Te Koaua teuana ae Kakubanako
Teuna riki te kamiimii nakoia taan wareware. Awaei bon teuana naba te koaua ae e aki ataaki ao tao e aki kan kinaki irouia taian aro nako, te tiainti (science) ao reirei aika rietaata.
Man te kibu 2 rikaaki n bokin Karikani Bwai 1, nikiran te mwakoro aio e aki kabwarabwaraa moan karikan te aonaaba. Ma e kabwarabwaraaki kabouan aon te aba, imwiina ngke e a tia n urubekebeke ao man akea kanoana are imwiin aia bure anera.
Teraa ae kabwarabwaraaki n te kibu 2 rikaaki, are e bwainaki bwa rongrongon te moan karikai bwai, e bon karaoaki, man taekana ae koreaki n te B'aibara, tao nakon 6 tabun te ngaa te ririki n nako. Ma e konaa n mirion ma mirion te ririki imwiin are bon moan karikan te aonaaba ma taian karawa are e koreaki n te kibu 1!
E na kabwarabwaraaki rimwii tao maanra te tai are a iangoa iai aia kaaitara anera.
A kea kanoan te aonaaba ao e urbekebeke (e tuai ni baireaki arona?). Te Atua e aki karika te aonaaba n arona aei, ae urubekebeke, akea kanoana ao n mate (decay) aona. Bon tiaki tetia karika te mangaongao te Atua (I-Korinto 14:33). Te taeka n Ebera - tohu - ae nanona bwa e akamwaraa (waste) ao akea kanoana (empty) - e kabonganaaki naba n ana boki Itaia 45:18, ma e rairaki nakon te taeka ae ' akea manenana' (in vain). Ngkana e rairaki raoi man te taetae n Ebera ao e na kangaai taekana: Ao e taku te Uea are karika taian karawa; Te Atua are e bon katea mannan ao ni karika te aonaaba, e kateimatoaa, e aki karikia bwa ena akea manenana (tohu), e kariki bwa ena maekanaki."
Tina reitia nako man te kibu 2 (e urubekebeke te aonaaba, e mangaongao ao akea kanoana): "Ao te ro e rabuna te marawa are iaon te aonaaba. Ao Tamnein te Atua e kakamwakuri iaon te ran. Ao e taku te Atua, "Ke eriki te ota; ao e riki te ota. E noora te ota te Atua, ao e raoiroi; ao e karaurea te ota man te ro." (kiibu 2-4)
Taatan bon te tia karika te ro. Aia kaitara anera e karika te ro. Te Atua bon te tia karika te ota ao te koaua. Te ota e kaota ao kaotinakoa tamaroaan bwaai, ao e kaotaa te ro. Te Ro e
karabai ni kauoua.
Kiibu imwiin aei, nte moan mwakoro aei, e kaota manga moan kabouaan aon te aba - a manga karikaki taian kai, uee, utoute, ao aron kaai riki n aroia nako - ao imwiina a karikaki taian iika ao mani-kiba, maan aika kawakawa ao aika nakonako, ao n te kabane te aomata.
Rutibeero ae Kakannato
Imwaain ae ti nakon te aomata, ao ti na noora moa te rongrongo are imwaain karikan te aomata (prehistory).
E kanga n reke aia bure anera? E moan riki mai iaa?
Uringnga bwa te Ata te Tia Kariki Bwai e kateimatoai bwaai (preserves), katamaroai (improves) ao e kabatiai (enhances) riki bwaai ake e karikii man ana tautaeka. Teraa ae e karikia e bon karikaki bwa ena kabonganaaki. Te aonaaba aio ena bon kaainaki ao ni kabonganaaki irouiia anera, man te moan.
Ngke e kamaekaia anera - 1/3 ibukoia anera ni kabane (Te Kaotioti 12:4) - iaon te aonaaba ae tamaroa man tikiraoi, ao te Atua e katokaa iaoia, iaon te kaintokaniuea, bwa ena kabuta ana tautaeka te Atua, te akanera (archangel) - te turabu (cherub) ae Rutibeero. Bon tii uoman riki anera aika a nangi kakanato irarikin Rutibeero, n turabu, bwa Mikaere ao Kabiriera.
Ae e kaotaki n te B'aibara ao tii anera aika teniman aikai aika taua te kabanea n rietaata n nakoa irouia anera nikabaneia. Rutibeero bon te anera ae nangi raka arona - e nangi tikiraoi, e oota mwaka rabatana, te wanawana ao te atai bwai irouna ao iai naba korakorana - e boni tonu tamaroana n aiaron karikana iroun te Atua (Etekia 28:15). Ma, uringnga bwa iai te bwai are e aki konaa ni karikia te Atua man korakorana bwa te anua are te kabane ni tamaroa man eti. Ngaia te Atua e karikia inanon Rutibeero te inaomata n rinerine ao karaoi babaire, bwa e aongo n riki n iai inaomatana ao n iai anuana.
