O método científico e a electrónica

Data de publicación: Feb 09, 2017 9:45:1 PM

Desde hai tempo, penso que o alumnado sae da ESO sen ser de todo consciente de que hai un sistema á súa disposición que potencia as súas capacidades de razoamento e comprensión. Están pouco acostumados a tirar conclusións, a descubrir por eles mesmos as relacións causa-efecto que se dan ao seu arredor.

Este curso, replantexei as prácticas de electrónica de 3º da ESO coa intención de que servisen para compensar un chisco esta situación. Eu estou razoablemente contento co resultado, sobre todo desde que lle oín a un alumno dicirlle a outro "moi ben, sabes contar o que acontece na realidade, pero... por que pasa iso?".

Pequenas satisfaccións...

Aquí tedes todas as prácticas que fixen ata o momento.