Genesis 20
THIS WORK WAS COMPLETED BASED OFF A COPY OF SCRIPTURES published by Park Hill By Edwin Archer in 1856
Park Hill: Mission Press: Edwin Archer, Printer, 1856. PUBLIC DOMAIN
ᎼᏏ ᎢᎬᏱᏱ ᎤᏬᏪᎳᏅᎯ
mosi igvyiyi uwowelanvhi
First Book of Moses
ᏗᏓᎴᏂᏍᎬᎢ ᎤᏁᎳᏅᎯ ᏚᏬᏢᏁ ᎦᎸᎶᎢ ᎠᎴ ᎡᎶᎯ
didalenisgvi Unelanvhi duwotlvne galvloi ale elohi
Genesis 20 King James Version (KJV)
ᎠᏯᏙᎸᎢ 20
ayadolvi 20
20:1 And Abraham journeyed from thence toward the south country, and dwelled between Kadesh and Shur, and sojourned in Gerar.
20:1 ᎡᏆᎭᎻᏃ ᎾᎿ ᎤᏂᎩᏎ ᏧᎦᎾᏮ ᎢᏗᏢ ᏭᎶᏎᎢ, ᎨᏕᏏᏃ ᏒᎵ ᎾᎿ ᎠᏰᎵ ᏭᏕᏁᎢ, ᎠᎴ ᎨᎳ ᏪᎮᎢ.
20:1 equahamino nahna unigise tsuganawv iditlv wulosei, gedesino svli nahna ayeli wudenei, ale gela wehei
20:2 And Abraham said of Sarah his wife, She is my sister: and Abimelech king of Gerar sent, and took Sarah.
20:2 ᎡᏆᎭᎻᏃ ᎯᎠ ᏄᏪᏎ ᏎᎵ ᎤᏓᎵᎢ ᎤᏁᎢᏍᏗᏍᎬᎢ, ᎥᎩᏙᏉ; ᎠᏈᎻᎴᎩᏃ ᎨᎳ ᎤᎬᏫᏳᎯ ᎤᏓᏅᏎ ᎠᎴ ᏎᎵ ᏭᏯᏅᎮᎢ.
20:2 equahamino hia nuwese seli udalii uneisdisgvi, vgidoquo; aquimilegino gela ugvwiyuhi udanvse ale seli wuyanvhei
20:3 But God came to Abimelech in a dream by night, and said to him, Behold, thou art but a dead man, for the woman which thou hast taken; for she is a man's wife.
20:3 ᎠᏎᏃ ᎤᏁᎳᏅᎯ ᎤᎷᏤᎴ ᎠᏈᎻᎴᎩ ᏒᏃᏱ ᎠᏍᎩᏓᏍᎬᎢ, ᎠᎴ ᎯᎠ ᏄᏪᏎᎴᎢ, ᎬᏂᏳᏉ ᏣᏲᎱᏒᎯᏉ ᏂᎯ, ᏂᎦᎵᏍᏙᏗᎭ ᎾᏍᎩ ᎠᎨᏴ ᏥᏫᏯᏅᎲ; ᎩᎶᏰᏃ ᎠᏍᎦᏯ ᎤᏓᎵᎢ ᎾᏍᎩ.
20:3 aseno unelanvhi ulutsele aquimilegi svnoyi asgidasgvi, ale hia nuweselei, gvniyuquo tsayohusvhiquo nihi, nigalisdodiha nasgi ageyv tsiwiyanvhv; giloyeno asgaya udalii nasgi
20:4 But Abimelech had not come near her: and he said, Lord, wilt thou slay also a righteous nation?
20:4 ᎠᏎᏃ ᎠᏈᎻᎴᎩ ᎥᏝ ᎾᎥ ᎤᎷᏤᎸᎯ ᏱᎨᏎᎢ; ᎠᎴ ᎯᎠ ᏄᏪᏎᎢ, ᏣᎬᏫᏳᎯ ᎠᏆᏤᎵᎦ, ᏥᎪ ᎾᏍᏉ ᏄᏂᏍᎦᏅᏨᎾ ᏴᏫ ᏙᏘᎵ?