Ikai ngkanne are ti na manga kaota te koaua teuana ae aki bati n ataaki. Te Atua e kariki bwai n te aro ae uoua (duality) karikan ana tamnei ke ana iango teuana. Ti konaa ni kabotaua ma te aine ae kamwaa ana keike. Ngke e kaotinakoa man te ai-ni-umuum ao e bon tuai ni tia bwa e na manga katokaaki ana aiting (icing). Ngke e karika te aonaaba te Atua ma taian karawa ao e bon karikii naba iaan ana iango n 'duality'.
Bwaai aika e karikii te Atua a bon roko raoi tamaroaia n arona are e iangoiaki iai. Ma, bon tiaki katiaana are e iangoia te Atua. Te Atua e tangiriia anera bwa ana aanga naba baia ni buoka katamaroan te aonaaba. E tangiriia bwa ana mwakuriia aon te aba, ana katamaroaa riki (improve it), ana karaoa riki te katamaroa (embellish it) nako iai, ana katikiraoiia (beautify it) - n taekana teuana "ana katokaa te aiting iaon te keike."
Ana waaki n 'duality' te Atua aio e bon karaoaki naba nakoia anera. Te katei ao te anua ae nangi tamaroa ao ae eti e bon aki konaa ni karikaki n aki akaaka. A bon tangiraki anera bwa ana bon karikirakea i bon irouia te anua ao te katei are tangiria te Atua, bwa e bon aki banin raoi karikiia ngkana akea te anua ao te katei aei irouiia.
Rutibeero, ao imwiina Taatan
Ti na kataia n noora ana kabane ni tamaroa te Atua ngke e karikiia anera. Uoua mwakoron te B'aibara ae taekina te karikaki bwai aio:
Ti na rimoa n noora te bwai ae taekinaki n Itaia 14. (Te mwakoro ae e nangi ataaki aei e bon taekina te tai, ae e a kaan roko imwaaira, are ena roko te Atua ni katoka ana waaki nako te aonaaba. Te botanaomata ae Iteraera - tiaki tii kaain te aba ae Iteraera ke tii kaain Iutaia - ana bon tiaki n anaaki bwa tooro, ao te Atua e na roko ni manga kabwaraia ao ni manga kaokiia nakon te Aba ni Berita) "E na roko te bong are e na anganingkami iai te motirawa te Uea, imwiin te maraki ma te rawawata, ma te mwakuri korakora are kam toronaki iai. Ao ngkanne kam na uotaraake te taeka n rabakau aio nakon ueani Babiron, ao kangai: E a baka te tia tautoroniia botanaomata! e a baka ueana! Bon te Uea ae e urua aia oko taan iowawa, ao mwaakaia taan tautaeka. Teuare e karawawataia botanaomata ... ae tautaeka ma te uun,e a rimwiiaki ao akea ae totokiia" (kiibu 3-6).
Te rongrongo aane ieta bon TIAKI rongrongon uean Babiron are Nebukaneta. Bon taekan te tai are imwaaira - ae e a kaan roko. Te rongorongo aei e bon taekina rongorongon teuare ena oneamwiin Nebukaneta n taai ake imwaaira. E taekinaki teuare e na 'uea' iaon te embwaea ae boou, ae ana embwaea Rom (Holy Roman Empire), are e na manga utirake - ae e a oti matana n taai aika bwa te European Union - te kurubu (group) n botanaomata (nations) aika ana otirake man te rabata ae te 'Common Market' ae maiu n te bong aei (Te Kaotioti 17). Buritan e na bon AKI kaaina te embwaea ae iaoona n tei ngkai.
Aban Erube (united Europe) ena bon ekaanako ana Auti Iteraera - ngkana ko ataia bwa antai kaain Iteraera n boong aikai - tiaki kaain Iutaia ake a toatoangakii bwa kaain Iteraera n boong aikai. (E bon abwabwaki reitan te rongorongo ibukin aei ngaia kaantaninga otinakon rongrongona ae e na karinaki naba bwa kanoan Te Aonaaba Ningabong).
Ti na okira uean Babiron. Ma te uea aio, n te tai ae kora bukin te burabeti aio, ena bon ekaki nako iroun Kristo are maiu, n mwaaka ao mimitongina. Ti na reitia nako:
"A bane ni motirawaia kain te aonaaba, ao a rau: ao a anene ma te kimareirei, Eng, e kukurei te kai ae te maiango, .. ao te tiita, ao a taku, ngkai ko a baka, akea riki ae na roko ni tataira ni kabakaira" (kiibu 7-8).
Kiibu aikai man ana boki Itaia 14 a bon taekina bakan 'uean' te European Union iroun Kristo are te kabanea ni mwaaka. E taekinaki bwa angaatain baim Taatan - ana mena tautaekan te aonaaba i aana ni ikotaki ma taian taanga ni buaka - ma e bon mamanaaki iorun Taatan.
Reita am Wareware: Ana Kaintokaniuea Taatan i aon te Aba
*Kiibu nikabane aika a kabonganaaki ikai a bon rairaki man B'aibara n I-Matang ao tabetai tiaki n aron taekana nikabane are e koreaki n te B'aibara n I-Kiribati