D. 11id dekula, 2024
Penotükons yelod kilid ed ut folid gaseda calöfik Volapükakluba valemik Nolüda-Meropik (tiäd: „Volaspodel”).
D. 3id dekula, 2024
Pepübons nüms anik gasedas vönädik: „Nunal”, „Nunal nulik”, „Volaspodel”.
D. 1id dekula, 2024
Pepübons sotül nulika yeloda: 1888 gaseda redakamü ‚Iparraguirre’, studot Deutänapükik fa ‚Beermann’ dö valemapük: Volapük.
D. 30id novula, 2024
Pepübons nüms anik ela „Nogan volapükik plo Beljän e Nedän” (yelods kilid e folid) se tatabukemöp Bayänik.
D. 25id novula, 2024
Pepübons gramatil latinik Volapüka fa ‚Schleyer’ it, segivot brefik patik fa ‚Schleyer’ labü paradigs gramata, Volapükagramat brefik Grikänapükik (1885), Volapükagramat brefik pro slovenans (1887), gramat pro lestiyans fa ‚Grenzstein’.
D. 24id novula, 2024
Pepübons nüms anik ela „Nunal nulik” (‚Milano’) de yel: 1890 jü 1892, yelod balid ä lätik gaseda redakamü ‚Haastert’.
D. 23id novula, 2024
Pepübons nüms anik gaseda: „Jveizapot”.
D. 17id novula, 2024
Pepübons maters yeloda seimik ela „Volapükan melopik” (redakan: ‚Scherzinger’), nüms: 21, 22, 25, 26, 27, 28, 29, 30, 31.
D. 15id gustula, 2024
Pepübon yelabuk di ‚solresol’ (as doküm di ‚docx’ ed ut di ‚pdf’).
D. 2id gustula, 2024
Pepübon ragiv ko nün dö pük: ‚Intal’ fa ‚Weferling’.
D. 15id yulula, 2024
Pepübon kompilalebuk: „Vio ä⸗Volapükoy in ‚Peterburg’ ” (2024).
D. 16id yunula, 2024
Pepübon tidabuk fa ‚Stankiewicz’ pro Polänapükans (1888), kel ninädon gramati, bligädis, vödemis brefik, küpedotis plagik, vödabukilis tel efe Volapükik⸗Polänapükiki e Polänapükik⸗Volapükiki.
D. 25id mayula, 2024
Pepübons nüms: 24, 25, 30 < gaseda: „Kosmopolan”.
D. 25id mayula, 2024
Pepübons nüms: de 1 jü 3 < yeloda kilid (1889) jäfidota Volapükafeda Litaliyänik.
D. 24id mayula, 2024
Pepübons nüms anik jäfidota Volapükafeda Litaliyänik (1888).
D. 20id mayula, 2024
Pepübon sotül peläfulüköl buka: „Lilads maegik” (reided pemagodöl).
D. 19id mayula, 2024
Pepübon yelod telid ä lätik timapenäda: „Volapükaflen Jveizänik” (ü kuratikumo ma noms ettimik: „jveizik”).
D. 18id mayula, 2024
Pepübon yelod balid (yel: 1888) timapenäda: „Volapükaflen Jveizänik” (ü ettimo: „jveizik”).
D. 17id mayula, 2024
Pepübon yelod balid (yel: 1889) timapenäda Volapükik pro Danän e Norgän (ko redakan: ‚J. Bayer’).
D. 14id mayula, 2024
Pepübon nüm: 19 < se yelod telid (1889) Volapükableda Litaliyänik (ko redak in ‚Torino’).
D. 13id mayula, 2024
Pepübons yelod: 1889 < Volapükagaseda Svedänik, yelod balid (1888) Volapükableda Litaliyänik (redakan: ‚Amoretti’), namapenäd ko mär: „Vio plin: ‚Filidor’ < elärnom ad smilön” (tradutod fa ‚Tadäus Devidé’).
D. 12id mayula, 2024
Pepübon yelod: 1888 (nüms: 37 jü 48) ela ‚Volapükisten’ (Volapükagaseda Svedänik). Mödadilo pälauton Svedänapüko. I labon nüni dö Volapükans in Suomiyän.
D. 11id mayula, 2024
Pepübons dabükot telid tidabuka fa ‚Pflaumer’ (1888), sotül nulik pämoda: „Dö bükav ” („Dö bukibükav”), sotül nulik kaleda fa ‚Kniele’ pro yel: 1886.