20:4 aseno aquimilegi vtla nav ulutselvhi yigesei; ale hia nuwesei, tsagvwiyuhi aquatseliga, tsigo nasquo nunisganvtsvna yvwi dotili
20:5 Said he not unto me, She is my sister? and she, even she herself said, He is my brother: in the integrity of my heart and innocency of my hands have I done this.
20:5 ᏝᏍᎪ ᎾᏍᎩ ᎥᎩᏙᏉ ᏯᏉᏎᎴᎢ, ᎠᎴ ᎠᎨᏴ ᎤᏩᏒ ᎥᎩᏙᏉ ᎤᏛᏅᎩ; ᏚᏳᎪᏛ ᎨᏒ ᎠᏆᏓᏅᏛᎢ, ᎠᎴ ᏂᏓᏍᎦᏅᎾ ᎨᏒ ᏗᏉᏰᏂ ᎾᏍᎩ ᎯᎠ ᎾᏆᏛᏁᎸ.
20:5 tlasgo nasgi vgidoquo yaquoselei, ale ageyv uwasv vgidoquo udvnvgi; duyugodv gesv aquadanvdvi, ale nidasganvna gesv diquoyeni nasgi hia naquadvnelv
20:6 And God said unto him in a dream, Yea, I know that thou didst this in the integrity of thy heart; for I also withheld thee from sinning against me: therefore suffered I thee not to touch her.
20:6 ᎤᏁᎳᏅᎯᏃ ᎯᎠ ᏄᏪᏎᎴ ᎠᏍᎩᏓᏍᎬᎢ, ᎠᏴ ᏥᎦᏔᎭ ᏚᏳᎪᏛ ᎨᏒ ᏣᏓᏅᏛ ᎾᏍᎩ ᎯᎠ ᏂᏩᏛᏁᎸᎢ; ᎠᏴᏰᏃ ᎬᏲᏍᏙᏓᏁᎸᎩ ᏍᎩᏍᎦᏅᏤᏗᏱ; ᎾᏍᎩ ᎢᏳᏍᏗ ᎥᏝ ᎤᏁᎳᎩ ᏱᎬᏰᎵᏎᎴ ᎯᏯᏒᏂᏍᏗᏱ.
20:6 unelanvhino hia nuwesele asgidasgvi, ayv tsigataha duyugodv gesv tsadanvdv nasgi hia niwadvnelvi; ayvyeno gvyosdodanelvgi sgisganvtsediyi; nasgi iyusdi vtla unelagi yigvyelisele hiyasvnisdiyi.
20:7 Now therefore restore the man his wife; for he is a prophet, and he shall pray for thee, and thou shalt live: and if thou restore her not, know thou that thou shalt surely die, thou, and all that are thine.
20:7 ᎿᏉᏃ ᏥᎯᏯᎧᏏ Ꮎ ᎠᏍᎦᏯ ᎤᏓᎵᎢ; ᎠᏙᎴᎰᏍᎩ ᎾᏏ, ᎠᎴ ᏓᏣᏓᏙᎵᏍᏓᏁᎵ, ᎾᏍᎩᏃ ᎲᏁᏍᏗᏉ; ᎢᏳᏃ ᏂᏯᎧᏁᎸᎾ ᎢᎨᏎᏍᏗ, ᎯᎦᏔᎮᏍᏗ ᎤᏙᎯᏳᎯᏯ ᏣᏲᎱᎯᏍᏗ ᎨᏒᎢ, ᏂᎯ ᎠᎴ ᏂᎦᏛ ᏕᏣᏓᏘᎾᎥᎢ.
20:7 hnaquono tsihiyakasi na asgaya udalii; adolehosgi nasi, ale datsadadolisdaneli, nasgino hvnesdiquo; iyuno niyakanelvna igesesdi, higatahesdi udohiyuhiya tsayohuhisdi gesvi, nihi ale nigadv detsadatinavi
20:8 Therefore Abimelech rose early in the morning, and called all his servants, and told all these things in their ears: and the men were sore afraid.
