Solucións aos exercicios

Aquí vos irei poñendo as solucións explicadas dos exercicios que mandei, a teoría correspondente a eles a podedes consultar aquí.

Tarefas sistema binario I:

1 - Escribe a ligazón a algunha táboa ou aplicación de transformación de binario a decimal e hexadecimal

Buscando en Google tedes unha morea delas, por exemplo este conversor: http://calc.50x.eu/

2 - Multiplica o número de letras do teu nome polo número de letras do teu apelido

No meu caso:

Tucho - 5 letras, Méndez - 6 letras

6x5=30

3 - Escribe o número anterior en binario

Eu seino facer sen táboa, desde logo, pero empregando o conversor que liguei máis arriba:

4 -A qué número decimal se corresponde o binario 10010011?

O mesmo de antes, empregando o conversor:

5 - Escribe en binario a IP 192.168.0.1

As IP's, tal como nós as vemos, son catro números entre o 0 e o 255 separados por puntos. Isto é así porque se corresponde con catro cadeas binarias de 8 bits. Para traducir esa IP a sistema binario, introducimos no conversor cada número decimal por separado.

O número 0 e 1 en decimal supoño que non se lle ocorre a ninguén metelos no conversor:

0 decimal: 00000000 binario

1 decimal: 00000001 binario

Por tanto:

IP 192.168.0.1 = 11000000.10101000.00000000.00000001

6 - Cantos números diferentes se poden representar en 16 bits?

A cantidade de números diferentes (N) que se poden representar empregando un número (x) de bits atópase coa fórmula:

N=2^x

neste caso:

N=2¹⁶=65.536

^{Tarefas sistema binario II:}

1 - Cantos bits ten un byte?

1 byte= 8 bits

2 - Multiplica o día en que naciches polo mes en que naciches:

No meu caso, nacín o 19 do mes 3.

19x3= 57

3 - Colle o número da pregunta 2, tómao como número de GB e pásao a:

a) MB: Un GB ten 1024 MB, así que: 57 GBx1024= 58.368 MB

b) KB: Un MB ten 1024 KB, así que: 58.368 MBx1.024= 59.768.832 KB

c) bytes: Un KB ten 1024 bytes, así que: 59768832 KB x1.024= 61.203.283.968 bytes

d) bits: Un byte ten 8 bits, así que: 61203283968 bytes x8 = 489.626.271.744 bits.

Nota ao marxe: pensa que estes 57 GB de memoria, que podería ser a memoria que ten un portátil barato do ano 2002, se escribísemos todos os valores dos seus bits nun tamaño realmente pequeno, por exemplo 1 mm., teríamos unha liña de ceros e uns de... 489.626 Km!! (a lúa está a uns 400.000 Km da terra).

4 - Imaxínate que contratas a conexión máis veloz que ofrece agora mesmo R, canto tardarías en descargarte o Ubuntu 11.04 en versión 32 bit?

No intre de facer este exercicio, a conexión máis veloz de R é esta, con 100 MB/s de baixada.

O Ubuntu 11.04 pódese descargar desde aquí, e pódese ver que o seu peso é de 685 MB.

Por tanto, a operación que teríamos que facer é:

Tempo que se tardaría se as conexión de internet foran ofertadas en Megabytes en vez de en Megabits ( e se a velocidade anunciada fose a velocidade real e non máxima).

685/100=6,85 segundos

Como isto non é así, sempre se tardaría 8 veces máis:

6,85x8= 54.8 segundos

5 - Coa mesma conexión, canto tardarías en subilo?

A velocidade de subida da conexión anterior era de 5MB, e para aforrar cálculos podemos tirar do que sabemos, e dicir que 5 MB/s son 20 veces menos velocidade que 100 MB/s, polo que tardaremos 20 veces máis en subilo que en baixalo:

Tempo de baixada = 54.8 segundos

Tempo de subida = 54.8x20 = 1096 segundos ou 18,6 minutos.

Tarefas pixel:

1 - Busca a imaxe "fresquito.jpg" que se che enviara, que tamaño ten?

Accedendo co botón dereito ás propiedades da imaxe, podo ver que ten un tamaño de 1600x1200 píxeles

2 - Cantos pixeis compoñen a imaxe?

Os píxeles totais se obteñen multiplicando o ancho polo alto da imaxe:

1600x1200= 1.920.000 píxeles

3 - Canto pesaría unha imaxe dese número de pixeis, sen comprimir:

a) cunha profundidade de cor de 1 bit: cada un dos pixeles estaría codificado por 1 só bit, polo tanto: 1.920.000x1=1.920.000 bits/8 = 240.000 bytes/ 1024= 234 KB/1024= 0,23MB

b) cunha profundidade de cor de 8 bits: a cada pixel lle correspondería un díxito de 8 bits, polo tanto 8 veces máis que o anterior: 0.23x4= 0,92 MB

c) cunha profundidade de cor de 24 bits: o mesmo que antes, 24 veces máis: 0,23x24= 5,52 MB

4- a que fai referencia o término "alpha".

O término "alpha" en edición de imaxe fai referencia á transparencia dunha imaxe, a que poida deixar ver en maior ou menor medida o fondo que teña por detrás.

5- que tamaño de imaxe máximo se pode sacar cunha Canon Eos 600D.

Desde un buscador podemos ver na páxina de Canon que esta cámara ten unha resolución de 18 Megapixeles, polo tanto:

18Mp x 1.000.000= 18.000.000 píxeles (ollo: os megapixeles non se pasan a pixeles como os bytes, senón multiplicando coma sempre por múltiplos de 1.000)

Se poñemos por caso que a imaxe que saquemos con ela fose un cadrado (non é así, pero nos vale para o exemplo):

sqrt 18.000.000 = 4240x4240 pixeles

6- canto pesará esa imaxe en formato RAW (sen comprimir).

Cunha profundidade de 24 bits e sen absolutamente ningunha compresión, podería chegar a pesar:

18.000.000 x 24 = 432.000.000 bits/8 = 54.000.000 bytes/1024 = 52.734 KB/1024= 51 MB