Ngkana ti wareka Itaia 14, man te kibu 12, ao uean te aonaaba (embwaea ae boou) are te aomata, e a karina n onekaki nakon Taatan -are bon te akanera Rutibeero ngkoa.
"Ko a kanga ni baka mai karawa, ngkoe te itoi ni ngaina ao raneanen te kaarangaina? Ko kanga ni kabakaaki nano ngkoe te tia tautakaniia botanaomata?" Aei are e riki nakon Taatan ake a mwakoro n kiibu 1-11.
Nanon te taeka ae Rutibeero bon "Te Itoi ni Ngaina", ke, "Te Tia Uota te Ota", ngke e moan karikaki iroun te Atua. Ti na reitia nako: "Bwa ko a tia n taku inanom, N na waerake nako karawa, N na katea au kaintokaniuea i etani ana itoi (anera) te Atua."
Uringnga, Iai ana kaintokaniuea Rutibeero; e bon tautaeka ngaia. Ana kaintokaniuea e mena i aon te aba, ao are e iangoa te waerake nako karawa. Tina reitia: "N na tekateka i aon te maunga ike a bobotaki iai Atua (Gods heavenly throne), n iterana are meang: I waerake nako taberan naang; N na riki bwa kanga Teuaere moan te Rietaata" (kiibu 13-14). E nangi mataata ikai bwa ana iango Rutibeero bwa e na orea-nako te Atua man ana kaintokaniuea bwa e na onea mwiina n Atua.
Bon ana iango bwa e na riki bwa te Atua, i aon te unibweeti (universe).
Ao ti manga okira are te uea n aomata: "Ma, kona kabakaaki i moone (Heb. sheol), nako rarikin te rua" (kibu 15).
Rutibeero bon ana kabane ni tamaroa ni kariki bwai te Atua, ma n aiaron te aomata are karikaki iroun te aomata ae 'Frankenstein', e manga kan ekaanako are e karikia - bwa ena tau te mwaaka n tautaeka i aon te unibweeti nikabane.
Taeka n burabeti aei e bon taekina te buaka i karawa are ena koro bukina n taai aika imwaaira n aron ae taekinaki n Te Kaotioti 12:7-9: "Ao iai te buaka i karawa: a buakanna te raakon Mikaere ma ana anera; e buaka naba te raakon n raonaki ma ana anera, ao a konaaki; ao akea neia i karawa ae manga karekeaki. Ao e tewnenakoaki te raakon are te toa, are te naeta ni kawai, are te Riaboroo, ao Taatan, ae e tia ni maamaanaa te aonaaba ni bane: e tewenakoaki i aon te aba, ma ana anera raona." Ao ae taekinaki n ana boki "Taniera 12:1-2: "Ao n te tai anne ao en ateirake Mikaere, te nati n uea ae kakanato ae ena tei ibukiia aia ataei am botanaomata; ao e na roko te tai n rawawata, are bon akea n ai arona man ngke moan tei te botanaomata aio: ao n te tai ane ao ana kamaiuaki naake a mwakoro araia n te boki. Ao angiia naake a matiu inanon bubun te aba ana uti, tabemwaang nakon te maiu are e aki toki, ao tabemwaang nakon te kamamaeaki ao te ribaaki n akea tokina."
Ana tautaeka Taatan e bon aki boboto i aon te tangira - te angngaanga, te moamoa aomata, ma e boboto i aon NGAI-MOA (self-centered), i aon te kamoamoa (vanity), i aon te bwaitingako (lust) ao te ngenge (greed),i aon te bakantang (jealousy), iaon te aki kan kokonaaki (spirit of competition), te kairiribai (hatred), te iowawa (violence) ao te urbwai (destruction), i aon te ro (darkness) ao te kaairua (error), ma tiaki te oota ao te koaua, i aon te tikibuaka (ugliness) ao tiaki te tikiraoi (beauty).
Noora riki ikai te aro n duality. Itaia 14:12-14 e bon taekinna te tai are imwaain karikan te moan aomata, Atam. Ma, n Te Katioti 12:7 ao Taniera 12:1 ao Taatan imwiin 6,000 te ngaa te ririki n taua te tautaeka i aon te aba, e a manga kataia n anaa riki ana kaintokaniuea te Atua are i karawa.
Rutibeero, E bon Karikaki
Tina taraa kiibu tabeua aika a kabwarabwaraa naba tamaroan karikan te anera aio iroun te Atua, are n Etekiera 28.
Ngkana ti noora moa Etekiera 26 ao e kabwarabwaraaki ikai rongorongon te kaawa ae taea (Tyre), ae te kaawa ae nangi korakora iai te bobwai ao te okinibwai. Taea n taai akekei bon titeboo ma Ronton (London), Nu Ioka (New York), Tokio (Tokyo), ao kaawa riki tabeua aika a totoa n taai aikai.
Mwakorona ae 27 ao kibuna 9-19, e bon kabwarabwaraa rongorongon te tia kairiiri temanna ae korakora mwaakana bwa te tia babaire nte tautaeka ao te aro (politico-religious leader).
