Deseño Web
Comezamos aquí a unidade de deseño web, na que aprenderemos algunhas cousas moi sinxelas que nos servirán para comprender mellor algo tan inmenso como hoxe é Internet e como está construído. Estes son os obxectivos da unidade:
- Comprender os conceptos básicos de web, servidores, html, etiquetas, navegadores...
- Recoñecer algunhas etiquetas básicas (<html>, <head>, <body>, <h1...h6>, <a href=...>, <img src=...>,...)
- Valorar a importancia de traballar empregando estilos e da organización e estructura do contido.
- Hipervínculos
- Insertar imaxes e imaxes con ligazóns.
- Entender e aplicar correctamente rutas relativas e absolutas.
- Coñecer o funcionamento e estructura das follas de estilo CSS.
- Implementar interactividade na web empregando Javascript básico.
Como proxecto imos deseñar unha web con varias páxinas, empregando para iso un editor de texto plano coma o gedit.
Podes acceder ao documento de exemplo de preguntas de exame para ir comprobando que tal levas o tema e o que te podes esperar na avaliación.