D. 10id mayula, 2024
Pepübons sets bibik fa ‚Schleyer’ petradutöls (pübayel balid: 1889), sotül nulik buka ko „mastavobots kil se pöpalids Kroasäna-Särbänik” (1886), buküls ko tradutods fa ‚Schleyer’ tiädü „Te tikäl!” (= „Te lanöf!”), sevabo: bukül balid dabükota balid (1884), bukül balid dabükota telid (1888), bukül telid dabükota balid (1885). Id epubons yelods mälid (1888) e velid (1889) gaseda tiädü „Volapükaklubs” (ko redakan: ‚Fieweger’ in ‚Breslau’).
D. 9id mayula, 2024
Pepübons pened balid de ‚Ioannes’ as tradutod fa ‚Schleyer’, bukül balid setas brefikün ä siämaliegikünas biba petradutölas fa ‚Schleyer’, telspikots Volapükik ad lärnön volapüki ela Schleyer (penäd fa ‚J. Fieweger’), dabükot lulid tidabuka fa el Obhlidal.
D. 8id mayula, 2024
Pepübons pämods tel: „Lif e vol” (konäd lofüdänik fa ‚Selegen'’dö sapan: ‚Kerim’), tradutod fa ‚Fieweger’ fredadramata: „El ‚Minna von Barnhelm’, u soldataläb”.
D. 7id mayula, 2024
Epubon nüm lätik gaseda zänöpa Volapükik pro Spanyän (1891 mäzul).
D. 6id mayula, 2024
Pepübon gased zänöpa Volapükik Spanyäna. Yel: 1890 (nüm: 10 ä 11).
D. 1id mayula, 2024
Pepübons nüms anik gaseda zänöpa Volapükik Spanyäna de yel: 1890 (nüms de 1 jüesa 9).
D. 30id prilula, 2024
Pepübons maters yela: 1889 < se gased zänöpa Volapükik Spanyäna e doküm Spanyänapükik dö hiel Iparraguirre.
D. 29id prilula, 2024
Pepübon koned fa ‚Maksim Gor'kij’.
D. 28id prilula, 2024
Pepübons nüms anik Volapükagaseda Spanyänik, sevabo: yelodalaf balid tefü 1888 e yelodalaf telid yela ot.
I pepübons bukalised Volapükakluba Spanyänik (1888) e pämod Spanyänapükik jenavik dö ‚Guadalajara’
D. 21id prilula, 2024
Pepübon yelod: 1887 < gaseda Spanyänik redakamü ‚Iparraguirre’.
I pepübon kompilalebuk lautotas Volapükik fa ‚Iparraguirre’ pekonletölas ün 1887.
D. 20id prilula, 2024
Pepübon yelod: 1886 < gaseda Spanyänik redakamü ‚Iparraguirre’.
D. 6id prilula, 2024
Pepübon nüm balid pro yel: 1890 < Vpagaseda Jvabänik (redakan: ‚R. Kniele’).
D. 30id mäzula, 2024
Pepübon jäfidot ko nuns Volapükakluba nolavik in ‚Wien’ ad yel: 1888.
D. 29id mäzula, 2024
Pepübons yelod telid Vpagaseda fa el Obhlidal, yelod kilid jäfidota ot e nüm telid yeloda folid.
D. 24id mäzula, 2024
Pad patik epubon pro Volapükagased redakamü ‚Obhlidal’.
D. 16id mäzula, 2024
Pepübons nüm mayulik se yelod balid gaseda bevünetik (‚St. Louis’), nüms primik tel notediana Volapükakluba nolavik di ‚Wien’ (redakan: ‚Julius Lott’, penäd Deutänapükik).
D. 15id mäzula, 2024
Pepübon vödabuk fa el Walther pro Deutänapükans (1888).
D. 9id mäzula, 2024
Pepübon vödabuk fa el Pflaumer (1888).
D. 8id mäzula, 2024
Pepübon el „Volapükan melopik” (nüms: 1, 3, 6, 11, 12 yeloda balid).
D. 7id mäzula, 2024
Pepübon nüm mayulik yela 1888id gaseda: „Volapükel nedänik”.
D. 6id mäzula, 2024
Pepübon namapenäd labü maters jäfidota: „Volanunel” (nüms tel yela: 1890). Redakan äbinom ‚M. A. Vítek’ (lödan ela Praha), gased ninädon yegedis Volapükik e tsyegikis.
D. 5id mäzula, 2024
Pepübon dil yeloda balid ela ‚Internationale Correspondenz’ (nüms: 2, 3, 5, 6).
D. 3id mäzula, 2024
Epubon pad labü nüms anik gaseda: „Kosmopolan”.
D. 28id febula, 2024
Pepübons penäds Volapüki teföls (dil kilid, dil folid).
