Te Tamnei ae Tabu e roko mai karawa, e nangi KARONGOAA kanga aron te ang ae korakora, "ao e (Tamnei ae Tabu) kaona te auti ike a tekateka iai." Imwiina, e kaoti te Tamnei ae Tabu - E KONA N NOORAKI - e rabata. "A noori baike kanga newe ake ai aron taian ai, ake a uamae nako n toka I aoia n tatabeman." (Mwakuri 2:2-3)
N te kibu 18, te abotoro Betero e manga kaoka ana taeka te burabeti ae Ioera: "N na kabaroa Tamneiu ..." Te Tamnei ae Tabu, kanga te ran, e konaa ni KABAROAKI. Ko konaa ni kabaroa te aomata temanna nako naon te aomata temanna? Noora Ioane 7:37-39: "N te kabane ni bong, are kabanean bongin te toa, ao e tei Iesu ao e kangai: Ngkana iai ae kani mooi, ao ke e nakomai nakoiu ao mooi, Ane e kakoauaai, ao e na raanga nako mai nanona karaanga n ran ni kamaiu. (Ma, e taekina aei Iesu te Tamnei ae Tabu, are ana anganaki akana a kakoauaa Iesu: bwa a bon tuai n anganaki te Tamnei ae Tabu bukina bwa e tuai ni neboaki Iesu.)" Ao n Mwakuri 10:45, " ....i aoia Tiantaire ao e baro nako te karea are te Tamnei ae Tabu."
Kabanean Taeka
Te Atua bon te Utu teuana ae kaaina moa ngkai Naake uoman man Ioane 1:1-4, ma a mwaiti riki aika n te tai aei a karikaki iroun te Tamnei ae Tabu bwa Natin te Atua, ao are e kaantaningaaki manga okin Iesu bwa ana manga bungiaki nako ana Utu te Atua. Imwiin utina man te mate, ao Iesu Kristo e a BUNGIAKIi bwa Natin te Atua (Rom 1:4) - te karimoa n ana Utu te Atua (Rom 8:29).
Te Atua ao Kristo a bon rabatanaki n te tamnei, ao a katootoonga teia ao tamneia aomata, ma mataia a uru kanga te ai ao ubuia kanga otan tai ae bane korakorana!
Te Atua e karikii bwaai nikabaneia. A bon kaai ni kaman iai - Te Atua ao te Taeka - imwaain rikin bwaai ao akea mwaitin aia bong bwa amiu n aki tootooki! Mai rouia ao baronako te Tamnei ae Tabu, ngaia are a kona ni mena n taabo nibane (omnipresent) ao n atai bwaai nikabane (omniscient). Te Atua Te Tama bon Atuun ana UTU te Atua, are ana bungiaki nako iai Kristian ni koaua.
Reita am Ware: Te Mwakoro 2: Kamiimii Ibukiia Anera ao Taimonio aika Aki Ataaki