Ao e a iangoia te Atua bwa e na karikia ni kamwaitia (reproduce himself), rinanoia aomata, aika katotongana ma tamneina, ma a karikaki moa bwa rabata aika a iriko ma raraa, aika a konaa ni mate ngkana iai aia bure ae a aki rairaki mai iai - ma a konaa naba n manga bungiaki nakon ana utu te Atua te Tama. E nooria te Atua bwa e konaa n reke aio mai iroun Krisro, are e anga maiuna ibukin aei.
Ao aane bukina ngkai e karikiia aomata nako aon te aba! Aane bukina ngkai e karaoa aei - te mwakuri are te kabane ni kakawaki man ana kariki bwa nikabaneia te Atua - e na karikia ni kamwaitia!
Taben te Atua are te kabanea ni kakawaki bon te kariki bwai, ao are e na karikia naba ni kamwaitia, ao are te Atua e na bon tautaeka iaon ana kariki bwai nakabaneia. E bon kamiimii bwa te Atua e bon rinea te aonaaba aio bwa ana etukuata (Headquarter), ao nen ana kaintokaniuea (noora I-Korinto 15:24). Ma Taatan e a tia ni ekaanako ana tautaeka te Atua iaon te aba. Ma ngkai, ao te Atua e a tia ni baereia bwa e na manga moan katea ana tautaeka mai irouia aomata, aika a karikaki n katotongana ao aika ana riki bwa kaain ana UTU te ATUA. Ti riai n ongo n ana taeka n reirei Bauro ae e tuangiira bwa ti na kakoauaa bwa bon iai Taatan, ao aron ana waaki ni kaririia ao ni kabakaiia aomata, ao are ti na aki kariaia bwa e na mamanaira (II-Korinto 2:11).
Te Rongorongo ae Kakukurei
Te rongrongo ae kakukurei bon kakoroan ana iango te Atua iroura aomata
Uoua te katenimakoro (two-thirds) mai buakoia anera nikabaneia a kororaoi ao a mwaiti riki nakoia taimonio (anera aika a bure)
A teimatoa ana anera te Atua ni buokiia aomata ni karekea irouia anuan ao katein te Atua are e bon eti man mimitong
A karika aomata bwa ana konaa n riki bwa natin te Atua ao taan bwaibwai n ana Utu te Atua.