D. 17id febula, 2024
Pepübons penäds Volapüki teföls (dil balid, dil telid).
D. 8id febula, 2024
Pepübon tidabuk fa el Linderfelt pro Linglänapükans (pübayel: 1888).
D. 4id febula, 2024
Pepübon yelod telid Volapükagaseda se ‚Boston’ (redakan: ‚Charles C. Beale’). Äninädon yegedis Lingläna⸗ e Vola⸗pükikis.
D. 3id febula, 2024
Pö pad dabüköpa: „Divöp jodema” epubon vödem buka Rusänapükik tiädü „Volapük fikulik at”. Ninädon gramati brefik Volapüka pro Rusänapükans, penotis dö säkäds difik Volapükava, dokümis dö jenotem Volapükamufa in Rusän ün tumyel degzülid.
D. 2id febula, 2024
Pepübon yelod balid Volapükagaseda se ‚Boston’ (redakan: ‚Charles C. Beale’). Äninädon yegedis Lingläna⸗ e Vola⸗pükikis.
D. 31id yanula, 2024
Pepübons poedotils fa ‚Dabelstein’ e pämod fa ‚Baumann’ dö tikamagot valemapüka e Volapük.
D. 23id yanula, 2024
Pepübon geidamedöm pro spik me püks kildeg labü vöds e sets Volapükiks.
D. 22id yanula, 2024
Pepübon yelod 33id gaseda: „Vög Volapüka” (nüms valik pebüköl as ‚PDF’, vödems valik nen pats fomama bükavik as nüned di ‚docx’ e nüned di ‚PDF’).
D. 21id yanula, 2024
Pepübons Volapükagramat pro julans (fa ‚Schleyer’) e buk Deutänapükik fa ‚G. Schmid’ tiädü „Volapükaflen, dil balid” (1888).
D. 13id yanula, 2024
Pepübons nüms de 8 jü 11 yeloda balid (ü yela: 1891) Volapükagaseda Lösteränik (ettimo: „Volapükagased löstänik”).
D. 11id yanula, 2024
Pepübon buk dö pükasit di ‚Bamberg’.
D. 10id yanula, 2024
Pepübons spikäd notidik fa ‚Gutensohn’ in ‚Lindau’ ün 1888 e buk Nedänapükik dö Nula-Grikänapük ko mäniot Volapüka.
D. 9id yanula, 2024
Pepübons geidamedöm metodik pro stud staböfik valemapüka: Volapük (fa dokan: ‚Weiss’), tidabuk Volapüka fa dokan: ‚Schwarz’, buk fa ‚Stempfl’ dö Volapük e pükasits votik (1888).
D. 8id yanula, 2024
Pepübons tradutod se Volapük ini Litaliyänapük penäda: „Böf sekü pölaceds” fa ‚Sienkiewich’, pämod fa ‚Feyerabend’ tefü Volapük, el „Dö krütam Volapüka” (pämod Deutänapükik fa ‚Pietzker’), tradutod Deutänapükik tidabuka labü tidods kil fa ‚Iwan Iwanowitsch’, geidamedöm pro oktid fa el Schneid.
D. 7id yanula, 2024
Pepübons geidamedöm fa el Toussaint (sevabo dabükot balid e dabükot lulid), sotül tatabukemöpa Bayänik ko noms anik Volapüka pro Volapükitidans (1887), dabükot telid tidabuka fa el Schridde, spikäd Deutänapükik fa ‚Colling’ pötü yubid teldegyelik Volapüka.
D. 6id yanula, 2024
Pepübons tidabuk metodik fa ‚Völker’ e pämod Volapükakluba kadämik di ‚München’ ko plän dinastadas in Volapükanef Deutänik (1888).
D. 3id yanula, 2024
Pepübons sotül tatabukemöpa Bayänik pämoda fa ‚Stempfl’, statuds Deutänapükik Volapükakluba di ‚München’, statuds Deutänapükik Volapükakluba di ‚Mannheim’, gramat brefik Linglänapükik Volapüka fa ‚Deiler’, yelod balid yelabuka Volapükakluba Belgänik.
D. 2id yanula, 2024
Pepübons vödabuk pro Litaliyänapükans fa ‚Seppenhofer’ (sevabo dabükot telid e dabükot folid), statuds Volapükakluba nolavik in ‚Wien’ (Deutänapüko, 1887).
D. 1id yanula, 2024
Pepübon buk veratodas (fa ‚Schleyer’: datikan Volapüka), bukül balid.
