'Na sìra de quài prümaveri fà

Prüma de cüntàa sǜ chèl ca l'è süces chèla sìra ho de ciapàla 'n póo a la lontàna.

Parli de órmai quarànta àgn fa quànca a li ròbi moderni i'era a l'inizi e ò töc' 'l me prüm compiuter ca 'l se ciamàva Apple II.

L'era 'n scàtolòt de plastega düra e d'itè 'l gh'era 'na scheda con sǜ tüc' chi ròp nìgri con chi rubitìi ca 'l ghe vànsa gió ca'l par žàmpini de fèr lüsènti.

Chìs-c' afàri, ca pó i se ciàma integrac', i'era mès gió sgnicàc' en de ròp ciàmàat zòcoi própi parchè chili zàmpini i'è cóma i pèe ca i se 'nfila ité 'ndèi zòcoi.

Vargü i gh'eva quatòrdes, ótri sèdes e l' püsèe grànt quarantòt piscìi, chèsto l'era chèl ca i ciàma 'l procesór, regòrdi amò adès ca ol sò nóm l'era 'n nümer, 6502. Chi dè adès dal tàat che i'è piscén se ghe rüa ca pü a vidìi.

Pödarìs 'ndàa amò avanti a cünta sǜ ca ilùra i procesór i'era a òt bit e adès i'è a centvintòt e pó amò ... , ma la vegnarìs tròp lónga.

Par fàla 'n póo cörta disi nóma ca chèla sìra sevi rèet a düperal, stò compiuter , cóma sa 'l fòdès 'na tèlescrivent ca, dic' 'ndèn modo ca tüc' i pö capìi, l'era 'na màchena da scrìif che, tacàda ai fìi dol telèfon, a 'nòtra tèlescrivent, chèl ca'l scrìveva üu 'l'e lègeva l'òtro e àach al contràri.

'Mbèe, mi chèla sìra gh'evi tacàat 'l compiuter a 'na radio ricetrasmitènt al pòst del telèfon e a Tiràa gh'era sǜ 'l me sòci Pietro a lüu co'la sùa radio e la sùa tèlescrivent. En ciàcerava ca a óos ma en se scrìveva.

Ghe öl de savìi àa ca ogni lètera del alfabeto schìsciada gió 'ndèla tastera la gh'à 'na sùa codifìca fàcia en totàl de òt ròbi tra cörc e lónc, che par mandai ià con la radio 'l cört e 'l lónc i'à de diventàa dùu sùu üu divers da l'òtro.

E adès ìl vèe la storia de chèla sira.

De prümavera, en chìli müràchi ca al crès sǜ chili sàsi ciamàdi sàsi dei bìs, se sènt tüt chèl "biri biri" ma i'è ca i grìi.

I dìs ca i'è i bìs ca cánta par ciamàs e stàa 'nséma.

A dìi la verità 'l sóo ca sa l'è véra o nò, ma 'n póo gh'ò sèmpre credüt.

Ecco, a col me compiuter, 'ntàat ca scìvevi, a lüu al pareva de sentìi 'na müràca ca la cantàva cóme i bìs.

A 'n certo momènt ó idüut ilò sül pavimèet de cà 'n ròp, credevi ca la m'avès fàc' 'n schèrs la mia fiöla, 'l me pareva 'n bìs de chi de gòma, ma quànca lò idüut möves l'era pròpi 'n bìs e quasi me seri àa 'n póo strimit.

Lo pó töc' sǜ col manèc dela scùa e lò trac' de fò.

Però da chèl fàto ó cominciata a fa i me ragionamèt e'n de pòoch me so dic': " i vèrom i ghè sent ca, i'è sórt cóma 'na tàpa ", ma 'ndè stès tèep ó àa conclüs ca chèl me "biri biri" del compiuter l'è stàc' 'l riciàm par chèl bìs e a dìi la verità 'n póo sóo amò convìnt adès.

(Vittorio Crapella - 16-07-2018) 'l gh'è nè amò

clicca --> ascolta la registrazione

Una sera di qualche primavere fa

Prima di cominciare a raccontare quello che è successo quella sera devo partire un po' da lontano.

Parlo di ormai quarant'anni fa quando le cose moderne di allora erano agli inizi ed ho comperato il mio primo computer che si chiamava Apple II.

Era una scatola di plastica dura con dentro una scheda con sopra tutti quei cosi neri con quei cosini che avanzano giù che sembrano delle zampine di ferro lucenti.

Questi affari, che poi si chiamano integrati, erano infilati a pressione in cosi chiamati zoccoli proprio perché quelle zampine sono come i piedi che si infilano negli zoccoli.

Alcuni avevano quattordici , altri sedici e il più grande quarantotto piedini, quest'ultimo era quello che chiamano processore, ricordo ancora adesso il suo nome che era un numero, 6502.

Adesso dal tanto che sono piccoli non si riesce più nemmeno a vederli.

Potrei andare ancora avanti a raccontare che allora i processori erano a otto bit e adesso sono a centoventotto e avanti..., ma verrebbe troppo lunga.

Per farla corta dico solo che quella sera stavo usando il computer come se fosse una telescrivente che, detto in modo che tutti possono capire, era una macchina da scrivere che, attaccata ai fili del telefono, ad un'altra telescrivente, quello che scriveva uno lo leggeva l'altro e viceversa.

Ebbene, io quella sera avevo attaccato il computer ad una radio ricetrasmittente al posto del telefono e a Tirano c'era il mio amico Pietro anche lui con la sua radio e la sua telescrivente.

Chiacchieravamo non parlando ma scrivendo.

Bisogna sapere che ogni lettera dell'alfabeto schiacciata sulla tastiera ha una sua codifica fatta in totale di otto cose tra corte e lunghe e che per mandarle via radio il corto e il lungo devono diventare dei suoni uno diverso dall'altro.

Adesso viene la storia di quella sera.

Di primavera in quegli ammassi di sassi, dove crescono quella acetosella chiamata acetosella delle bisce, si sente tutto quel "biri biri" ma che non sono i grilli ma dicono che sono le bisce che cantano per richiamarsi e stare assieme.

A dire il vero non so se è la verità o no, ma un po' ciò sempre creduto.

Ecco, il mio computer, intanto che scrivevo, anche lui sembrava di sentirlo cantare come le bisce in quegli ammassi di sassi.

Ad un certo momento vedo lì sul pavimento di casa un coso, credevo fosse uno scherzo fatto da mia figlia, mi sembrava una biscia di gomma ma quando l'ho visto muoversi era proprio una biscia e quasi mi ero un poco spaventato.

L'ho poi preso con il manico della scopa e buttato fuori di casa.

Ho cominciato a fare i miei ragionamenti e mi son detto: "le bisce non ci sentono, sono sorde come una pezzo di legna" ma nello stesso tempo ho concluso che quel mio "biri biri" del computer ha fatto da richiamo per quella biscia e a dire il vero un po' sono ancora convinto adesso.