20:8 ᎾᏍᎩ ᎢᏳᏍᏗ ᎠᏈᎻᎴᎩ ᏑᎾᎴᏉ ᎤᏗᏛᎮᎢ, ᎠᎴ ᏂᎦᏛ ᏧᏅᏏᏓᏍᏗ ᏫᏚᏯᏅᎮᎢ, ᎠᎴ ᎾᏍᎩ ᎯᎠ ᏂᎦᏛ ᏚᏃᎮᎮᎴᎢ; ᎾᏍᎩᏃ ᎠᏂᏍᎦᏯ ᎤᏣᏘ ᎠᏂᏍᎦᎢᎮᎢ.
20:8 nasgi iyusdi aquimilegi sunalequo udidvhei, ale nigadv tsunvsidasdi widuyanvhei, ale nasgi hia nigadv dunohehelei; nasgino anisgaya utsati anisgaihei.
20:9 Then Abimelech called Abraham, and said unto him, What hast thou done unto us? and what have I offended thee, that thou hast brought on me and on my kingdom a great sin? thou hast done deeds unto me that ought not to be done.
20:9 ᎿᏉᏃ ᎠᏈᎻᎴᎩ ᎡᏆᎭᎻ ᏭᏯᏅᎮᎢ, ᎠᎴ ᎯᎠ ᏄᏪᏎᎴᎢ, ᎦᏙᏉ ᏍᎩᏴᏁᎸ? ᎠᎴ ᎦᏙ ᎠᏆᏛᏁᎸ ᎬᏍᎦᏅᏤᎸ, ᎾᏍᎩ ᎤᏣᏔᏅᎯ ᎡᏉᎯᏳ ᎣᎩᏍᎦᏅᎢᏍᏗᏱ ᏥᏂᏨᏁᎸ, ᎠᏴ, ᎠᎴ ᏗᏆᏤᎵ ᏴᏫ? ᎾᏍᎩ ᎢᏗᏓᏛᏁᏗ ᏂᎨᏒᎾ ᏂᏍᏋᎦ.
20:9 hnaquono aquimilegi equahami wuyanvhei, ale hia nuweselei, gadoquo sgiyvnelv ale gado aquadvnelv gvsganvtselv, nasgi utsatanvhi equohiyu ogisganvisdiyi tsinitsvnelv, ayv, ale diquatseli yvwi. nasgi ididadvnedi nigesvna nisquvga
20:10 And Abimelech said unto Abraham, What sawest thou, that thou hast done this thing?
20:10 ᎠᏈᎻᎴᎩᏃ ᎯᎠ ᏄᏪᏎᎴ ᎡᏆᎭᎻ, ᎦᏙ ᏣᎪᎮ ᎾᏍᎩ ᎯᎠ ᏥᎿᏛᎦ?
20:10 aquimilegino hia nuwesele equahami, gado tsagohe nasgi hia tsihnadvga?
20:11 And Abraham said, Because I thought, Surely the fear of God is not in this place; and they will slay me for my wife's sake.
20:11 ᎡᏆᎭᎻᏃ ᎯᎠ ᏄᏪᏎᎢ, ᎯᎠᏍᎩᏂ ᏅᏓᏳᎵᏍᏙᏔᏅᎩ, ᎥᏝ ᎤᏁᎳᏅᎯ ᎦᎾᏰᎯᏍᏗ ᎨᏒ ᎠᏂ Ꭰ, ᎠᏇᎵᏒᎩ; ᎠᎴ ᏓᎬᎩᎵ ᎠᏆᏓᎵᎢᏉ ᏛᎩᏍᏛᏗ, ᎠᏇᎵᏒᎩ.
20:11 equahamino hia nuwesei, hiasgini nvdayulisdotanvgi, vtla unelanvhi ganayehisdi gesv ani a, aquelisvgi; ale dagvgili aquadaliiquo dvgisdvdi, aquelisvgi
20:12 And yet indeed she is my sister; she is the daughter of my father, but not the daughter of my mother; and she became my wife.
