaina .... bwa e a on te aba nte iowawa ...." (Karikani Bwai 6:11-13)."Ma. iai tangiran Noa i matan te Atua ..... Noa bon te aomata ae raoiroi ao e eti ibuakoia ana roro, ao Noa e nakonako ma te Atua." A bane ni bure - kaain te aonaaba. Ma tii Noa ae "nakonako ma te Atua." Ngaia, te urubwai e roota te aonaaba ma kaaina nikabane man te ieka, ma tii Noa ma ana utu.
Te 'bure-ma-aekam' (homosexual) ao buure aika a kakaraoia kaain Tootom ma Komora e butanako n rootia aaba ake irarikiia. Ao e roko te urubwai ae korakora nakon abaia nikabane. Aia bure anera e bon roota naba te aonaaba nikabane; te urubwai e roota te aonaaba nibane. (Ao tao te unibweeti naba? Ti a nooria n Mwakoro 7).
Taian kiibu ake ieta a kaotia bwa aia bure anera e irki IMWAAIN te bure are karika te ieka, are mai roun Atam, ae nanona bwa e riki aia bure anera aio IMWAAIN KARIKAIA AOMATA!
E kaotaki n Itaia 14 ao Etekiera 28, bwa te Atua e mwiokoa Rutibeero, te tiirabu, bwa ena toka ioan te kaintokaniuea i aon te aba. Te Atua e mwiokoia bwa e na kabira ana Tautaeka te Atua iaon te aba. Ao e bon tei ana tautaeka te Atua iaon te aba ngkarokoa e a moanaki te kaaitara irouia anera ake e a rin te buakaka inanoia
Tao mannra tukuiia anera iaon te aba e aki kaotaki. Tao mirion ma, ke. birion te ririki. Tia noora aei rimwii. Ma a bure anera. Te bure bon kaitaraan (transgression) ana Tua te Atua (I-Ioane 3:4). Ao ana Tua te Atua bon boton ana kainibaire ana tautaeka te Atua. Ti a ataia bwa anera aikai, e koreaki bwa 1/3 mai buakoia anera nikabane (Te Kaotioti 12:4), a bure - a kaitaraa ana tautaeka te Atua, Ao, te bure iai rekenikaina. Te rekenikai ibukin aia bure anera bon tiaki te mate, n aroia aomata. Anera bon te tamnei (spirit beings) ao a aki konaa ni mate. Anera aikai a bon tia n anganaki te maaka (dominion) iaon te aba bwa aia bwai ao neia ni maeka.
Aia bure anera aikai e karika te urubwai iaon te aonaaba ni kabuta.
E Tautaekana Ana Kariki Bwai te Atua
Te Tia Kariki Bwai te Atua. Te Atua naba bon te Uea iaoiia ana kariki bwai. E kateimatoaa ana kariki bwai man ana tautaeka. Teraa ae karikia te Atua, e karikia bwa ena iai manenana - ena kabonganaaki, katamaroaaki, kateimatoaaki ao n tararuaaki. Ao kabonganaakina e bon tiatianaki man ana tautaeka te Atua. Ngke a waakinna aia kaitara nakon ana tautaeka te Atua, karikirakean ao katamaroaan te aonaaba - "katokaan te aiting iaon te keike" - ea TOKI! Kateimatoaan ao karikirakean te aonaaba ao tikiraoina nikabaneia a toki - ao e a teirake te urubwai (destruction) iaon aban te aonaaba nikabaneia.
Man te bure n anera aio, Rutiberoo e a riki bwa Taata te anti ao raona anera a riki bwa taian taimonio.
Te Atua bon te Tia Kariki Bwai, te tia Kateimatoaa te Maiu ao te Tia Kairiiri.
Taatan bon te tia Urubwai!
Tia na wareka ngkanne ana boki Iuta 6-7: "Uring anera ake a aki kawakinna kakanatoia, ma a kitana aia tabo ni maeka; a kabeaki n aki toki inanon te ro, ike a kawakiniia iai te Atua imwaain te Motikintaeka n te Bong ae e kakanato. Uring kaawa aika Tootom ma Komora ma kaawa ake i rarikiia: a katootoongiia anera akekei, n aroia ni kamwaraa nakoia ake tiaki aekaia.A wene ngkai kaawa akanne n rekenikaia n te ai ae e aki mamate, ao a riki iai bwa te bwai n reirei."
Ti na okira Karikani Bwaai 1:1-2. Te kibu 1, are kaotaki ieta, e kataia n katereterea bwa te kariki bwai e bon rokoraoi - E RAOIROI - e tamaroa. Te Atua bon te tia karika (author) te maiu, te tikiraoi, te tamaroa. Taatan e karokoa te ro, te taraabuaka, te aki-tamaroa, te iowawa. Te
kibu 1 e bon tii kaota te kariki bwai ae, tao, e ngae ngke e tuai n tia raoi, e bon nangi tikiraoi man tamaroa. Te kibu 2 e kaota mwiin aia bure anera.
"Ao te aonaaba e (was) urubekebeke (without form, waste, chaotic, state of decay) ao akea kanoana (empty, void)". Te taeka ane 'e' (was), n te taetae n Ebera ao e manga rairaki nakon 'e riki bwa' (became) n Karikani Bwaai 19:26. Ae nanona bwa, te aonaaba, are e a bon tia ni karikika ma tamaroanna ao tonuna, e a riki bwa te tabo ae urubekebeke ao akea kanoana, n airon te namakaina, ma aon te aonaaba e rabunaki n te ran.
Te uea are Tawita ma rakan wanawanana e taekina bwa e kanga n manga kabooua (renew) aon te aba: "Ko kanoa Tamneim, ao a riki: ao ngkoe ae ko kabooua aon te aba" (Taramo 104:30; Taiain Areru 104:30).
Reita am Wareware: Te Koaua teuana ae Kakubanako
*Kiibu nikabane aika a kabonganaaki ikai a bon rairaki man B'aibara n I-Matang ao tabetai tiaki n aron taekana nikabane are e koreaki n te B'aibara n I-Kiribati.