D. 31id dekula, 2023
Pepübons pämod glatik Deutänapükik fa ‚Lederer’ dö Volapük, stud krütik votükamas fasilüköl anik Volapüka (fa ‚Kerckhoffs’, Fransänapüko), tuvedots bligädas se tidabuk fa ‚Kirchhoff’ pro Deutänapükans, sotül tatabukemöpa Bayänik tefü gramat lölöfik Linglänapükik Volapüka fa ‚Post’.
D. 30id dekula, 2023
Pepübons taib gretik lovelogamik gramata Vpa (fa ‚Ruedin’), spikäd Danänapükik dö Volapük.
D. 29id dekula, 2023
Pepübons nunod dö jäfots oka Volapükakluba valemik Bayäna pro vobayel: 1886/87, küpedots tefü Volapük (setrats se tidodem lölöfik fa ‚Kerckhoffs’ pedabüköls in Litaliyän), sotül tatabukemöpa Bayänik pämoda ömik dö benoplöps Volapüka pedabüköla in ‚Wien’ ün 1889.
D. 28id dekula, 2023
Pepübons doküms vönädik Deutänapükik, efe vödem fa dokan pükava: ‚E. Müller’ < ko pläns seimik tefü Volapük e tikamagot valemik volapüka, pämod fa ‚Schreyer’ dö mätedians Volapüka (samäd di ‚München’, samäd di ‚Wien’), spikäd fa ‚Fischbach’ (dabükot balid ed ut telid).
I penotükon geidamedöm fa ‚Huebsch’ pro Linglänapükans.
D. 26id dekula, 2023
Pepübon buk tiädü „Jenäd volapüka” (spikäds Spanyänapükik fa ‚N. de Ugarte’).
D. 24id dekula, 2023
Pepübon konlet näibledas Volapüki tefölas gaseda: „Spodan di ‚Hamburg’ ”. Näibleds labons e vödemis Deutänapükik, e Volapükikis.
D. 22id dekula, 2023
Pepübons sotül nulik pämoda dö Volapükakongred telid (Deutänapüko), lafababuk Volapüka (1889), poedots Volapükik se buk mebü ‚Scheffel’ (1890).
D. 21id dekula, 2023
Pepübons buk fa ‚Bauer’ pro Kroasänapükans, spikäds tel fa ‚Nosek’ dö Volapük (yela: 1887 ed uta: 1888) ma tradutods Litaliyänapükik.
D. 20id dekula, 2023
Pepübons penäd fa ‚Hugo Schuchardt’ tiädü ‚Auf Anlass des Volapüks ’, dedietapenäd Volapükik ele Schleyer fa ‚Kausch’
D. 18id dekula, 2023
Pepübons tradutods plägasetas se tidabuk fa ‚Schnepper’ (pübayel: 1888), dabükot telid tidabuka fa otan (1887).
D. 17id dekula, 2023
Pepübons dabükot balid tidabuka fa ‚Schnepper’ (1886), dabükot kilid tidabuka ot ko tuvedots.
D. 16id dekula, 2023
Pepübons dil Volapükik fomülabuka tedavik, dabükot telid konotülas e kanitas cogik de ‚Kniele’, namapenäd Volapükik fa ‚Winkler’, tidodem Volapüka fa ‚Heine’ labü vödabuk e vödems.
D. 11id dekula, 2023
Pepübon lovelogam Fransänapükik valemapüka tedavik fa ‚Henri Starck’.
D. 10id dekula, 2023
Pepübon buk ko kanits Volapükik fa el ‚Löw’ pekonletöls ün 1891.
D. 9id dekula, 2023
Pepübons buk fa ‚Colling’ labü kanits Volapükik (1887), yeged Litaliyänapükik fa ‚Ferretti’ dö Volapük (1887), bepenot Linglänapükik lölöfik Volapüka fa ‚Hain’ (1888).
D. 8id dekula, 2023
Pepübons buk ad dalärnön Volapüki ünü düps mäl (fa ‚Amoretti’), yelabuk Vpakluba valemik Nedänik: „Baläl jafon nämädi” (nem rigik: „Balif mekom valüdi”), vödabuk smalikün Volapüka fa ‚Schleyer’ sa gramatil e blufasets (1888), pämod fa ‚O. Bloch’.
D. 7id dekula, 2023
Pepübon buk legudik fa ‚Amoretti’ ko tiäd: „Volapük. Gramat e vödastok ad geb fa Litaliyänapükans” (rigiko: ‚Volapük. Grammatica e lessicologia ad uso degli italiani’).
D. 6id dekula, 2023
Pepübon buk: „Da vol”: spikotabuk Volapüka pro tävans (pübayel: 1889).
