Rutibeero, ngkanne, e bon kateaki (stationed) n ana kaintokaniuea te Atua (throne of God). E reirei naki (trained) ao e reke rabakauna (experience) n aron waakinan (administration) ana tautaeka te Aua (government of God). Te Atua e bon rinea te kerubim aei ae bon bane arona, ao e a mwaatai, bwa e na riki bwa te uea n ana tautaeka te Atua i aoia anera aika a maeka i aon te aonaaba.
Ti na waaki nako: "...ko maeka i aon ana maunga te Atua; ko nakonako ibuakon atiibu aika mwakaroroi." E aki karakinaki te aomata ikai. Tina waaki: "E nangi koro arom n te kawai man te bong are ko karikaki iai, ngkarokoa e a kuneaki iroum te aki kan ongo (lawlessness)" (Etekiera 28:15). Iai irouna te rabakau, te ataibwai, ao te wanawana. Ma, e bon anganaki naba te korakora ni konaa n kakaea reken te bwai teuana (reasoning), kona n iango (thinking), ni karaoi babaire (making decisions), ao n rinerine (making choices). E ngae ngke iai irouna bwaai aikai iroun te anera ae karikaki n te kabanea n tamaroa, e bon rairaki n manga kaitaraa are E KARIKIA - kaitaraan te kawai are karekea te raoiroi. E rairaki nakon te anua n aki kan ongoaaba. E bon kataneai i aon kamatoaan te tua ao te rau. Ngke e teimatoa Rutibeero n kateimatoaa te tua oao te rau ao ena bon iai te kukurei i aon te aba. Ana tautaeka te Atua ena kakukureiia ana botanaomata - tii ngkana e teimatoa Rutibeero n ongeaaba n karaoa tabena n ana tautaeka te Atua.
Teraa ae Karikiia Anera bwa ana Bure?
Teraa ae karikiia anera i aon te aba bwa ana bure (sin), ana rairaki nakon te aki ongeaaba (lawlessness)? Bon tiaki anera aika a wiiwiina Rutibeero bwa e na kaitara. Bon tiaki, e bon kuneaki irouna te nano ae kamwaraa (iniquity). Ma, tao maanra ngke e reke aei irouna? Tiaki ataia. E aki kaotia te Atua! E konaa n tao irauwa te ririki nakon te mirion ke birion te ririki.
Ao imwiina, ngke e reke te nano ni kan kaitaraa (traitor) Rutibeero ao n tau ana kaintokaniuea te Atua, e aki kaotaki naba bwa maanra te tai are kabonganaa ni kataia n anaanaa nanoia anera nikabne are a mena i aana bwa ana buotokoia n kaitara.
E nangi ataaki te anga are e kabonganaa. E bon kabonganaa te anga are e bon kabonganaa naba n taai aikai n kataia n maamaanaaia aomata nakon te aki kan onimaki (disloyalty), te kaitara (rebellion), ao bon te nano n aki kan iira nanon ana tautaeka te Atua. Te moan bwai are e na karaoia bon kairan nanon temanna ke uoman nakon mataiakin ana bwai temanna (envy), te bakantang (jealousy) ao te uun ibukin te bwainikiriinaki (resentment) i aon te bure ae karioaki - ao imwiina te buutakinako disloyalty). Imwiina e manga kabonganai naake uoman, ke, are temanna,, kanga aron aaboro aika buakaka ibuakoia aika a raoiroi, bwa ana karika te aki kukurei, te aki onimaki ao te kaitara iroia naake irarikiia. Ao n aron ana mwakuri te aaboro ae buakaka are e a kabuakakai aaboro nikabne inanon te baoki, ao aia aron naba ana waaki Taatan.
Ngkana, e a tei ana tautaeka te Atua i aon te aba ngkai, ao a aki moan taai n karenakoaki 'abooro aika buakaka', ana bon kamagaongaoa ke ni kabwaka (destroy) te tautaeka. Ma, n te tai are a karenakoaki iai ao ana bon aki konaa n kabuakakaia naake nikirana.
Ao kataia n iangoia bwa tao maanra te tai are e a kataia Rutibeero n raira nanoiia anera aikai nakon te kaaitara. Tao inanon mirion ma mirion te ririki. E bon riki aio imwaain karikan te moan aomata.
A bane n riki aio imwiin te moan kariki bwai are n Karikani Bwai 1:1. Te kibu uoua ngkane, e bon kabwarabwaraa tein te aonaaba ae reke man mwiin aia bure anera. Te bwai ae riki ngkanne n te kibu 2 e bon konaa n reke tao mirion ma mirion te ririki imwiin te moan kariki bwai.
Te aonaaba ngkanne, e bon karikaki tao mirion ririiki n nako. Tina reita nako Etekiera 28: "Man mwaitin am okinibwai ao a karika inanom te iowawa,ao ko a karaoa te bure: ngaia ae N na tewenakoiko bwa kanga te bwai ae buaakaka man iaon ana maunga te Atua: ao N na kamawako, ngkoe te kerubim ae te rabuna, mai buakoia atiibun te ai. Ko kamoamoa ibukin tamaroam, ao e bua wanawanam ibukin raneaneam: N na kabakako nako aon te tano ..." (kiibu 16-17). N te kibu aei ao e kananonaki teuare e na kaoti n tautaekanna te aonaaba (politico-religious leader) - are bon katotoongan te uea mai Taea.
Ko atia n noora urubekebeken te aonaaba, taraa buakana ao te ro are e rabuna matn te aonaaba, are e riki man imwiin ana bure Rutibeero (are ai te anti ngkai) ao anera aika bure naba (taian taimonio ngkai), ao are manga karikan te aonaaba te kauatai (Karikani Bwai 1:2-25).
Reita am Wareware: E Aera a Karikaki Aomata?
*Kiibu nikabane aika a kabonganaaki ikai a bon rairaki man B'aibara n I-Matang ao tabetai tiaki n aron taekana nikabane are e koreaki n te B'aibara n I-Kiribati