Esquema dun segueliñas

Imos construír un robot capaz de seguir unha liña negra sobre un fondo branco. Para isto, imos empregar un Arduino, que programaremos de xeito que poida ler uns sensores para saber a posición do robot e, en función desta, activar os motores correspondentes para ir percorrendo o circuíto sen saírse del. Como veremos nos seguintes artigos, precisaremos tamén dun controlador de motores ou "driver", que se encargará de manexar a intensidade que requiren os motores para andar.

Este sería o seu esquema:

E o funcionamento que quereremos conseguir será como ves no debuxo:

É dicir, o robot levará dous sensores na parte dianteira, que irán por fóra da liña que ten que seguir. Cando os dous detecten branco, iso é que está ben enfilado e terá que avanzar (os dous motores cara adiante). Cando o sensor esquerdo estea sobre a liña negra e o dereito no branco, terá que xirar cara a esquerda para retomar a liña (avanzar só o motor dereito, por exemplo). No caso contrario, terá que actuar de xeito inverso, loxicamente.

Para conseguir un robot que faga o que queremos, teremos traballar tanto na parte física, o hardware, axustando motores, colocando os sensores, facendo as conexións precisas, montando todo nunha estrutura convinte... como na parte virtual, o software, o que consistirá en facer un programa que regule o comportamento do robot para que funcione da maneira óptima.

O primeiro que imos facer vai ser coñecer o controlador de motores.