20:12 ᎤᏙᎯᏳᎯ ᎠᏗᎾ ᎥᎩᏙᏉ; ᎡᏙᏓᏰᏃ ᎤᏪᏥ, ᎠᏎᏃ ᎥᏝ ᎡᏥ ᎤᏪᏥ ᏱᎩ; ᎠᏆᏓᎵᎢᏃ ᏄᎵᏍᏔᏅᎩ.
20:12 udohiyuhi adina vgidoquo; edodayeno uwetsi, aseno vtla etsi uwetsi yigi; aquadaliino nulistanvgi.
20:13 And it came to pass, when God caused me to wander from my father's house, that I said unto her, This is thy kindness which thou shalt shew unto me; at every place whither we shall come, say of me, He is my brother.
20:13 ᎯᎠᏃ ᏄᎵᏍᏔᏅᎩ, ᎾᏍᎩ ᎤᏁᎳᏅᎯ ᎠᏋᏕᎢᏍᏗᏱ ᎾᏋᏁᎸ ᎡᏙᏓ ᎦᏁᎸ ᎠᏇᏓᏍᏗᏱ, ᎯᎠ ᏅᏥᏪᏎᎸᎩ ᎠᏆᏓᎵᎢ, ᎯᎠ ᎾᏍᎩ ᏄᏍᏕᏍᏗ ᎣᏍᏛ ᏅᏓᏍᏆᏛᏁᎵ; ᎢᎸᎯᏢ ᎢᏂᎷᎨᏍᏗ, ᎥᎩᏙᏉ ᎭᏗᏍᎨᏍᏗ ᏍᎩᏃᎮᏍᎨᏍᏗ.
20:13 hiano nulistanvgi, nasgi unelanvhi aquvdeisdiyi naquvnelv edoda ganelv aquedasdiyi, hia nvtsiweselvgi aquadalii, hia nasgi nusdesdi osdv nvdasquadvneli; ilvhitlv inilugesdi, vgidoquo hadisgesdi sginohesgesdi
20:14 And Abimelech took sheep, and oxen, and menservants, and womenservants, and gave them unto Abraham, and restored him Sarah his wife.
20:14 ᎠᏈᎻᎴᎩᏃ ᏫᏚᏯᏅᎮ ᎠᏫ ᎤᏂᏃᏕᎾ, ᎠᎴ ᏩᎦ, ᎠᎴ ᎠᏂᏍᎦᏯ ᏧᏅᏏᏓᏍᏗ, ᎠᎴ ᏂᎨᏴ ᏧᏅᏏᏓᏍᏗ, ᎠᎴ ᎡᏆᎭᎻ ᏚᏪᎧᏁᎴᎢ, ᎠᎴ ᏔᎵᏁ ᎢᎤᏪᎧᏁᎴ ᎤᏓᎵᎢ ᏎᎵ.
20:14 aquimilegino widuyanvhe awi uninodena, ale waga, ale anisgaya tsunvsidasdi, ale nigeyv tsunvsidasdi, ale equahami duwekanelei, ale taline iuwekanele udalii seli.
20:15 And Abimelech said, Behold, my land is before thee: dwell where it pleaseth thee.
20:15 ᎠᏈᎻᎴᎩᏃ ᎯᎠ ᏄᏪᏎᎢ, ᎬᏂᏳᏉ ᎠᏆᏤᎵᎪᎯ ᎦᏙᎯ ᎢᎬᏱᏗᏢ ᏕᎯᎧᏅ ᎠᎭ; ᎢᎸᎯᏢ ᎣᏏᏳ ᎯᏰᎸᏅᎭ ᎾᎿᏉ ᏩᏕᏅᎭ.
20:15 aquimilegino hia nuwesei, gvniyuquo aquatseligohi gadohi igvyiditlv dehikanv aha; ilvhitlv osiyu hiyelvnvha nahnaquo wadenvha
20:16 And unto Sarah he said, Behold, I have given thy brother a thousand pieces of silver: behold, he is to thee a covering of the eyes, unto all that are with thee, and with all other: thus she was reproved.
