Hoxe toca... Día na biblio!!!

Este curso mantemos unha das dinámicas máis esperadas e queridas polo alumnado: o Día na biblioteca.

En Primaria, cada grupo conta cunha mañá completa para desfrutar e traballar na biblioteca escolar. En Educación Infantil, temos reservada unha hora semanal para o seu uso. Ademais, a biblioteca continúa aberta e dispoñible sempre que estea libre, como un espazo de referencia para todos os contextos educativos que se desenvolven na escola.

Durante o Día da Biblio, lévanse a cabo propostas moi variadas, que permiten combinar o traballo por proxectos co pracer da lectura e a creatividade. As dinámicas máis habituais son:

• Clubs de lectura.
  
  

• Escrita creativa.
  
  

• Uso das zonas maker: xogos de mesa, construcións, manualidades, retos matemáticos...
  
  

• Investigacións e pequenas búsquedas de información.
  
  

• Radio Coviña.
  
  

• Itinerarios lectores.
  
  

• Apadriñamentos lectores.
  
  

• Uso do croma e recursos audiovisuais.
  
  

• Lectura por pracer e exploración libre da colección da biblioteca.
  
  

• Pantalla multitáctil como ferramenta de aprendizaxe e xogo.
  
  

• Intercambio de libros para casa e para as bibliotecas de aula.
  
  

O Día da Biblio é xa un referente de organización, motivación e aprendizaxe no noso centro. Un espazo no que, a través da lectura e dos recursos da biblioteca, seguimos construíndo comunidade e coñecemento.