D. 5id dekula, 2023
Pepübons sotül tatabukemöpa Bayänik tefü gramatabuk fa ‚Canuto Thorman’ pro Portugänapükans, el „Bienalak” (1891) ma sotül tatabukemöpa Bayänik, pämod tiädü „Vp. as med tida ad tikön e penön tikaviko” fa „tidel sembal” (bo ‚Cornelis van Aken’), buk pro Danänapükans ad reidön me volapük di ‚Schleyer’.
D. 4id dekula, 2023
Pepübons tidabuk fa ‚Weisell’ pro Suomiyänapükans (1889), gramatil Portugänapükik fa ‚Canuto Thorman’ (1890).
D. 3id dekula, 2023
Pepübon bukil noatedas ko tiäd: „Lifö Volapük!” (namapenäd).
D. 2id dekula, 2023
Pepübon buk tiädü „Lilads maegik” (= „Reided pemagodöl”), kel ninädon vödemis leigätik me Volapük e Litaliyänapük.
D. 1id dekula, 2023
Pepübons buküls lätik vödabuka zänodagretik fa ‚Schleyer’ it (de vöd Deutänapükik: ‚Reife’ jü ut: ‚Steuermannsmat’).
D. 26id novula, 2023
Pepübons setrats se penäds di ‚Tacitus’ dö topam, kösömots e pöps Germäna.
D. 25id novula, 2023
Pepübon dugian da ‚München’ e züamöp ona (1887).
D. 30id tobula, 2023
Pepübons sotül tatabukemöpa Bayänik yelabuka pediplomölanas e yelod telid penäda ot. Redakan onas äbinom söl: ‚Kerckhoffs’. Buks at blöfons, das mekavapükav pejafon fa Volapükans.
D. 22id tobula, 2023
Pepübons yelod balid (1888) e yelod telid (1889) kaleda fa ‚Spielmann’ ma sotüls se tatabukemöp Bayänik.
D. 21id tobula, 2023
Penotükons pöträts Volapükanas (konlet as buk di ‚djvu’ u fomü magods balatik in ragiv: ‚zip’), vödabuk Volapükik-Litaliyänapükik fa ‚Actis’ ko gramat brefik fa ‚Cattilio’.
D. 13id tobula, 2023
Pepübon tidodem fa ‚Colling’ sa lautotem, vödabuk e tuvedots (1887).
D. 6id tobula, 2023
Pepübon vödabuk fa el Carlo Mattei pro Litaliyänapükans (1890).
D. 1id tobula, 2023
Pepübons sets veütikün ä brefiküns saludabuka slamanas (kuraana), petradutöls fa datuvan Volapüka ün 1890, buk ko bligäds sa gramat e vödabuk ma püks lul ad lärnön Volapüki (fa ‚Berhnhaupt’ ün 1886 pelautöl).
D. 24id setula, 2023
Pepübon buk labü rimaspikeds Volapüko fa ‚Schleyer’ pepoedöls (tumat balid, 1885).
D. 23id setula, 2023
Pepübon vödabuk pro Yapänapükans (balidnaedo pepübon ün 1888).
Id epubon doküm ko konots valik di ‚Peterburg’ fa ‚Gogol'’ (sotül balid ut buka, kel no pedabükon).
D. 21id setula, 2023
Pepübon vödabuk zänodagretik Volapüka (dabükot degid, 1888) fa datuval.
D. 20id setula, 2023
Pepübon gramat brefik leigodik Volapüka (dabükot folid, 1887) fa ‚Schleyer’.
D. 20id setula, 2023
Pepübons penäds difik fa hiels Bernhaupt e Schleyer, statuds Volapükakluba di ‚München’: zänaklub Bayäna (1888, Deutänapüko), sotül votik vödabukila fa söl: ‚Bakalář’ < pro tsyegans (1887).
D. 17id setula, 2023
Pepübon mär fa ‚Carmen Sylva’ (ü jiel Elisabeth: jireg Rumäna) tiädü „Lied” ma Volapük (rigik e pevotüköl), püks Deutänik, Fransänik, Litaliyänik e Rusänik (as nüned di ‚docx’ e nüned di ‚PDF’).
D. 16id setula, 2023
Pepübon tradutod Litaliyänapükik fomülabuka tedik (1888).
D. 6id setula, 2023
Pepübon kompilalebuk fa ‚T. Guerra’ pro Litaliyänapükans.
D. 3id setula, 2023
Pepübons poedot petradutöl tiädü „Rab” (fa ‚E. A. Poe’), böfadramat Litaliyänik: „Hiel Roland vutöl” (sotül balid e sotül telid).
D. 2id setula, 2023
Pepübon nunod dö kobikam balid lekluba Nolüda-Meropik pro propagid Volapüka (1890).
