Katein Te Atua
Are e nangi kakawaki bwa teraa katein ao anuan te Atua. Ibukin totokoan te mangaongao ao te taeka ae 'katei' e na kaota te 'character', ao 'anuana' ana 'nature.' Akea ae konaa ni kina raoi te Atua ngkana e aki ataa kateina.
Katein te Atua Te Tama ao Kristo Te Nati bon te maiu ae tabu (spiritual holiness), te eti n taai nako (righteousness), ao te kabana ni tamaroa (absolute perfection)
Kateiia aikai e bon konaa ni ikotaki I aan te taeka ae 'te tangira' - LOVE, ae kabwarabwaraaki bwa te tangira ae e kokouburake (outflowing) ao n nanoanga. Bon kawain te angngaanga, te toronaki, te ibuobooki, tiaki te maiu n "ANAIA" - the 'GET' way.
Bon te katei ae akea iai te mataai. te iango buaka ao te ngenge, tangiram i bon irooum, te kakakauwai, te iowawa ao te uru bwai, te kaitataan ao te bwakantang, te kairiribai ao te mwe buaka.
Anuan Te Atua
Anuan te Atua are e bon rikina bon kawain te rau, kamatoaan te eti, te nanoanga, te kukurei ao te kimareirei aika kiakia nako, kanga aron kabuebuen taai ngke e kitanna rabatana, ni kaeiia aomata are a bon karikiia!
Te Taeka ao te Atua a bon maiu inanon te bong teuana ma teuana. Ao, teraa are bon taon kakaraoia? A kariki bwai. A kangaara ni maiu - teraa aroia ni maiu? A maiuakinna kateiia are bon tamaroa - kawain te TANGIRA are kouburake (outflowing LOVE) Ngke e batitooaki Iesu, ao e taku te Atua Te Tama, "Ngke Natiu ae Tangiraki irou." Te Atua e TANGIRA te Taeka. Ao te Taeka e TANGIRA te Atua - e ongoaaba nakoina.
A bon aki konaa ni kaain nakonako ngaiia ni kauoman ma tii ngkana a tia ni booraraoi. A tia ni kariaia bwa ana kaain ibuobooki imarenaia. Irarikin aei ao a aki konaa uoman n teimatoa n maiuakinna te rau ma tii ngkana iai ae kairiiri, te mataniwii, te atu. Te Atua bon te tia kairiiri.
Katein ni maiuiia e bon karika te rau, te reitaki, te kukurei, tian mwakuri. Kateiia aei ea karikaki bwa te TUA/ Te TUA bon aekan te katei ae kaantaningaaki imarenaia uoman ke a mwaiti riki. Ko konaa n arana aron iran te takakaro teuana bwa 'tuan' te takakaro aane. Ao ngkana iai te Tua ao e na iai te rekenikai ngkana e uruakaki te tua. E bon aki konaa n riki bwa te Tua te tua teuana ngkana akea te rekenikai ibukin uruana.
Te Atua - E Moan Katea Te Tautaeka
Ngkana e a rawata taian Tua ao e a tangiraki naake ana taan kamatoaa ao ni taraia bwa e aki uruakaki ke ni bainikirinaaki. Rabata aikai a kinaki n araia ae te Tautaeka - Taua te Taeka (Tua). Ao ikai are e tangiraki temanna te tia kairiiri - ngaia are ena anga te kabana ni babaire.
Ngke a bon tii iai te Atua, te Taeka ao tao birion ma birion anera (imwaain karikaiia aomata) ao bon tii te Atua ae babaire - te tia kairiiri. Ngke bon tii te Atua ao te Taeka ao bon iai naba te Tautaeka are e babaire iai te Atua - tiaki te Taeka. Ana Tautaeka te Atua e kabutaki te babaire mai ieta rikaaki nakoia naake a mena riki i nano. Tiaki te Tautaeka are e anaaki moa aia kariai naake a tautaekanaki.. Ana Tua e bairea te Atua ao a anganaki naake inano - e aki karioaki tuua iroia taan tautaekanaki - aki kona n baireia bwa ena kanga aron te Tautaeka n tautaekaniia. Ngke a bon tia n karikiia anera aika a maiu ao ni konaa n iango, ikai ngkanne are e a kainanoaki te Tautaeka.
Aia botanaomata aomata bon ngaiia aika a moan waakinna karaoan tuua. Aia tautaeka aomata, man te kaawa i aon aba nakon kaawa aika a totoa, bon iai rabata n aia Auti n Tei aika taan karaoa tuan abaia. Iaon Kiribati taan karaoi tuua i buuki bon unimwaane ao n te Tauataeka bon te rabata ae kaainaki irouia taan Tei man abamwakoro nako. Ma e a tia n nooraki inanon 6,000 te ririki bwa ngaia a bon tuai n tau n tautaekaniia aomata i bon irouia - a aki ataa ae eti ao ae e bure, ao karaoan tuua ibukin te aroaro ao te reitaki.
