Manenaia Anera Iroun Te Atua

i ataia n arana ae Aiabu, ke, te Milky Way, nte taetae n I-Matang. Kanoan ngkanne Aiabu bon mirion ma mirion taian tiora tititem - ma mirion ma mirion buraneti kanoaiia. E nangi totoa ara karekiti ae Aiabu (Milky Way), ma a mwaiti riki karekiti, tao mirion ma mirion, aika a bon nangi totoa riki nakon Aiabu. Karekitii aikai a bon karika rabatan te unibweeti. Aia kabotau tiaintiti e kangai: Kabotaua te marawa ae te Pacific Ocean bwa te unibweeti. Ao manga kabotaua teuana te ben (coconut) bwa te karekiti teuana.Iangoia ngkanne bwa tao irauwa te ben ae konaa n tau inanon marawan te Pacific Ocean nikabane. E areke iroum aane? Ao ko uringnga bwa teuana te ben mai buakon tao mirion ma mirion aika beibeti akanne bon ara karekiti ae Aiabu. Ao korea tamnein teuana te 'dot' i aon te ben. Te dot aane bon ara tiora tititem are e reke iai ara aonaaba.  A taku naba tiaintiti bwa e tuai n ataaki buburan te unibweeti. N aia katautau bon akea tokina. E kaminomino iangoana? AANE NGKANNE ANA KARIKI BWAI TE ATUA!     Ti na okiriia anera. E tangiria te Atua bwa ena iai tabeia anera ibukin katiaan te unibweeti ae akea tokina aio.

    (Ma, tao, te Atua e aki kaotia nakoia anera teraa raoi are kaantaningaaki mai irouia, bwa e a baraaki waaia 1/3 mai buakoia anera nikabane bwa ana anaa te unibweeti mai irouna, ma te matoa, e aoria ngke a bon tuai n tau (not qualified).

    Ibukin tabeia anera are e a tia te Atua ni baaireia, e katea ana TAUTAEKA i aon te aba Iiaoaia. Kairan ke kabutan ana TAUTAEKA TE ATUA i aon te aonaaba e bon mwiokoaki iai te tuba (super) akanera (archangel) - te kerubim (cherub) ae Rutibeero.

    Uringnga bwa ana anera te Atua ao taian akanera - iriaki ma te tuba kerubim Rutibeero - a bon karikaki irouia te konabai bwa ana konaa ni iango (ability to think), te konabwai bwa ana ataa bwa ibukin teraa (to reason), ana konaa ni karikii anua (to form attitudes), ao ni konaa n rinerine (make choices) ao n babaire (make decisions).

    N arona are e atia ni kabwarabwaraaki, te Atua e a tia n karaoi bwaai nikabane ibukin Rutibeero. I rouna te wanawana, te tikiraoi ao te tamaroa. E bon nangi tamaroa kateina ngke e moan karika ni karokoa are e a kuneaki te buakaka (iniquity) - te kaaitara, e aki kan ira te tua (lawlessness) - irouna (Etekiera 28:15).

    E bon kataneai (trained) ao e reke rabakauna (experience) n aron kabiran (administration) ana TAUTAEKA TE ATUA, ngke e mena n te tabo are e mena iai ana kaintokaniuea te UNIBWEETI (throne of the universe). Bon ngaia temanna, mai buakon uoman, te kerubim ake a taakini baia ni kiba n rabunna te bonotanimata - ana kaintokaniuea te Atua (Etekiera 28:14; Te Otinako 25:20).

E Kangaa n Rin te Bure

E karikaki bwa te kabanea ni tikiraoi - bon te tamaroa tikiraoina (perfect in beauty), ma e kariaia te kamoamoa bwa e na rin irouna. Ao e a manga karaoi babaire aika a aki toki ni  kaairua.  Ana tangira te Atua - boton (basis) ana tautaeka te Atua - bon kawain te tangira - te m'am'annuokin (outgoing concern) ibukin maiu raoia raom ma kaain rarikim, tangiran te Atua rinanon te ongeaaba (obedience), te taotaonnano (humility), ao te nebonebo (worship) - te aro n angaanga (way of giving), n tibatiba (sharing), te ibuobuooki (cooperating). N ana iango ao e taku (reasoned) bwa te kabootoa (competition) e bon raoiroi riki nakon te ibuobuooki (cooperation). E raoiroi riki ngkana ko nangi mwatai (excel),  kona konaa are i aona (try harder), ena karobukin am iango (accomplish). Ena reke kakukureim ngkana ko bon iangoiko n bon tii ngkoe ao kona na 'maiu'.

