Xustificación Pedagóxica
As TICs constitúen un dos piares básicos da sociedade actual e é preciso proporcionar ó cidadán unha educación que teña en conta esta realidade. As súas posibilidades na educación poden ser consideradas en dous aspectos: o seu coñecemento e o seu uso. Trátase de integrar esta nova cultura na Educación, comtemplándoa en todos os niveis de ensinanza e conquerir que ese coñecemento se traduza nun uso xeneralizado das TICs para lograr unha formación de carácter permanente ó longo da vida.
Consideramos ademais que as TICs deben de usarse para aprender e para ensinar. De aí que o noso traballo non só aporte material para o alumno senón tamén para o docente.
Por outra banda partindo da idea de Competencias como “o feito de facerse competente”o traballo plantéxase coma un proceso de aprendizaxes globais que integra contidos de diferentes tipos e pretende o desenrolo de capacidades máis que a exclusiva adquisición de contidos puntuais e deslocalizados.
A presente proposta ten un carácter claramente interdisciplinar e afecta a distintos departamentos: Historia, Arte, Tecnología, Educación Física, Xeografía, Lingua e Literatura son os que nos parecen máis directamente implicados, pero calquera outro pode aportar novos aspectos enriquecedores á actividade.
Enumeramos as competencias que consideramos máis desenvolvidas nesta actividade:
COMPETENCIA EN COMUNICACIÓN LINGÚÍSTICA :
Identificar a estrutura de diversos tipos de fontes (primarias, secundarias, iconográficas) para obter información delas.
Extraer información esencial das fontes anteriormente citadas.
Utilizar o vocabulario específico relacionado co tema.
Expresar adecuadamente as ideas e emocións propias.
Facer resumos, sínteses e ampliacións a partir de textos expositivos.
COMPETENCIA MATEMÁTICA:
Uso de escalas numéricas e gráficas.
COMPETENCIA NO COÑECEMENTO E INTERACCIÓN CO MUNDO FÍSICO:
Coñecer o espazo físico en que se desenvolve a actividade humana.
Comprender o espazo en que teñen lugar os feitos sociais e a propia vida do alumno.
Aprender procedementos de orientación, localización, observación e interpretación dos espazos e paisaxes, reais ou representados.
TRATAMENTO DA INFORMACIÓN E COMPETENCIA DIXITAL:
Adquirir destrezas relativas á obtención e comprensión de información.
Procura, obtención e tratamento de información procedente da observación directa e indirecta da realidade.
Procura, obtención e tratamento de información procedente de fontes escritas, gráficas, audiovisuais, tanto se utilizan como soporte o papel coma se foron obtidas mediante as tecnoloxías da información e a comunicación.
Establecer de criterios obxectivos e pertinentes para a selección da información proporcionada por diversas fontes.
Distinguir entre os aspectos relevantes da información e os que non o son.
Relacionar e comparar fontes de información.
Elaborar a información transformando os datos recollidos e traducíndoos a outro formato ou linguaxe.
Empregar as posibilidades que ofrecen as tecnoloxías dá información e a comunicación na procura e o procesamento da información.
COMPETENCIA SOCIAL E CIDADÁ:
Identificar a relación multicausal dun feito histórico e as súas consecuencias.
Comprender o funcionamento dás sociedades, o seu pasado histórico, a súa evolución e transformacións.
Desenvolver a capacidade de empatía (poñerse no lugar do outro) mediante a comprensión das accións humanas.
Expresarse de forma asertiva e mostrar unha actitude favorable ao diálogo e ao traballo cooperativo
COMPETENCIA CULTURAL E ARTÍSTICA:
Comprender a función que as artes tiveron e teñen na vida dos seres humanos.
Analizar obras de arte de distintas épocas; cultivar o sentido estético e a capacidade de emocionarse.
Aprender a observar e comprender aqueles elementos técnicos imprescindibles para a análise.
Adquirir habilidades perceptivas e de sensibilización.
Desenvolver unha actitude activa en relación coa conservación e a protección do patrimonio histórico
COMPETENCIA PARA APRENDER A APRENDER:
Desenvolver unha visión estratéxica dos problemas, anticipar posibles escenarios e consecuencias futuras das accións individuais e/ou sociais.
Aplicar razoamentos de distinto tipo.
Recolleita, clasificación e análise da información obtida por diversos medios.
Utilizar distintas estratexias para organizar, memorizar e recuperar a información.
Participar en debates e contrastar as opinións persoais coas do resto de compañeiros.
Desenvolver o gusto pola aprendizaxe continua e a actualización permanente
AUTONOMÍA E INICIATIVA PERSONAL:
Asumir responsabilidades e tomar decisións con respecto á planificación do proceso de resolución dás actividades propostas.
Idear, planificar, elaborar, analizar e revisar un traballo, revisar o feito.
Comparar os obxectivos previstos cos alcanzados.
Saber argumentar de forma lóxica e coherente as explicacións dos conceptos e fenómenos estudados.
Autorregular a propia aprendizaxe: tomar conciencia do que se sabe e do que falta por aprender; e realizar autoavaliacións do propio traballo.