E a tia te Atua n karekia tabeman anera bwa taan tararuaa ana Ekaresia man moan teina ni karokoa taai aikai. (Te Kaotioti 1:4, 16, 20; 2:1, 8, 12, 18; 3:1, 7, 14). Iai naba are tabeia bwa ana 'nakonako' I aon te aba bwa ana taratarai bwai aika riki ke aika karaoaki ao ni manga ribooti nakon te Atua aron te aonaaba n te tai teuana ma teuana (Te Kaotioti 5:6; Tekaria 4:8-10; II-Rongorongo 16:9).
Ao te Atua e a tia naba mwiokoia anera tabeman bwa ana tararuaia naake a tia ni karikaki (begotten) bwa natin te Atua (Mwakuri 12:15; Mataio 18:10). Ana berita te Atua: "E na mwiokoiko irouia ana anera bwa ana kawakiniko n taabo nko" (Taramo/Taian Areru 91:11).
Tengaun-ma-uoman (12) anera ana riki bwa taan tararuaa mataroan Ierutarem ae Boou (Te Kaotioti 21:12), temanna ibukin kakateuana ana botanaomata Iteraera ake tengaun-ma-uoman. Anera aikai bon taan buoka te akanera Mikaere n te tai aei.
Anera bon taan uota te rongorongo. A roko iroun Aberaam, Roota, Aaka, Moote, Manoa, Kiteon, Eria, ao irouia burabeti riki tabeman ao a nakoia naba abotoro.
Ngkana a karikiia n aomata ao angin te tai a karikiia bwa mwaane.
te B'aibara e taekiniia teniman anera aika kakanato riki ibuakoia raoia n anera: Rutibeero (Itaia 14:12), ngkai ae Taata te Riaboro; Kabiriera, are uoua ana tai ni kaoti nakon Taniera (Taniera 8:16;9:21), nakon Tekaria, taman Ioane te tia babititoo (Ruka 1:19), ao imwiina nakon Maria, tinan Iesu (Ruka 1:26); ao te kateniman bon Mikaere, ae aranaki naba bwa 'Mataniwiia Anera (chief prince) (Taniera 10:13), ao are e kinaaki iroun Iuta bwa te Akanera (Iuta 9). Mikaere bon te akanera ae e a tia ni katabeaki bwa kawakiniia ao n reireiniia ana botanaomata Iteraera ake 12 (Taniera 12:1; 10:2-13, 21) ao nakon ana Ekaresia te Atua (Church of God) (Te Kaotioti 12:7).
Te Kariki Bwai Ae Koro Arona
Te Atua e bon kakatabeia anera ma tibwngaia nako, ma te Atua e karikii irouia te IANGO (Minds) - TE BWAUA NI IANGO (Power to Think), ATAAKIN BWA BUKIN TERAA (Reasoning), ATAAKIN AE RAOIROI AO AE BUAKAKA (making choices) ao TE RABAKAU NI BABAIRE! (making decisions).
Ma iai teuana te bwai ae moan te kakawaki are te Atua e bon aki karinna irouia, e ngae ngke a boni mwaaka - ANUAAN AO KATEIN TE ATUA AO TE TAEKA (Gods Righteous and Holy Character).
Te anua/katei aei e bon tangiraki bwa e na KARIKIRAKEAKI (Developed) man RIAINA (Intent) ao TANGIRANA(Choice) are e reke n nooria temanna ma temanna,
Rawea raoi te koaua-ni-koaua aei - Anuam ao Katein te Atua (Gods character) bon te bwai ae bon tii konaa n reke iroun te Atua te Tia Kariki Bwai - ao bon te kawai nakon kabanean ana kainibaire.
Ni kanga?
N Na taekina riki, te anua ao te katei ae tekabane ni tamaroa (perfect character) e bon riai ni karikirakeaki (developed). E tangiraki te nano ao te babaire ni koaua iroun are tangiria bwa e na karikirakea anuan/katei te Atua ni maiuna. Ma, tiaki tii ngaia anne,e kainanoakaki te Tamnei ae Raoiroi bwa ena karinna inanom, bwa te Tamnei ae Raoiroi tii ngaia ae mena irouna te anua/katei aei ao tii ngaia ae konaa n anga nako.
Teraa ae nanonaki nte anua ae te kabane ni tamaroa?(Righteous character)
Te anua ae tamaroa, ae tabu ao ae bane etina bon te anua ae iai ana kona bwai n ataa te koaua ao ae raoiroi man are kairua, ena anga naona nikabane nakon te Atua ao kateina aika tamaroa - ena anga nanona bwa ena taenikai nakon te Atua - bwa ena maiuakinna ao ni karaoa ae raoiroi. E ngae n anne ao anuan te Atua (Gods holy character) bon ana bwai n tangiri te Atua (gift of God). E na reke aei ngkana ko ira nanon ana TUA (Gods right way of life) te Atua.
Tina okiriia anera: Te Atua 1) e karikiia ma kaburoro (minds) aika konaa ni iango (thinking), iangoan bwaai n aroia aika tau(reasoning), konaa n rinerine(making choices) ao karaoakin babaire(making decisions) ma te nano-ni-koaua (self-will); ao 2) e kaotia nakoiia ANUANA ao KATEINA ae ETI ao ae KOAUA. Ma, te Atua e bon anganiia te inaomata bwa ana rinea are iroun te Atua, ke ana bon ira nanon are bon aia iango.
Teraa raoi ana kabane ni babaire te Atua ibukiia anera? Akea riki, bwa imwiin aia kaaitara, are a kan ekaanako te Atua, ao a reke bwa te banna ni katoto nakoia aomata - bwa ana ukora neia ngkoa anera aomata.
E a reke bwa te tabo ni kataitai (te aonaaba), ao te tabo ni karikirakea iiango ao karaobwai aika raraoi, ngaia te Atua e a karika taian karawa nikabaneia.
Temoan bwai, Te Atua e karikiia moa anera. Imwiin aane, bukiia anera ao aomata, aika ana karikaki rimwi, e a karika te aonaaba ao taian karawa te Atua.
N te tai aei ao te Atua e aki tii karika bwaai aika iai rabataia aika a konaa n tauaki, ma e karikii naba korakora (energy) ao tuua are a kunea aomata inanon boki n science ao chemistry. E karikii bwai aika matoatoa (matter) are ana teimatoa n mena n rabataia bwaai aika maiu (organic) ao bwai aika mate (inorganic).
Ao ngkai tia roko n are kaotaki n Karikani Bwai 1:1, "Man te moan ao te Atua e karika taian karawa ma te aonaaba." Bwaai aikai bon bwaai aika iai kkanoan rabataia (material and physical)
N aron are e a tia ni kabwarabwaraaki, bon rairan 'karawa' are e.koreia Moote bon tiaki te tingkura ma te bururare (plural) ae nanona bwa etina raoi bon "taian karawa" - karawa aika mwaiti - ae reke naba ibuakona ara aonaaba aio. Taian karawa aikai a karika te unibweeti (universe).
Taraana ikai bwa ngke a tia ni karikaki anera ao e a karika te unibweeti ae tetoa, ae e reke ibuakona te aonaaba - a kaain karikaki n tii teuana te tai (Karikani Bwai 2:4).
Reita am Wareware: Te Kariki Bwai ae Tamaroa
*Kiibu nikabane aika a kabonganaaki ikai a bon rairaki man B'aibara n I-Matang ao tabetai tiaki n aron taekana nikabane are e koreaki n te B'aibara n I-Kiribati.