Ma ibukin teraa ngkai e karikiia aomata nako aon te aba (Karikani Bwai 1:26)?
Tina na taraia man ana taratara te Atua. Te Atua e anganiira te iango (minds), kanga katotoongan ana iango (mind) te Atua, ma e kee riki (inferior) ao iai tiana (limited). E karikiira te Atua bwa katotoongana (form and shape). ma ti rabatanaki n te iriko ma te raraa ma tiaki te tamnei (spirit). Ma e taku te Atua, "Karinna te iango (mind) aei i nanom, bwa e bon mena naba i nanon Iesu Kristo" (Biribi 2:5). Ti konaa, ma iai tokira, n iango n aiaron te Atua. Teraa ana taratara te Atua n te tai arei, ngke e a moana ni kaboua aon te aba - imwiin aia bure anera.
E a tia ni karika te aonaaba ae nangi tamaroa. E karekea kaaina bwa anera - tao mirion ma mirion mwaitiia. E katoka I aoia, bwa te uea, i aon kaintokaniuea te aonaaba, te akanera - te kerubim ae Rutibeero. Rutibeero bon ana karikibwai ae te kabanea ni tamaroa te Atua. E nangi koro raoi tamaroana, korakorana, ana iango, ana ataibwai, wanawanana, rabakauna are e anganna, ma tiana, te Atua ngke e karikia.
Ma, te anera aei, ae wanawana, ae kataneai (trained) ao n reke rabakauna (experience) irarikin ana kaintokaniuea (throne) te Atua i karawa, e a aki kan ongo iroun te tautaeka arei, e a ibita ana waaki nikabane nakon ae buakaka, e a rawa n kaira ana tautaeka te Atua i aon te aba. E a kairiia nikabne anera ake a mena i aana nakon te bure ni kaaitara.
Tii iangoa aei teutana. Te unibweeti (universe) e bon karikaki naba n te tai are e karikaki iai te aonaaba. Bon akea taekana ae koreaki n te B'aibara, ke tee tiainti (science), bwa buraneti aika inanon te unibweeti akakaai. Ma, te Atua e aki karikii bwaai n akea manenaia (in vain). Bon iai bonganaiia (purpose) bwaai nikabane, iroun, ngke e karikii.
Ao, taraana bwa nikabane buraneti inanon te unibweeti NGKAI a bon tei n urubekebeke - akea manenaia (waste - tohu) ao akea kanoaia (empty - bohu) - a mate aoiia (decayed) - n aron ara aonaaba ngke e kabwarabwaraaki n Karikani Bwai 1:2. Ma, te Atua, e aki karikiia n te aro ae a taraani mate - kanga aron ara namakaina (moon). Te mate (decay) bon tiaki te bwai ae e karikaki n arona ae mate - ma e riki man imwiin te mwakuri (process) ae e karikia bwa ena mate (deteriorate). Ngke a bon ongeaaba anera akekei ao a bn tararuaa te aonaaba ao ni katamaroa, tao ana anganaki te inaomata bwa ana kaainii buraneti aikai ao ni waaki aia mwakuri ni katamaroaa te unibweeti nikabanea. Ngke a kaitara i aon te aba, ao aia bure e karika naba te urubwai i aon buraneti nikabane inanon te unibweeti, are a bon mena i aan aia tararua.
Te Aonaaba ana Etukuata te Unibweeti
E na kabwarabwaraaki n te mwakoro 7: Kamiimii ibukin Uean te Atua aika Aki Ataaki bwa ana iango te Atua ngke e karika te aonaaba aio, n tain te toki, bwa ena riki bwa ana etukuata te unibweeti.
Uringnga, te aonaaba aio, ngke moan karikaki, e bon nanonaki bwa neia ni maeka 1/3 mai buakoia anera ni kabane. Anera nikabaneia a bon noora karikan te aonaaba, bwa a nooria bwa e bon taraa raoi (beautiful) ao e tamaroa (perfect) are a takaarua ma te kimareirei (Iobi 38:4-7). E bon karekeaki aia tai (opportunity) bwa ana mwakuriia, ana karekea waana, ana kateimatoaa maiuna, ao ana katamaroaa riki.
Nte tai aei ao e raoiroi ngkana ti manga uringnga riki aron ana kariki bwai te Atua: Titeboo ma taan karao keike (cake). Ngakana e a mwai ao te iango nikabane bwa e a tia. Eti, e a tia, ma e konaa ni katamaroaaki riki ngkana e katokaaki te aiting (icing).
Ao airon ana kariki bwai te Atua. Ngke e atia ni karika te aonaaba ao e a 'mwai'. Ma, ibukin katokaan ana 'aiting' ao e bon katuka aio nakoia anera. E mwiokoiia anera te Atua bwa ana katokaa ana 'aiting' te aonaaba. Ma, imwiin aia bure, are e a aki toka te aiting, ao e a urubekebeke te aonaaaba, a manga karikaki aomata. Ao teuana naba tabeia aomata, NGKAI, bwa ana katoka ana 'aiting' te aonaaba. Aane manenara teuana ngkai e karikiira te Atua.
A tuangaki anera tabeia aei ke a aki, a bon kataaki ao n nooraki bwa teraa are ana karaoia. Aei bon te tabo are ana nooraki iai bwa a ongeaaba nakon ana tautaeka te Atua ke a aki - a tuoaki bwa a bon tau ni 'katokaa te 'aiting' I aon nikiran buraneti inanon te unibweeti ke a aki. Are e koreaki n ana taeka te Atua bwa a bon kaain karikaki te aonaab ao te unibweeti n tii teuana te tai. Te ka-12 n taeka n Karikani Bwai 1:1 n ana B'aibara te Katorika e bon riai ni kaangai, "taian karawa." Te taeka aei e kaotia bwa te kanoan te unibweeti nikabaneia, tiaki tii te karawa are i etan te aonaaba.
man aia kakae tiaintiti (scientists) ao e ataaki bwa bon iai te tai are akea bon akea te bwai teuana (matter did not exist). Te Atua bon te tamnei. E bon rabatanna n te tamnei. Te Atua are bon iai imwaain bwaai nikabaneia - te TIA KARIKIIA BWAAI ni kabaneia. Anera a bon karikaki imwaain te aonaaba. Te bwai ae kataia ni katurua nakoira te Atua bwa akea te bwai (matter) ae e a tia ni karikaki imwaain karikani aonaaba - are rabatan te unibweeti e bon karikaki n te tai naba are e karikai iai te aonaaba.
Reita am Wareware: Manenaia Anera Iroun Te Atua
*Kiibu nikabane aika a kabonganaaki ikai a bon rairaki man B'aibara n I-Matang ao tabetai tiaki n aron taekana nikabane are e koreaki n te B'aibara n I-Kiribati.