Ma, te mwakoro 28 e a kaineti riki ma te tai ae ena roko imwaaira, te tai naba are e taekinaki ana boki Itaia 14. Etekiera 28 e bon taekinna te nati-n-uea mai Taea, are bon te aomata, are bon katotoongan uea Taea ngkoa. E taku te Atua nakon Etekiera: "Natin te aomata, tuanga te nati-ni-uea mai Taea (ae ie bon kaineti nakon te politico-religious leader are
i aon kawaina n teirake n te tai ae KAAN imwaaira), Bwa e taku te Atua; E on nanom nte kamoamoa, ao ko a tia n taku, Ngai te Atua, I tekateka n ana kaintokaniuea te Atua, i nuukani taian marawa; ma bon te aomata ngkoe, ao tiaki te Atua, e ngae ngke ko kan kabotaua nanom ma nanon te Atua (heart of God); Nooria, ko wanawana riki nakon Taniera; akea te bwai ae a konaa ni karabaa mai iroum: ibukin wanawanam ma rabakaum ao e a reke kaubwaim, ao ko a kaikoi koora ma tirewa inanon am bangke (treasuries) ... ao ko kamoamoa bwa ko kaubwai: ngaia are e taku te Atua; Bukina ngkai ko kan kabotaua nanom ma te Atua; nooria, N na karokoia ianena i aomi, botanaomata aika aki ako .. ana uotiko rikaaki nakon te rua, ao ko na anai mateiia naake a tiringaki i nuukan taian marawa" (Etekiera 28:2-8). (Kabotaua ma
II-Tetaronike 2:3-4, ae taekinna "te aomata ae buakaka ... ae kaitarai ao e e karietataa nakon bwaai nikabne aika aranaki bwa te Ata ... bwa aongkoa ngaia te Atua e tekateka n ana temboro te Atua, n kaokaotia bwa te Atua ngaia.")
Te Anera ae Nangi Tamaroa!
Ma n ana boki Itaia 14 e a aki taekinaki te natiniuea iaon Taea - ae te aomata -ma e a taekina te uea i aon Taea. Aei bon Rutibeero.
Ao e taekina riki Etekiera 28:
"Ao e niniai ana taeka te Uea, ao e taku, Natin te aomata, baebaeti nakon UEAN Taea, ao taku nakoina, Aei ae taku te Atua; Moanibaan te raoiroi ngkoe ngkoa, e kororaoi wanawanam ma tamaroam" (kiibu 11-12).
Taiaoka wareka riki aane! E bon aki konaa te Atua n taekinna aei ibukin te aomata. Te anera aio ae moanibann te raoiroi, te wanawana ao te tamaroa. Bon ngaia ana kariki bwai te Atua are bon te kabanea ni tamaroa! Ma, te bwai are kananokaawaki bwa e a manga kaitaraa
te TIA KARIKIA !(his Maker).
"Ko mena i Eten n nen arokan te Atua" (kibu 13). E maeka i aaon te aba. Ana kaintokaniuea e mena ikai. "Ko katamaroaaki n atiibu nako aika a kakawaki ... a katauraoaki inanom nte bong are ko karikaki iai" (kibu 13). Bon te anera ae karikaki - e aki bungiakaki n aron te aomata. E bon rabatanaki n te tamnei (spirit) - tiaki n irikon te aomata. Te wanawana ao te rabakau n bwaain katangtang (music) e bon anganaki. Ma, ngkai are e a ibitaki ana iango, kateina ao arona, e a manga kaririia aomata n taian katangtang ao anene aika a karongoaa, aika a kamaraka te taningnga, aika a bubuaka maneweia, aika a karika te kaitataan, aika kaminoa te iango. Bon iangoa te taarena, te rabakau, te wanawana ao te kona bwaai ae e anganaki. Ao a bane n aki kabonganaaki raoi ma kabonganaaki n te aro ae buakaka (perverted). A bane ni mao (sour) - a bane ni kabonganaaki ibukin kukurein temanna (dissipated), a bane n rairaki nakon te kairiribai (hatred), te urubwai (destruction), te barannano (hopelessness)!
Ma. tai raraoma. Ana konabwai te aomata, ngkana bon iai te nano n kan totoka ana kariirii Taatan ao n teimatoa n irira kawain te Atua, e bon korakora riki ao e bubura riki nakon are iroun Rutibeero - imwaain ngke e a kaaitara ao e reke irouna aaro aika kamaira!
Ti na reitaa nako rongorongon teuae Rutibeero aika kamiimii: "Ngkoe te kerubim (cherub) are kabiraki ao ko rabunna; are I kateiko iai," e taku te Atua nakon Rutibeero (kibu 14) - e rairaki taeka aikai man te B'aibara are te King James Version). Te kibu aei e uotiira nakon Te Otinako 25, ike e angan Moote te Atua tamnein te Ati ni Berita (ark of the covenant). E kabwarabwaraaki man te kibu 10, ao 18-20 are e kaotaki bwa uoman kerubim are a kateaki tamneiia i tabon (te ati) ana Kaintokaniuea te Atua i karawa - ana kaintokaniuea ana tautaeka te Atua are e tautaekana te unibweeti nikabne. Baia ni kiba kerubim aikai a bon taakinna n rabunna aon te ati (kaintokaniuea te Atua).
Reita am Wareware: E Kataneai n ana Etukuata te Unibweeti
*Kiibu nikabane aika a kabonganaaki ikai a bon rairaki man B'aibara n I-Matang ao tabetai tiaki n aron taekana nikabane are e koreaki n te B'aibara n I-Kiribati