Radio Coviña

Ao igual que en cursos anteriores fixéronse programas de radio de todo tipo, o alumnado de 5º e 6º foi en moitas ocasión totalmente autónomo para gravar e editar os seus propios programas. Continuouse o canal de podcast do CEIP As Covas Meaño onde se foron subindo algúns dos programas realizados. Pódense escoitar algúns destes programas (non sempre chegamos a subir todos por falta de tempo), entrevistas… no enlace : “Ivoox CEIP As Covas”. A radio forma parte do día a día de moitas titorías e contextos educativos.

Tamén se continuou coa iniciativa de programas de animación á lectura , programas que se emitían en Radio Tui cada xoves, repartindo a emisión dos programas con outros colexios: “CEIP Pazos de Reis”, “CEIP Vicente Risco” de Vigo, “CEIP de Chancelas” de Poio e “CEIP nº 2 de Tui”. Pódense escoitar na web do colexio organizador: o “CEIP Pazos de Reis”. Alumnado de 2º, 5º e 6º de Primaria encargouse de elaborar guións, gravar e editar un programa de radio mensual que tiña por obxecto recomendar un libro a outros nenos/as. Previamente se traballaba a lectura e autor do libro (normalmente do club de lectura).