    E kataraa ana tua te Atua ae te TANGIRA (love). E a bakantang iroun te Atua, e a mataai (envious), ao e a taku inanona bwa e a aki kubaraki iroun te Atua (resentful). E kariaia iango aika a kamaira (lust) ao te ngenge (greed) bwa ana rin irouna, ao e a kakai uun. Aei ae manga karika te nano ae iowawa (violence) irouna. E a bon karikia bwa ai aian te Atua ao te tia kaitaraa. Aane are e bon rineia (choice), tiaki te Atua - ma e kariaia te Atua!

    Te Atua e ibita aran te tia kaaitara nakon are e a riki bwa Taatan te Riaboroo - nanon te taeka ae Taata bon te tia kaaiatara (adversary), aiana (competitor), ana kairiribai (enemy).

    Taatan ngkane e a kabonganaa korakorana nakon te BUAKAKA (evil). E a moana n riribaa tiaki tii te Atua, ma e a riribaa naba ana Tua. E a maamaanaia anera nakon ribaakin ana tautaeka te Atua, nakon kaitaraan te Tia Kariki Bwai ao n tokina te BUAKA bwa ana kataia n ekaa nako te Atua ao n taua kaintokaniuea te UNIBWEETI.

    Ngke e bon tiku ma nanona ni koaua ao ni biriakinna ana TAUTAEKA TE ATUA, ao te aonaaba e na onrake nte rau ao te kimareirei.A bon nangi kukurei anera n te aane! Taian tua n ana tauataeka te Atua bon KAWAIN TE MAIU are e karika te rau, te kukurei, te rikirake ao te maiu raoi. Te bure bon kawain te maiu are e karikii buakaka nikabaneia.

    Tuaaia anera ibukin aia bure bon tiaki te mate - bwa te Atua e karikia irouia te aki mamate. Ma te bai are e anganiia te Atua bon te AONAABA bwa neia ni maeka ao neia naba ni karikirakea anuaia ae tamaroa bwa ena konaa n reke irouia tararuaan ao katamaroaan te Unibweeti.

    Tuaaia (ao a bon tataningaa kabanean motikin taekaia nakon te bong aei) bon te aki butimaeaki (disqualification) - bwa boon aia waaki ao anuaia aika bubuaka, ao te urubwai are e nangi korakora are a karaoia nakon te aonaaba.

    Mwiin aia urubwai, ao te aonaaba e riki n arona are e kabwarabwaraaki n Karikan B'ai 1:2. E moan karikaki Rutibeero bwa te tia uota te OOTA. Ngkai e a riki bwa te tia karika te ROO, te kaairua, te mangaongao ao te riaboro.

    Ngaia are imwiin aia kaaitara anera aika a bure (II Betero 2:4-6; Iuta 6-7; Itaia 14:12-15; Etekia.28:12-17) ao a karika te urubwai ae korakora nakon te aonaaba.

    Tao ai teraana ana taratara te Atua iroun Rutibeero ma raona anera aika a bure?

    E karikaki RUTIBEERO bwa te kabane ni tamaroa tikiraoina (perfect in beauty), ana iango (mentality), ana ataibwai (knowledge), korakorana (power), wanawanana (wisdom) ao rabakauna (intellect) are e anganaki man mwaakan te Atua, bwa e na konaa n iango (power to think), kakaea bukin bwaai (reason), rinerine (make choices) ao ni karaoi babaere (make decisions) i bon irouna. E ataia te Atua bwa bon akea riki ae e kona ni karikaki n ai aron karikan Rutibeero.