Ol mèrlo
di Vittorio Crapella 22-01-2020
LA LEGENDA DEL MÈRLO
Tàat tèep fà ca l'era gnàa mò nasüut gnàa 'l pà tüc' i mèrli i gheva li piümi bianchi coma 'n fior de mac' ca i pareva puciac' gió ndèl làc', iera 'm-macolac' e püur, prüma de vignìi scüur.
Pò 'n dì lè capitàat 'n fàto ca tüt la cambiàat ! Coma lè 'ndacia chèsta facenda al lè dìs la legendaì e se 'n póo de paziensa ghìi, chilò la scoltarìi!
Ol mèrlo al le sà che de fèorèr frec' al fà e ca la nìif suspisa la vée gió dal ciél ca la pàr un vél, lè a mò 'nvèrèn e al colt sà de stàa par pudìi campàa.
Par cercàa ol modo de scoldàa la gnada, 'ntóren 'l se varda e da 'n tec', ilò apröf, 'l vìt a vigìi sù füm nigro da 'n camì bel nöf.
Ilò sura al se puguàat e subèt 'l se scoldàat, iscé al ghè vée 'na gran pensada, chèl da fà ilò la sua gnada.
Adès lè ca pü 'n crüzi gnàa 'l gèlt, ilò sura al còlt, ol téep al pàsa svèlt, ormai 'l fréc' e'l gèlt iè 'ndàc' e ol mèrlo 'l völ fàa 'n viac'; apèna fò da la gnada 'l fà 'na gorgoiada:
Iösösmaria, c'aróo büut, nigro coma 'n corf sóo ügüut !
Sóo ca pü bianch e püur ma sóo tüt scüurì li piümi góo de lavàa, ndèla rögia ò da prüàa gió ndèl'acqua a nodàa ma ghè negòt da fàa, li piümi nigri a la fìi ghóo de tignìi.
Da ilura, par incant tüc' i mérli iè nasüuc' nigri ma amò col sò cant.
Quanca 'l piöof gió 'ndèl'acqua deli pózzi amò i se möof ma noma per lavàs, ormai i ghà ca pü 'mèet de sbiancàs.
Ol sò bèch gialt le restàat bèl da idìi avèert o àa seràat.
di Vittorio Crapella 22-01-2020
LA LEGGENDA DEL MERLO
Tanto tempo fa che non era ancora nato nemmeno il padre tutti i merli avevano le piume bianche come i fiori di maggio che parevano inzuppati nel latte.
Poi un giorno è capitato un fatto che tutto ha cambiato ! Come è andata questa faccenda lo racconta la leggenda e se un poco di pazienza avete qui l'ascolterete !
Il merlo sa che di febbraio fa freddo e che la neve soffice vine giù dal cielo che pare un velo, è ancora inverno e al caldo si deve stare per poter campare.
Per cercare il modo di scaldare ilo nido, attorno si guarda e da un tetto, li vicino, vede salire del fumo nero da un camino nuovo.
Lì sopra si appoggia e subito si scalda, così gli vine una gran pensata, quello di fare lì il suo nido.
Adesso non è più un problema nemmeno il gelo, lì sopra al caldo, il tempo passa velocemente, ormai il freddo e il gelo se ne sono andati e il merlo vuole fare un viaggio; appena fuori dal nido fa una parlata:
Mamma mia, cosa avrò bevuto, nero come un corvo sono diventato !
Non sono più bianco e puro ma sono tutto scuro le piume devo lavare, nel ruscello devo provare giù nell'acqua a nuotare ma non c'è nulla da fare, le piume alla fine così devo tenere.
Da allora, per incanto tutti i merli sono nati neri ma ancora con il loro canto.
Quando piove giù nell'acqua delle pozze ancora si muovono ma solo per lavarsi, ormai non hanno più in mente di sbiancarsi.
Il loro becco giallo è rimasto, bello da vedere aperto o anche chiuso.