Rikiraken Te Katei ae Kamaira

`Teuana ana makuri te aonaaba ae e kaakaraoiia n taai aikai ae e karika rikiraken te katei ae nangi kamaira bon nanora ni kan kakaraoi makuri aika rekereke ma katei ni babaitingako. Mai mwaain buaka ntee aonaaba ake uoua ao makuri ni baitingako, te wewene ni bure, bon taobike aika a nangi tabu taetaekinaiia. N taiani boki n wareware ao e nangi kangaanga ae e na koreaki katei ni babatingako ke te wene ni bure.  N taiani biirim naba, e tabuaki karaoan birim ake iai tamnein te bebekan, ke wewene ni bure, ao bon akea aia "biirim kaara" n taai akekei.

Man muin te 1945 buaka nte aonaaba ao e a moanna oti irouiia aomata te nano n kan 'inaomata' - a kaninaomata ni karaoi baai ake a katabuakaki ngkoa. Ngkekei ao e tabuaki te mooi manging (Prohibition era, 1920 -1930s), a tabuaki aine ba ana nooraki n moko, ao e tabuaki te "matuu n akiakaaka, ke, n ara taetae ngkai, te makuri ni "kamea". Ma, a bane ngkai ni kaukaki katei ke makuri aikai iaan karinan by-law tabeua iaon 'inaomataia' aomata. Tua aika a boou aikai a boni kaineti ma nanoiia baronga n aomata aika a titaboo nanoia ni kan karaoa aia 'makuri' teuana ma teuana. Ngkekei, ao n aia oin tua aaba nako ao iai te tua teuana ae te Human Rights. N taai aikai ao e a wakaanako nakon te Women Rights, te Children's' Rights, te Animal Rights, te Trees Rights, etc. Ao, n tiba taai aikai (2011) ao ea kinaaki ana "rights" te baronga n aomata ake te LGBTQ+ community, iroun te UN, ao te UN e "tuangiia" aban te UN ba ana karinna n aia oin-tua.

Bon akea buakakan katean tua, ma ana nooraki ba a raoiroi, ao a aki bi i tinanikun te katei ao ana taeka n reirei te B'aibara. Ngke e moan kateaki te aba ae Amerika, irouiia Boretetanti, ao ana oin-tua te aba ae boou aio e aanaki man taeka n reirei man te B'aibara. Ao aia aron naba aaba n Kristian nte aonaaba. Ao e maiti aaba aika a kanikinaeia ba aaba n Kristian man kabonganaakin taeka n aron "Te Atua Buokira", Te Atua E na Kakabaiara" , ae e konaa n nooraki n aia mane ke aia 'logo'. Eng, n taai aikai ao angiia aaba, Kiribati naba, a moanna n birinako man Atuaia.