D. 1id setula, 2023
Pepübon sotül votik konleta materas pro Deutänapükans fa els ‚Obhlidal’ e ‚Pöschl’.
D. 28id gustula, 2023
Pepübon spikäd notidik Deutänapükik dö Volapük fa pädan: ‚Adolf Braun’ (1888).
D. 27id gustula, 2023
Pepübons preparamatid plagik ad lärnön Volapüki fa ‚Hoffmann’ pro Deutänapükans (as dabükot balid, dabükot telid), nüns cifik dö Volapük fa hiel Kerckhoffs (pübayel: 1886).
D. 26id gustula, 2023
Pepübons nüms valik gaseda tiädü „Nunel valemik” (= „Nunian valemik”), sevabo blufanümi (1888) e yelodi balid ä lätiki (1889).
D. 25id gustula, 2023
Pepübons dil telid lesetülas fa hiel Schleyer, spikäd Deutänapükik tiädü „Binäl, disein e zeil Volapükamufa” (ü ‚Wesen, Zweck und Ziel der Weltspachebewegung’).
D. 24id gustula, 2023
Pepübon pämod Litaliyänapükik di ‚Marco Belli’ dö Volapük (1889).
D. 23id gustula, 2023
Epubon sotül kölagik pämoda fa hiel Bernhaupt (pübayel: 1884).
D. 22id gustula, 2023
Pepübons tidabuk fa hiel Amoretti ad lärnön Vpi ünü düps mäl (buk ele Weiss pelegivöl, buk zänaklube Volapükik Bayäna pelegivöl), el „Munadaeg smalik” (= „Munagrahan smalik”: fredadramatil fa ‚Gustav von Moser’ pelautöl ä fa ‚Woldemar Rosenberger’ petradutöl), tradutod Rusänapükik se Volapük mära fa ‚Carmen Sylva’ tiädü „Lied”, nunod dö jäfots Volapükakluba zänik pro Stirän (1893), dabükot telid spikedas tum fa ‚Schleyer’ (1888).
Pö atos pöl nüm: 500 < anna eneleton votükami topeda at. Bo el Google sa dünotems ona suno ovedons nejäfidiks in Rusän.
D. 20id gustula, 2023
Pepübons kompilalebuk penädas Volapükik fa dokan: ‚Fernandez Iparraguirre’ < ün 1888 pekonletölas, pämod fa hiel Kerckhoffs ko vödem spikäda yela 1885id dö Volapük.
D. 18id gustula, 2023
Pepübon lebuk tiädü „Lofüdänatäv” fa kronaleson: ‚Rudolf’ (tradutan Volapükik: dokan: ‚Lederer’).
D. 17id gustula, 2023
Pepübon gramatabuk smalik pro Nedänapükans (1885).
D. 16id gustula, 2023
Epubon tidabuk fa ‚Alfons R. von Rylski’ (1888).
D. 15id gustula, 2023
Pepübons penäds fa el ‚Elias Baron’ petradutöls, bepenot lestiyik Volapüka fa ‚Lepik’ (1888).
D. 14id gustula, 2023
Pepübons gramat brefik fa ‚Aaen’ (1886), buk fa ‚Koglgruber’ labü konotüls tum.
D. 12id gustula, 2023
Pepübons penäds sököl: „Plot ela Catilina” (ü ma vödabuk ettimik: „Koyulot ela Catilina”), gramat brefik pro Larabänapükans (‚Alexandria’, 1885), kanit balid ela ‚Divina Commedia’ (= „Fredadramat godöfik”), bukalised tefü dajonäd pejenüköl fa Volapükaklub di ‚Leipzig’ (1889), „Pöpakonots di ‚Salzburg’ ” (pads balid e lätik; ma vödabuk calöfik ettimik tiäd ätonon so: „Lusags de Salzburg”), ‚La fontana della fedeltà. Leggenda gallica’ (tradutod Litaliyänapükik se Volapük ela „Fiedafonäd” ü „Fiedafonad”).
D. 10id gustula, 2023
Pepübon kaled Volapükanas pro yel: 1888 (fa ‚Gross’), kel ninädon nüni veitöfik dö Volapükakongred telid.
D. 9id gustula, 2023
Pepübon tidodem lölöfik fa ‚Pflaumer’ (1887).
D. 6id gustula, 2023
Pepübons disin vödedas kiemavik (1891) fa ‚Giuseppe Siboni’, sotül nulik fredadramata tiädü „In valä[da]sälun klada balid ” (= „In stebedalecem klada balid”).
