Te Atua, Ae Karika Karawa
Te Atua e bon karikii BWAAI NIKABANEIA - bwaai ni kabne inanon te karawa ae totoa - itoi, taian galaxies aika mirion ma mirion, te aonaaba aio, aomata ao bwaai nikabneia i nanon te aonaaba.
Aane e kaotia bwa TERAA te Atua - teraa ae kakaraoia. E KARIKI B"AI! E katei tamnei, banna ao rabata. E anga te MAIU. Bon te TIA ANGAANGA. Ao ana tua - anuana - bon te ANGAANGA, ao tiaki te ANAANAIA, are bon anuan te aonaaba.
Ma, aekara te Atua? ANTAI te Atua? E nangi rawata aron kaekaan titiraki aiklai. Tabemwaang a taku bwa te Atua bon te raoiroi are e mena inanon te aomata temanna ma temanna. Tabemwwang a taku bwa te Atua bon te boua-n-anti ae konaa ni karaoaki man te koora,te tirewa, te kai ao te atiibu. Kaain Iteraera a taku, nte tai are e mena i taubukin te maunga Moote, bwa te Atua bon, ke taraana kanga aron tamnein te bun-ni-kao ae rabataki nte koora.
A mwaiti naba aika taku bwa te Atua bon tii temanna n tii ngaia. Iai aika taku bwa e rabatanna nte tamnei.
Ma are e nangi butimaeaki n taai aikai irouia Kiritian, ae te Atua bon Teniman inanon
Temanna (Trinity) - Te Atua ae tenua rabatana: Te Tama, Te Nati ao te Tamnei ae Raoiro - Holy Ghost -i (ngkana e koraki ni kateniman, inanon B'aibara aika a boou, ao e kabongaanaki te taeka ae Holy Ghost. Ngkana e kabonganaaki n tii ngaia ao e koreaki bwa te Holy Spirit). E bon aki kabonganaaki te taeka ae Trinity inanon te B'aibara, ao bon akea rongrongon teniman Atua. Ti na manga okira aei rimwi riki.
TE ATUA IMWAAIN TE KARIKI B'AI
Ti na okira are imwaain rikin bwaai.
Ngkana tao ko titirakinaki bwa ena moan reke iaa rongrongon te Atua ao tao kona kotea te kibu are Karikani B'ai 1:1. Eti?
E bure!
Ngkana e iriaki tain te B'aibara ao ena reke moan rongorongon te Atua n ana boki Ioane, mwakoro 1, te kibu 1: "Ngke e tuai ni karikaki bwaai, ao bon iai te Rokou (te Taeka), ao e mena te Taeka iroun te Atua, ao bon te Atua te Taeka. E memena te Taeka iroun te Atua ngke a tuai ni karikaki bwaai. A bane ni karikaki bwaai irouna (te Taeka); ao ngke akea Ngaia ao e aki karikaki te bwai teuana. E mena te maiu irouna, ao otaia aomata te maiu arei." (Ioane 1:1-4)*
"Te Taeka" ae koreaki ikai bon rairan te taeka n Kiriti (Greek) ae "logos", ae nanona "te tia taetae", "te taeka", ke, "kakoroan te iango". Bon te ara ae katokaaki iaon tii temanna te aomata. Ma antai ke teraa te "Logos" (Rokou) aio? Noora kab'arab'araana n te kibu 14: "Ao e riki n iriko te Rokou, ao E maeka i buakora (ao ti noora mimitongina, are kanga mimitongin ana riki-temanna te Atua), ae e on n te aakoi ma te koaua".
Ngke e bungiaki bwa Iesu Kristo, bon te raraa ao te iriko, iai rabatana ae konaa n nooraki, tauaki, ao n namakinaki. Ma, teraa ngaia? Te Atua - te Rokou? E kaekaaki aio n Ioane 4:24, "Bon te Tamnei te Atua", ao te tamnei e aki konaa n nooraki. Ti bon ataa aron tein rabatana ngke e irki bwa Iesu, te aomata. Ma teraa aron tein rabatana ngke te Taeka ngaia? Ti na kab'arab'araa aei rimwii riki.
Te Taeka ngkanne bon te "Aomata" ae karikaki n iriko - ae natinaki iroun te Atua, are imwiin ana natinati aio e a riki bwa Tamana. Ma n te tai are a tuai riki bwaai (Ioane1:1), ao te Taeka e bon tuai riki bwa Natin te Atua. E kanakoa mwaakana ma korakorana bwa ena karikaki bwa te aomata. E riki bwa Natin te Atua, ngke e natinaki iroun Te Atua ao ni bungiaki iroun te kiibono ae Nei Maria.
