Scarpi
di Paolo Piani - 16-03-2021
Embedded Files
SCARPI
SCARPI
Quant ca s’eri èn rèdès, sevi ‘na sbréga:
la mia mama ià dal Meago la me portava,
ca sünsóm a li pianti al gheva botéga,
e ‘n pèer de scarpi la me crumpava:
“Me racomandi, tégneli a màa,
parché par la mia pinsiù, iè grévi”
ma mi àla bòcia n’evi òia da giügàa
e de scarpi, nòma chèl pèer mi ghevi!
Ma a ‘sti póreti, dopo la céntesema pesciàda,
la sóla denàaz la ghè se stacava:
la fava la bèsciola, tüta scolàda,
ca ‘l sarìs, ca gió a tolòmbola la ‘ndava,
e caminàa al diventava èn trebüléri
parchè ogni dü pass te se scapüsciàvet,
a ris-cio de dagió e fàss dagn séri,
e anca la figüra del salàm te risciàvet.
Òl Meago, ca l’era àa scarpulìi,
na quai òlta a giüstàli al ghè la fava,
ma nòma chili mi ghevi par i mée piscìi:
dopo póoch dì, la sóla amó la se scòlava!
Adès ca sóo véc’ de scarpi ghè nóo tàati:
par quant ca l’è bèl tèep e par quant ca ‘l pìöof,
de chìli dai tǜc’ i dì e de chìli da la fèsta,
béli lüstri ‘nde la sua scàtola, pundàadi,
ògni pèer quasi mai usàat, quasi nöof
ma rimpiangi li mei da ‘n bòt, con fàcia mèsta,
… e la mia mama ca la me baiava,
ma ‘ntàat còi öc’ la me maiava!
SCARPE
SCARPE
Quando ero bambino, ero una piccola sbrega:
la mia mamma a Sondrio dal Meago mi portava,
che in cima a Piazzale Bertacchi teneva bottega,
ed un paio di scarpe nuove mi comperava:
“Mi raccomando, abbine gran cura,
perché sono pesanti per la mia pensione”
ma per me era cosa molto dura
rinunciare a giocare a palla, la mia passione!
Ma a queste poverette, dopo la centesima pedata,
la suola sul davanti le si staccava:
diventava come un labbro pecorino, scollata,
cioè tutta a penzoloni se ne andava,
e camminare diventava impresa dura
perché ogni due passi ti inciampavi,
a rischio di cadere e farsi male (che paura),
e anche di fare la figura del salame, rischiavi.
Il Meago, che era anche calzolaio,
qualche volta ad aggiustarle riusciva,
ma per i miei piedi avevo solo quel paio:
dopo pochi giorni, la suola ancora si scuciva!
Adesso che sono vecchio, di scarpe ne ho tante:
per quando fa bel tempo e per quando piove,
di quelle per i giorni feriali e di quelle per i dì di festa,
belle lustre, di aspetto carino e intrigante,
tutte quasi mai usate, quasi nuove,
ma rimpiango le mie di una volta, con faccia mesta,
… e la mia mamma che mi sgridava,
ma intanto con gli occhi mi mangiava!
Page updated
Google Sites
Report abuse