D. 4id gustula, 2023
Pepübons gramatabuk Volapüka fa el Zubiría e tradutod se Volapük Litaliyänapükio mära fa jiel ‚Carmen Sylva’.
D. 3id gustula, 2023
Penotükons gramatabuk Volapüka pro Litaliyänapükans fa ‚Bertolini’ (1888), pamflät ela Kniele tefü el Leopold Einstein e sperant.
D. 1id gustula, 2023
Pepübons buk ko fabs fa ‚Lokman’: Sapan < in püks deg (1889), sotül nulik gramatabuka fa ‚Iparraguirre’.
D. 30id yulula, 2023
Pepübons buk diseinü bluf reidova vödema Volapükik pro mens netas difik (1889), tradutod Rumänapükik penäda dö Volapük de sog pükavik di ‚London’ (1888), penäd Deutänapükik fa el Lenze dö veüt Volapüka tefü kosäd netas (1886), tidabuk fa ‚Devidé’ pro Deutänapükans (1888).
D. 29id yulula, 2023
Pepübons vödabuk vönädik fa ‚Iparraguirre’ pro Spanyänapükans, nüms anik yeloda telid gaseda tiädü „Volapükan nolik e nepaletik” (= „Volapükan nolavik e nepaletöfik”), sotül nulik tidabuka fa el ‚Julius Lott’ (1888).
D. 28id yulula, 2023
Pepübons tidabuk ela Einstein (1887), nüms mäl primik yeloda balid (sis mayul ela 1888) ela ‚The Volapük Journal’ (redakan: ‚Heinr. M. Hain’).
D. 27id yulula, 2023
Pepübons pads balid e lätik tradutoda tefü ‚Bucolicon’ ela Vergilius (1890), lised bukas zänöpa Volapükik Spanyänik (1888), kel ye älabon Volapükabukis te bali (u telis-li?), naböfod Litaliyänapükik gramata Volapükik (1888), pämod dö binäl e veüt volapüka di ‚Schleyer’, „Volapükan büsidik” (spodotem büsidik ma Deutänapük e Volapük), 1891.
D. 26id yulula, 2023
Pepübons plekabuk Volapükik (1889), „Gramat Volapüka” fa ‚Stilwell’ (1888), nunod dö dajonäd Vpaliteratura fa Vpaklub di ‚Leipzig’ pejenüköl (1888), el „‚Abbazia’. Magab de Adria” (= „Top lejönik pärlatasümik ela Adria” fa el August Pokorn(1889), nunod Volapükakluba kadämik di ‚München’ pro yel: 1888, nunod Volapükakluba kadämik di ‚München’ pro yel: 1889.
D. 24id yulula, 2023
Pepübons yelod balid gaseda tiädü „Volapükan nolik e nepaletik” (= „Volapükan nolavik e nepaletöfik”), tidodem fa ‚Fieweger’ ad oktid tefü volapük di ‚Schleyer’.
D. 23id yulula, 2023
Pepübons sotüls nulik gramatibepenota brefik lestiyik (1885) e pämoda tiädü „Vomagledom” (1888).
D. 22id yulula, 2023
Pepübon kompilalebuk konedas e konotülas se läns valik (1888). Kobiopladan: ‚Wilh. Hansen’.
D. 21id yulula, 2023
Pepübons buks tiädü „Tävaventürs in Kurdän ed in Lapän. Kons tel fa Dl. May Karl” (= „Tävaventürs in Kurdistän e Lapän. Koneds tel fa ‚Karl May’”), „Cogs nepöligik e smalik” (= „Cogs legik e smaliks” fa dokan: ‚Mayerhofer’).
D. 20id yulula, 2023
Pepübons dabükot telid gramata brefik Volapüka pro Rusänapükans (1886), yeged fa söl: ‚Haupenthal’ dö ‚Lederer’ e Volapükagased omik, nüms: 15 jüesa 18 yeloda folid ela „Zü (zi) vol lölik”, ninäd yeloda ot.
D. 19id yulula, 2023
Pepübons padüls: 17 jü 128 yeloda kilid se gased tiädü „Zi vol lölik”. I penotükon registar materas yeloda kilid.
D. 18id yulula, 2023
Pepübons maters yela: 1892 < se gased tiädü „Nogan vpik plo Beljän e Nedän”. I pepübon lised materas se gased tiädü „Nogan vpik plo Beljän e Nedän” as nüned di ‚doc’ ed ut di ‚PDF’.
D. 17id yulula, 2023
Pepübons maters yela: 1891 < se gased tiädü „Nogan volapükik plo Beljän e Nedän”.