20:16 ᏎᎵᏃ ᎯᎠ ᏄᏪᏎᎴᎢ, ᎬᏂᏳᏉ ᎡᎶᏙ ᏌᏉ ᎢᏯᎦᏴᎵ ᎠᏕᎸ ᎤᏂᏁᎬ ᏕᏥᎥᏏ; ᎬᏂᏳᏉ ᎾᏍᎩ ᏗᏣᎦᏚᏢᏙᏗ ᎨᏎᏍᏗ ᏕᎨᏣᎧᏂᏍᎬ ᏂᎦᏛ ᎢᏤᎲᎢ, ᎠᎴ ᏂᎦᏛ ᏅᏩᎾᏓᎴᎢ; ᎾᏍᎩ ᎯᎠ ᎾᏥᏪᏎᎴ ᎠᏥᎬᏍᎪᎸᏁᎢ.
20:16 selino hia nuweselei, gvniyuquo elodo saquo iyagayvli adelv uninegv detsivsi; gvniyuquo nasgi ditsagadutlvdodi gesesdi degetsakanisgv nigadv itsehvi, ale nigadv nvwanadalei; nasgi hia natsiwesele atsigvsgolvnei.
20:17 So Abraham prayed unto God: and God healed Abimelech, and his wife, and his maidservants; and they bare children.
20:17 ᎡᏆᎭᎻᏃ ᎤᏁᎳᏅᎯ ᎤᏓᏙᎵᏍᏓᏁᎴᎢ; ᎤᏁᎳᏅᎯᏃ ᎤᏅᏩᏁ ᎠᏈᎻᎴᎩ, ᎠᎴ ᎾᏍᏉ ᎤᏓᎵᎢ, ᎠᎴ ᎠᏂᎨᏴ ᏧᏅᏏᏓᏍᏗ; ᎠᎴ ᏚᎾᎷᎸᏁᎢ.
20:17 equahamino unelanvhi udadolisdanelei; unelanvhino unvwane aquimilegi, ale nasquo udalii, ale anigeyv tsunvsidasdi; ale dunalulvnei
20:18 For the Lord had fast closed up all the wombs of the house of Abimelech, because of Sarah Abraham's wife.
20:18 ᏱᎰᏩᏰᏃ ᏗᎬᏩᎾᎷᎸᏗ ᏂᎨᏒᎾ ᏂᏚᏩᏁᎴ ᏂᎦᏛ ᎠᏈᎻᎴᎩ ᏚᏓᏘᎿᎥᎢ, ᏅᏗᎦᎵᏍᏙᏗᏍᎨ ᏎᎵ ᎡᏆᎭᎻ ᎤᏓᎵᎢ.
20:18 yihowayeno digvwanalulvdi nigesvna niduwanele nigadv aquimilegi dudatihnavi, nvdigalisdodisge seli equahami udalii.
King James Version (KJV)
Public Domain
~Old Testament Project > Genesis Resources > Genesis 1 plus Index & PDF > Genesis 2 > Genesis 3 > Genesis 4 > Genesis 5 > Genesis 6 > Genesis 7 > Genesis 8 > Genesis 9 > Genesis 10 > Genesis 11 > Genesis 12 > Genesis 13 > Genesis 14 > Genesis 15 > Genesis 16 > Genesis 17 > Genesis 18 > Genesis 19 > Genesis 20 > Genesis 21 > Genesis 22 > Genesis 23 > Genesis 24 > Genesis 25 > Genesis 26 > Genesis 27 > Genesis 28 > Genesis 29 > Genesis 30 > Genesis 31 > Genesis 32 > Genesis 33 > Genesis 34 > Genesis 35 > Genesis 36 > Genesis 37 > Genesis 38 > Genesis 39 > Genesis 40 > Genesis 41 > Genesis 42 > Genesis 43 > Genesis 44 > Genesis 45 > Genesis 46 > Genesis 47 > Genesis 48 > Genesis 49 > Genesis 50 last chapter