Hora de ler. Múltiples xeitos de vivir a lectura.

A Hora de Ler mantívose, un curso máis, como un momento clave na rutina diaria da escola. En todos os niveis educativos, este tempo destinouse a diversas propostas arredor da lectura, fomentando tanto o hábito lector como a comprensión e o gusto polos textos.

Durante este curso leváronse a cabo lecturas individuais e compartidas, comprensión lectora de textos propios e alleos, lecturas na nova plataforma ELBE, clubs de lectura en distintos cursos, lecturas dramatizadas, sesións de filosofía a partir de contos, lecturas en pantalla, escritura creativa e moito máis. A variedade de propostas permitiu adaptar a actividade aos intereses e necesidades de cada grupo.

Nalgúns momentos tamén houbo espazo para encontros e apadriñamentos lectores, aínda que este curso estas experiencias foron máis puntuais.

Un tempo diario que segue a consolidarse como unha ferramenta esencial para facer da nosa escola unha comunidade lectora activa e diversa.