Iesu ma tamneina

E nangi mwaiti tamnein Iesu are ti konaa n nooria n boong aikai n taian titooa ao n tabo n kaboanako bwaain te "aro". Ma ngkana ko karaua n tiroa tamneiina teuana ma teuana ao a bon kakaokoro. Ma iai te bwai are a bane ni booraoi iai taian tamnei aikai bwa a bane n mwarairai iraiia, a bane n iai buaiia, ao a taraa riki ni kara riaon ana ririki Iesu are 33.

    E bon koaua bwa e bon mwarairai iran Iesu ao e buai? N ana tai ngke e a ikawai, tao 20tabun nakon 30tabun ao kateiiiaa mwaanen te kaawa ae Ierutarem bon te ira ae warereke. Ao iesu naba e bon katootoonga naba kateiia anne are bon akewa okorona ma nikiraiia mwaane n te kaawa anne. Aei ae e nooraki ngke e aki kinaaki Iesu ibuakoiia raona ngke a roko ana tautia te Mitinare n Iutaia bwa ana kairianako nako matan Birto. E kainanoaki Iuta (Judas) bwa e na aroka tabana bwa e na koteia nakoiia tautia.

    Tao e bon kimototo iran Iesu? N aron are e mwakoro n te Wikipedia i aan te atuu ae "Depiction of Christ" ao e koreaki bwa te moan tamnei ibukin Iesu ae e moan ataaki e bon kuneaki i aon te aba ae Tiiria (Syria). N tamneina aio ao e nooraki bwa akea buaiana ao e kimototo irana. E taekinaki naba bwa oneana e bon katotonga oneaia mwaane ake maiu raoi n tain ana tautaeka Room. Ao n te ririki 1536 nakon 1541 n te tai are e koreaki tamnein te "Last Judgement" n te Sistine Chapel n te Vatican i Room iroun  te tia korobanna ae e nangi ataaki ae Michaelangelo ao teuaei e korea tamnein Iesu ae akea buaiana e ngae ngke e bati te ngurengure irouiia kaain te Katorika.

Te "Last Judgement". Iesu anne i nuuka.

"Iesu" n aron ana taratara Michaelangelo

Tabeua tamnein Iesu aika a karioai aomata:

• 1. Ngke e manewea Itaia 53:2 iroun Atuun te Ekaretia n  te ririki 180 aika Justin ao Tertullian, bwa aongkoa tein rabatan te Atua ao te beekan ae Celsus e kaenaenaeia Kiritian n taku bwa Atuai e nangi buretireti (ugly God).

  2. Ibukin aei ao teuare Augustine te Bishop i Hippo i Aberika meang, e a kamatoaa bwa Iesu e bane botonimwanena ma n tikiraoi.

  3. N tamnein Iesu are e koreaki n te Baptism of Christ , are e oti uoman mwaane aika a buai, ao e bon kanikinaeaki Iesu n te rube ae ietan atuuna.

  4. Ao n tameinana are e koreaki n te "Raising of Lazarus" iroun Duccio n 1311, ao e nooraki naba bwa e kanikinaeaki Iesu ma te "halo" are e katobibia atuuna.