Teuaei Herbert Wilbur Armstrong e kakoauaaki ba "koaua" tabeua aika e kaoti nakoira bon baai aika ti aki ongoongoo n taabo n taromauri aika a kakaokoro. Bon angin 'koaua' aikai e bon kaotia ba a taekinaki n te B'aibara - ao aei ana katei ae e kinaaki iai ba nikabane baai (koaua ke kewe) e bon karekea kaekaan titiraki i aoiia rinanon kamatebaian te B'aibara. Irouiia tabeman ao e aranaki aei ba bon te 'kaotioti' nakoina.
Bon kaain te 'Sardi' Church of God nte kaawa ae Oregon, i aon Amerika, ae te aro ae rokoroko i Ierutarem rikina. Ma e nooria ba te Church of God aio e a moanna ni bua ke ni katukii tabeua Ana kantaninga ma Ana babaere te Atua, ike e kaota kaairua aikai nakoiia ao ngke a aki kan rairaki ao e a katea te Church of God teuana ae ea manga kinaaki ba te "Philadelphia" Church of God. 'Philadelphia' bon te ka-6 n kaawa (Kaotioti 3:7) ike iai Ana Ekaretia te Atua iai ao aika a katoaaki ma reeta ake e kaotaki n Te Kaotioti, noora mwakoro 2 ao 3. Bon itiua ana "era" te ekaretia aio ae taekinaki nte Kaotioti 2-3. Itiua ana tai n manga kamaiuaki mangke e moan kamiuaki ke ni kateaki iroun Kristo. Reeta ake n Te Kaotioti 2/3 nakon kaawa ake itiua bon kabarabaraan aron aia onimaki kaain ana ekaretia te Atua n kaawa akanne n taai akekei. Ma uoua nanon taeka akanne ba (1) e bon kaeneti nakoiia ekaretia n aia tai abotoro n te tai anne nte moan tienture, ao (2) e kaeneti naba ma aron maiun Ana Ekaretia te Atua inanon maiuna irouiia Ana Abotoro Iesu , man te moan tienture nikarokoa boong ni kaitira ngkai.
Te ekaretia n aia tai abotoro e bon maiu n aron maiun te ekaretia n te kawa ae Ebeto (Kaotioti 2:1-) nte tai anne ike e aranaki ba Ekaretia i Ebeto ke "Ephesian Church of God". Ao e totonako te ekaretia aio ao e a manga moan kamaiuaki - onoua te tai - n aron taekana n reeta nakon ekaretia i Timirena (Kaotioti2:8-), i Berekamo (Kaotioti 2:12-), i Tiatera (Kaotioti 2:18-), i Tiariti (Kaotioti 3:1-), i Biriterebia (Kaotioti 3:7-), ao i Raoritia (Kaotioti 3:14-).
Ngke e manga kamaiua Ana Ekaretia te Atua teuae Herbert W. Armstrong ao e katereterea ba aei ngkai ana kaonoua (6) n tai ni manga maiu ike e aranna ba te "Biriterebia" Church of God, man 1931, nte ka-20 n tienture. Ngke e mate Armstrong n 1986, ao e mangao te ekaretia ba e rawata aika a kan onea mwiina. E maenako te ekaretia nakon mwaanga aika a maiti - iai aika a bon teimatoa n taui 'koaua' aika kaoti Armstrong ao iai aika a ti butimaea tabeua ao ni katikui tabeua. Ma iai aika a teimatoa ni kawakini koaua ma kaotioti man te B'aibara aika a tiba kaotaki nakon te aonaaba n boong ni kaitira aio rinanon Armstrong. E toki maiun te Biriterebia Church of God n maten Armstrong. Ao n boong aikai e a moanna n nooraki kanoan te ka-7 n reeta nakon te ekaretia i Raoritia, ba bon te reta naba ae kaeneti nakon Ana Ekaretai te Atua n te ka-21 n teinture aio.
Nte clip aio e kauringaaki ana moankekeiaki Armstrong ni karikirakea Ana Ekaretia te Atua Nikabuta ke te Worlwide Church of God.
E kaotii ana makatiin, ana boki aika e korei, te rerio ae e kanakoa ana rongorongo mai iai, ana College ake e katei.
E kaotaki naba kautuun tautaeka, Buraim Minita, Beretitenti, Uea, n te aonaaba ake e kawarii n share ana rongorongo te Atua.
Ao e promote ana kabanea ni boki are e korei imwaain matena, te "Mystery of the Ages". Itiua ana mwakoro te boki aio, ao Ia tia n raira kanoana nakon te taetae n Kiribati ibukiia akana e nakoraoi riki nte wareware n Kiribati. (Click ikai ibukin te moan mwakoro)
Nte clip aio e kaoti tabeua ana taeka n reirei teuae Armstrong.
E kaota naba bukin buutakinakoana man te Oregon Church of God.
E kaotaki ba n 1945 ao e ira naba moan katean ana rabata te aonaaba teuana ae te United Nations (UN). Ao ana taeka n taku ba e aki raoiraoi ba e aki aanaki n ana koaua te Atua. (Ti nooria ngkai ngkai e a kabatii tuua te UN aika a bon biri itinanikun ana kaantaninga te Atua - te Children Rights, te Woman's Rights, te LGBT rights, etc)
E kaotaki ikai rikiraken ana 'makuri' te Worlwide Church of God ni kabotauaki ma aaro ake tabeua ao kambana n koro-rongorongo aika a kinaaki n aron te TIMES makatiin ae taua te maiti nte aonaaba. Rikiraken te kanakobanaa nte rerio ao ana TV borokuraem. Mataku ao noora kakaongoraana.