Ikai ao e teretere bwa uoman "Aomata". Temanna bon te Atua. Ao ae e memena ma te Atua imwaain karikani bwaai bon temanna ae te Atua naba - ngaia are e manga bungiaki bwa Iesu. Ma "aomata" aika uoman aikai bon taamnei, aika aki konaa n nooraki n mataia aika bon aomata. Ma ngke e taekinaki n Ioane 1:1 ao Iesu e bon tuai n riki bwa natin te Atua ao te Atua e bon tuai n riki bwa Tamana.
Ti na okira moa te O-Tetemanti nakon ana tai Aberaam.
Antai Merekitereka?
Ti ataa rongorongon teuare Merekitereka ngke e katereaki kaua n te boki ae Ebera n te mwakoro 7. E taekinaki ikai bwa Merekitereka, are uean Ierutarem n ana taai Aberaam, bon ngaia naba bon ana Ibonga te Atua are e Rietaata. Merekitereka e a bon Kaman iai - "akea tamana, akea tinanaa, akea kanoana, akea mwaitin ana bong ke tokin mauina; ma e karikaki n aiaron Natin te Atua; ae te ibongo n aki tootooki". (Ebera 7: 3)
Ngkai Merekitereka bon "aiaron Natin te Atua" ao te Ibonga ae Rietaata n aki tootooki, ao n taai aikai Iesu Kristo bon te Ibonga ae Rietaata, e toi ikai bwa Merekitereka ao Iesu bon tii temanna n aomata.
Ao aiaron Iesu ae "akea tamana, akea tinanaa, akea kanoana (n ana tai Aberaam), akea mwaitin ana bong ke tokin mauina; ma e karikaki n aiaron Natin te Atua; ae te ibongo n aki tootooki". Te Aua e a bon kaman maiu n akea mwaitin ana bong ma te Taeka. Iesu, ngke e riki bwa te "Taeka", bon te rabata ae aki mamate ao are e a kaman riki n TAAINAKO - bon akea te tai ae akea iai Ngaia - akea mwaitin ana bong. Ngaia ngkanne, n taai akekei, bon "kanga aron" Natin te Atua - ma e bon tuai n riki bwa Natin te Atua. Ao bon Ngaia naba te Atua, irarikin te Atua te Tama.
Kiibu aikai a bon kaotia bwa te Taeka - imwaain karikan bwaai - e bon maeka ma te Atua, ao Ngaa, naba, bon te Atua. E kanga n riki n aiaron aei?
Tao iai te aomata ae arana Ioane. Ao Ioane tao e maeka ma Timeti, ao tao Ioane bon Timeti naba bwa Ioane bon natin Timeti, ao Timeti bon aran te utu. Ma, ngaiia bon uoman aomata aika a kakaokoro.
Bon te kaokoro imarenan taeka aika a kabonganaaki bwa te Taeka, n ana tai Ioane 1:1, e bon tuai n riki bwa Natin te Atua. Ma e maeka ma te Atua, ao bon te Atua naba ngaia.
A bon tuai n riki bwa te Tama ma te Nati - ma bon Ngaiia UEAN TE ATUA!
Te Utu aane, kaaina ngkai, bon te Atua te Tama ao Iesu Kristo are Natina, ao aomata aika mwaiti, aika a tia n manga 'bungiaki kaua', NGKAI, aika a riki ngkai bwa 'NATIN TE ATUA' (Rom 8:14; I Ioane 3:2), aika kaain ana Ekaretia te Atua.
Te rabata ae te utu - ana UTU TE ATUA - e nangi kakawaki, ao e na kabwarabwaraaki rimwi riki.
Ma ngkai, ti a roko iaa?
N te tai ae maan imwaain rikin bwaai, ao bon iai uoman kanga 'Aomata' aika Akea Tokiia, aika a KAMAN ni maiu n akea mwaitin aia bong, ao aika aki mamate. Am iango e aki konaa ni kabwaraa nako nanon KAMAN, ao aiaron naba ngkai ko aki konaa naba ni kabwaraa nako bwa teraa te iti (electricity) - ti aki kakoauaa mwaakan (Power) te Atua bwa ti aki konaa n nooria ma ti tauraoi ni kakoauaa bwa iai te electricity ao ti aki konaa n noora rabatana!
Reita am wareware: E Kangaa n Riki Bwa Te Tia Kariki B'ai Kristo?
*Kiibu nikabane aika a kabonganaaki ikai a bon rairaki man te B'aibara n I-Matang ma tabetai tiaki n aron taekana nikabane are e koreaki n te B'aibara n I-Kiribati.