Deseño vectorial: Inkscape
Aquí imos ir aprendendo a usar este programa de deseño vectorial, o Inkscape. É libre e gratuito, así que o podedes descargar en casa e instalalo onde queirades.
Os obxectivos que pretendemos acadar con esta unidade, e que logo serán avaliados na proba práctica, son:
Obxectivos da unidade
- Coñecer as características básicas de Inkscape e o formato .svg (Inkscape é un programa de deseño vectorial, que crea debuxos que non están baseados en píxeles, polo cal poden ser escalados sen perder calidade. Non é apto para o tratamento de fotografía e imaxe real, sendo as súas aplicacións máis importante a cartelería, mapas, tipografías, imaxe corporativa...)
- Figuras básicas: Crear rectángulos, cadradros, círculos, elipses, estrelas e polígonos, tanto regulares como irregulares, alterando as súas características. (Redondear rectángulos, abrir e pechar círculos, deformar estrelas...)
- Cambiar cores e estilos a recheo e trazo. Crear degradados.
- Rotar, inclinar, escalar proporcionalmente e non proporcionalmente.
- Crear figuras coa pluma Bezier.
- Alterar nodos coa ferramenta nodos e os modificadores de nodos.
- Aplicar as operacións Booleanas (Unión, diferencia, intersección, cortar camiño)
- Mover arriba e abaixo na pila de obxectos.
- Agrupar e desagrupar
- Duplicar.
- Siluetear figuras
- Insertar textos e modificar as súas propiedades.
- Importar mapas de bits e exportar en .png
- Vectorizar un mapa de bits.
- Descargar imaxes .svg dunha fonte de imaxes libres.
- Manexar os atallos de teclado e realizar con soltura todas as operacións anteriores.
- Aplicar con efectividade os principios básicos de proximidade, aliñación e contraste.
Este ano non os imos empregar, pero se che interesa ir avanzando e profundizar en Inkscape, aquí tes uns videotitoriais feitos hai uns anos:
Se te ves capaz, podes ir tentando facer os exemplos de exame:
- Proba de exemplo 4 (fai falta descargar tamén a chave)
- Proba de exemplo 5 (fai falta descargar tamén a árbore)