Taan karaoi tuua n te aonaaba a bon tia n karaoi tuua aika a nangi mwaiti are te bureitiman n te kaawa ae totoa (city) e bon aki konaa uring iteran tuua are tabena bwa e na kamatoai. Irabwi te ririki n nako ao e oti inanon te beba n wareware teuana i Amerika ma taekana ae kaangai: "E riai n kateaki te tua." Te kaatun aei e bainingareiia taan karaoi tuua bwa e ngae ngke e nangi mwaiti a bon aki konaa n katea tuan waaki ni kakeru aika a nangi mwaiti kurikuri.
Ana Tua te Atua e bon rekereke ma te tamnei (spiritual) ao a bane n rekereke ma te tangira. Ana tua ibukin kairakiia aomata nakon ae tamaroa a bon tibwaaki nakon uoua tuua aika kakawaki, tangiran te Atua, ao tangiran raom. Aikai ngkanne a manga tibwaaki nakon te Tua ake Tebwiina. Iesu e manga kabuburai nako are a bane n rotii nikabane aekan bure nako are a konaa ni karaoia aomata. N ana kauoua boki I-Korinto n te mwakoro 3 ao e taekinaki bwa e na iraki te tua man oin raoi koauana (principle). Ao bon oina raoi are a kateaki tuua akai mai iai bon oina are te TANGIRA. A nangi tamaroa ao ngkana ko kabonganaa oina, ao e a riki bwa tooi n Tua/ Bon tii temanna ae konaa ni karaoi tooi n tua, bwa bon tii te Atua.
Uringnga bwa ana Tautaeka te Atua e bon boboto i aan aia oin tua are ana Tua te Atua, are kawain te maiu are e babaronako mai iai te TANGIRA, te rereitaki, tangiran te tamaroa ibukiia taan tautaekanaki. Ao ana tua te Atua aio e bon karika te rau, te kukurei, te rereitaki inanon te ongeaaba.
Te Atua bon te Utu Teuana
Ti na manga okira riki Karikani B'ai 1:1: "Mai moana (in the beginning) ao te Atua ..." Te taeka aei e bon koreia Mote naiaron are e tuangaki iroun te Atua. E koroboki nte taetae n Ebera Mote. Te taetae n Ebera are e rairaki nakon God (Atua) bon te taeka ae Elohim, bon te nouna, e bururare n teina, ma e tingkura n kabonganana nte kurama. Bon tii taboo teina ma te taeka ae utu, ekaretia. mwakoro - teuana te utu ma kaaina aika mwaiti - teuana te ekaretia ma kaaina aika mwaiti - teuana te mwakoro ma kaaina aika mwaiti.
Elohim ngkanne e bon nanonaki iai ngaiia ni kauoman - te Atua ao te Taeka are e nooraki n Ioane 1:1, ao NAAKAI NI KAUOMAN BON TE ATUA.
N kabaraana teuana, TE ATUA BON TE UTU TEUANA are kaaina moa n te tai aio bon tii te Atua ao te Taeka. Ma ngkana e maeka te Tamnei ae Raoiroi inanon temanna, ao e kairaki iroun te Tamnein te Atua, ngkanne (Rom 8:14) e a karikaki (begotten) bwa natin te Atua. Ma, n te kauaooki, te tai are e na ooki Iesu n mimitongina bwa E na manga katea UEAN TE ATUA, ao n kaoka ana TAUTAEKA te Atua are e kamauna Rutibeero, ao ngkanne naake e mena iroia Tamnein te Atua ao a kairaki irouna a nangi bungiaki (born) ngkanne bwa natin te Atua. ANA UTU TE ATUA A NANGI AIRIIA BOTANAOMATA NIKABANEIA ngkai e a KAOKAKI ANA TAUTAEKA TE ATUA!.
Ana koaua te Trinity e kataia n katoka mwaitin te Atua nakon tii teniman. E URUA ana euangkerio Iesu! Ana euangkerio bon rongorongo ae raoiroi ibukin UEAN TE ATUA are e a kaan roko - are bon kamaiuan te aonaaba ma kaaina aika mangaongao!
Te Trinity bon ana koaua te aro ni kewe are e takinaki n te boki ae Te Kaotioti 17:5: "Karabaaki, Babiron ae e kakanato, ae tinaia kabekaau, are a riki mairouna baika moan te kamwaraa i aon te aba." Man te koaua aei, ao iai riki tabeua, Taatan e a tia ni M'AAM'AANAIA nikabane Kristian.
Reita am Wareware: Ana Koaua te Trinity (The Trinity Doctrine)
*Kiibu nikabane aika a kabonganaaki ikai a bon rairaki man te B'aibara n I-Matang ma tabetai tiaki n aron taekana nikabane are e koreaki n te B'aibara n I-Kiribati.