D. 16id yulula, 2023
Pepübons maters pübayelas 1887 jüesa 1890 jäfidota Volapükik pro Belgän e Nedän (üd ela „Nogan volapükik plo Beljän e Nedän”).
D. 11id yulula, 2023
Pepübons tidabuk Vpa fa ‚Schnepper’ (1887), nunod länafeda Vpaklubas Bayänik dö jäfots oka de 1887 mäzul 30 jü 1889 febul 1, gramat lölöfik Rumänapükik Volapüka fa ‚Blanc’ (1889), buk ad lärnön Volapüki (fa ‚Licherdopol’, 1887, pro Rumänapükans), pämod Rumänapükik tiädü „Volapük. Penäd pro ministeran teda, feila e domenas” (1888).
D. 8id yulula, 2023
Pepübons menods zesüdik ela „Glamat nomik” bai sluds kadäma ün 1893, sirkülapenäds kadämik fa ‚Rosenberger’ (de 1893 jü 1895).
D. 7id yulula, 2023
Pepübons maters boso pevotüköls gaseda tiädü „Zi (zü) vol lölik”.
D. 6id yulula, 2023
Pepübons nüms valik gaseda tiädü „Cogabled sa fefabled” (pübayels: 1886-1890). I pepübons doküms dö „lecif plo Deut” (konletan: ‚K. Gross’, 1888), pämod fa ‚Löw’ tefü konflit in Volapükamuf Deutänik (1888).
D. 12id yunula, 2023
Pepübons tidabuk ela Kirchhoff (1887), tidods tel Volapüka (fa ‚Nawrocki’, 1889) pro Polänapükans.
D. 29id mayula, 2023
Pepübon sotül nulik gramata fa el Trusz pro Polänapükans.
D. 28id mayula, 2023
Pepübon yeged fa ‚Daniil Morozov’ dö geb datifa in Volapük („Volapükanes dö datif”). Kanoy doniokopiedön nünedi di ‚docx’ ed uti di ‚PDF’.
D. 18id mayula, 2023
Penotükon buk fa el Gogol' as nüned di ‚epub’, nüned di ‚fb2’.
D. 17id mayula, 2023
Penotükon buk tiädü „Konots di ‚Peterburg’. Penäds fa ‚Nikolaj Gogol'’” (as ‚PDF’).
D. 9id prilula, 2023
Pepübons vödabuk Nedänapükik fa el De Bruin as doküm blägevietik, yeged Linglänapükik tiädü „Völad nolavik Volapüka” (pepenöl ma bligäd de klub Lamerikänik filosopanas e penotüköl ün 1888), gramat brefik Volapüka pro Nedänapükans (1885).
D. 8id prilula, 2023
Pepübons tidabuk fa el Säterstrand pro Svedänapükans, sotül nulik tidabuka fa el John Runström.
D. 2id prilula, 2023
Pepübon sotül nog votik tidabuka Linglänapükik ä tradutoda tidabuka fa el Kirchhoff.
D. 1id prilula, 2023
Pepübon gramatabuk fa ‚Servaas De Bruin’ pro Nedänapükans fomü doküm blägevietik.
D. 31id mäzula, 2023
Pepübon sotül blägevietik lebuka fa hiel Kniele ko tedaspod (dabükot yela 1885id).
D. 29id mäzula, 2023
Pepübons lekoned ela Zetter (1869, tiäd Deutänapükik binon „Familienrache, oder: Das Erdbeben von Calabrien im Jahre 1783”, sevabo „Bludavindit, ü taladrem in Kalabrän ün yel: 1783”), tidabuk ela Kirchhoff (dabükot folid, 1888).
D. 28id mäzula, 2023
Pepübon geidamedöm fa el Braakman (1888) pro Nedänapükans.
D. 25id mäzula, 2023
Pepübons mobs fa ‚T. C. Winkler’ tefü menod vödedema nolavik in Volapük (1890).
D. 1id febula, 2023
Pepübons statuds soga bevünetik Volapüka (2007, ma koräkots yelas: 2012, 2023, nüned di ‚docx’).
D. 14id yanula, 2023
Pepübon toum folid vödabuka zänodagretik, ‚M-R’ (1903) fa ‚Johann Martin Schleyer’.
D. 6id yanula, 2023
Penotükon doküm labü bespiks pö ‚Facebook’ ün yels: 2015 jü 2018 (kanoy doniokopiedön nünedi di ‚docx’ e nünedi di ‚PDF’).
D. 3id yanula, 2023
Pepübons bespiks ko el ‚Lumgaso Brila’ ün 2022 säkädas difik Volapükava (nüned di ‚PDF’, ragiv labü nüned di ‚docx’).