Te clip aio e kabarabara aron maenakon "Ana Ekaretia te Atua". Ngke e mate Armstrong ao e a mangao te 'ekaretia' ba e uneakinaki ba antai ae e na onea muina. Ngke a toka taan kaira te ekaretia aika a boou ao a karin "aia koaua" aika a biri itinanikun ana reirei te B'aibara ao ake kaaitaraan ana reirei Armstrong ibukin "koaua" aika a tiba kaotaki nakon te aonaaba. E rawata te ngurengure, te aki kukurei nte ekaretia ike e karika maenakon te ekaretia. Nakon 90% kaain te "aro" aei aika a buutakinako ao ni katea aia 'aro' aika a taku ba are ira ana reirei Armstrong. I buakon kurubu aika buutakinako ao iai te kurubu ae e kateimatoa n taua ana reirei Armstrong ao ni kakoaua 'ana' koaua ba bon te kaotioti man te B'aibara. Te kurubu aio e a kinaaki ba te Philadelphia Church of God. . . . .
Antai teuae Armstrong ao teraa ana makuri ae e karaoia? Ongora kabarabaraana teuatana ikai. . . .
Te clip aio e kamatoa ba ana ekaretia te Atua ngkai e a moanna n rinanon kanoan te ka-7 n reeta nakon Ana Ekaretia te Atua nte kaawa ae Raotetira, nte moan tienture (Te Kaotioti 3:14-). Mataku ao karekea otam n rongorongon te "ekaretia" aio. . . .
"E aera ngkai ti mena ikai i aon te aonaaba?" Te titiraki ae tao ti bon tuai n titirakiniira. Ongora ikai ba teraa ana kaeka te B'aibara i aon aei.
Teraa ae e riki nakon Ana Ekaretia Iesu are E kateia?
N Karatia 1:6 ao e taku Bauro nakoiia kaain ana Ekaretia te Atua nte kaawa ae Karatia, "I miimii ba kam konaa ni kitana teuare e weteingkami nakon Kristo ao kam nakon te euangkerio riki teuana" (paraphrased). Tao iai riki te euangkerio ae e taetaekinaki n aia tai Abotoro irarikin are Ana Euangkerio Iesu?
Ongora ikai ba teraa ae e riki nte tai are e moan kateaiki te ekaretia - ba bon tii teuana ae e kateaki, ao tao iai riki teuana ae kateaki naba nte tai naba ane?
N te Kaotioti 2 ao iai rongorongon reeta aika a koreaki nakoiia itiua (7) ana ekaretia te Atua n kaawa aika a kakaokoro. Taeka n kaunganano ao n boutoko ao n reirei nakoiia kaain ana ekaretia te Atua n kaawa aikai bon taeka naba n burabeti nakon ana ekaretia te Atua are man te tai are e moan kateaki iai nikarokoa taai aikai. Bon itiua naba ana tai (era) ni maiu ao mani totonako ao ngkai tia roko n ana ka-7 n era te ekaretia aio ae e aranaki ba te Laodecian era of God's Church, are aran te ka-7 n kaawa n Kaotioti 3.
E bon ataaki ba Bauro bon aia 'abotoro' Tiantaere. Te kaawa ae Room bon aia kaawa tiantaere.
E taekinaki n Rom 15:20 ba bon tiaki ana katei Bauro n katea maangan Ana Ekaretia te Atua nte tabo ae tao iai te abotoro temanna ae e a kaman roko nte kaawa anne.
N ana karoboki teuana (1 Betero 5:13) ao e nooraki ba e korea ana boki aio Betero man te kaawa ae Baburon iaon Metiobotemia nte ririki A.D 50. (E kawaria kanoaiia Iutaia ake a moan katikaki nako ikekei)
Ngke e koroboki Bauro nakoiia kaain ana Ekaretia te Atua i aon Room ao e manewea araia tabeman ake e kinaiia ma e bon aki manewea aran Betero teuana te tai. E taku nakoia ba e ingngiinga n kawariia ba ana katea aan Ana Ekaretia te Atua ikeikei, iaon Room. Nte tai aei ae e bon tuai n tei te Ekaretia i Room (Rom 1:11). Antai ae e katea te aro n Kristian i aon Room? Mataku ikai n karea rongorongona.
N ana kauoua n boki te abotoro Bauro ae ana reta nakoia kaain I-Korinto ao e katereterea ba Tatan bon atuan te aonaaba aei (2 Korinto 4:4). E ataa naba aei Iesu ngke e kaririaki iroun Tatan, ao ngke e taku Tatan nakoina ba ngkana e neboia ao ngaia (Tatan) e na angan Iesu abanuean te aonaaba (Kingdoms of the world) nikabane. E kaotia ikai Tatan ba ana bai abanuean te aonaaba nikabane ao Iesu e bon ataia ba e koaua ana taeka Tatan nte tai arei - ba e boni tuai n roko Ana tai Kristo ba ena anaa te kaintokanuea aio mairoun Tatan. Kabaninna te rongorongo nte video aio.
Ongora ikai karakinan te Atua ao Ana moan karikibai - mairouiia anera nakoira aomata - ao ana Master Plan te Atua ibukin aomata - ao te rongorongo ae raoiroi ibukin Abanuean te Atua. Aei bon kanoan ana kabarabara te abotoro ibukin boong ni kaitira nakon Ana Ekaretia te Atua n aban te aonaabanako n tain Botakin te Uma n Rianna (Feast of Tabernacles) n 1984.