Lectura e familias: crecer xuntos arredor dos libros

Ao longo deste curso escolar, continuamos formando parte do programa de bibliotecas escolares Lectura e Familias, unha liña de traballo que encaixa á perfección coa filosofía do noso centro.

Na nosa escola somos comunidade, e este sentimento reflíctese día a día na participación activa e entusiasta das familias en múltiples actividades. A súa presenza constante, colaboradora e coidadosa, enriquece o proxecto educativo e dálle sentido ao labor compartido entre escola e fogar.

Sentímonos especialmente orgullosas e orgullosos de como as lecturas, os contos, os obradoiros e os encontros arredor dos libros se converten en momentos de encontro interxeracional, de afectos e aprendizaxes compartidas. Este curso, destacamos as actividades desenvolvidas en comunidade que están no principio desta páxina con enlaces.