2 Corinthians 11

2nd Corinthians 11th Chapter

ᎪᎵᏂᏗᏱ ᎠᏁᎯ ᏔᎵᏁ ᎦᎪᏪᎳᏁᎸᎯ 11

go-li-hi-di-yi a-ne-hi ta-li-ne ga-go-we-la-ne-lv-hi 11

golihidiyi anehi taline gagowelanelvhi 11

2 Corinthians 11:1-33 KJV (Public Domain)

ᎪᎵᏂᏗᏱ ᎠᏁᎯ ᏔᎵᏁ 11:1-33

go-li-hi-di-yi a-ne-hi ta-li-ne 11:1-33

golihidiyi anehi taline 11:1-33

2 Corinthians 11:1

Would to God ye could bear with me a little in my folly: and indeed bear with me.

ᎪᎵᏂᏗᏱ ᎠᏁᎯ ᏔᎵᏁ 11:1

ᏲᎯᏉ ᎤᏍᏗᎩᏛ ᎤᏁᎳᎩ ᎨᏍᎩᏰᎵᏎᏗ ᏱᎩ ᎠᎩᏁᎫ ᎨᏒᎢ; ᎠᎴ ᎤᏙᎯᏳᎯ ᎤᏁᎳᎩ ᏍᎩᏰᎵᏏ.

go-li-hi-di-yi a-ne-hi ta-li-ne 11:1

Yo-hi-quo u-s-di-gi-dv u-ne-la-gi ge-s-gi-ye-li-se-di yi-gi a-gi-ne-gu ge-sv-i; a-le u-do-hi-yu-hi u-ne-la-gi s-gi-ye-li-si.

golihidiyi anehi taline 11:1

yohiquo usdigidv unelagi gesgiyelisedi yigi aginegu gesvi; ale udohiyuhi unelagi sgiyelisi.

2 Corinthians 11:2

For I am jealous over you with godly jealousy: for I have espoused you to one husband, that I may present you as a chaste virgin to Christ.

ᎪᎵᏂᏗᏱ ᎠᏁᎯ ᏔᎵᏁ 11:2

ᏕᏨᏰᎷᎦᏰᏃ ᎤᏁᎳᏅᎯ ᏗᎬᏩᏓ ᏂᎸᎢᏍᏗ ᎠᏛᏳᎨᏗ ᎨᏒ ᎬᏗᎭ; ᏌᏉᏰᏃ ᎠᏍᎦᏯ ᏗᏣᏨᏍᏗᏱ ᏂᏨᏴᏁᎸ, ᎾᏍᎩ ᎤᎵᏏᎾᎯᏍᏗ ᎠᏛ ᎠᏥᏴᏛ ᏂᎨᏒᎾ, ᎥᏝ ᎠᎴ ᎩᎶ ᎠᏍᎦᏯ ᎤᎦᏙᎥᏒᎯ ᏱᎨᏎᎢ ᎢᎦᎦᏛ ᎦᎶᏁᏛ ᏫᏗᏨᏲᎯᏎᏗᏱ.

go-li-hi-di-yi a-ne-hi ta-li-ne 11:2

De-tsv-ye-lu-ga-ye-no U-ne-la-nv-hi di-gv-wa-da ni-lv-i-s-di a-dv-yu-ge-di ge-sv gv-di-ha; sa-quo-ye-no a-s-ga-ya di-tsa-tsv-s-di-yi ni-tsv-yv-ne-lv, na-s-gi u-li-si-na-hi-s-di a-dv i-ga-ga-dv Ga-lo-ne-dv wi-di-tsv-yo-hi-se-di-yi.

golihidiyi anehi taline 11:2

detsvyelugayeno unelanvhi digvwada nilvisdi advyugedi gesv gvdiha; saquoyeno asgaya ditsatsvsdiyi nitsvyvnelv, nasgi ulisinahisdi adv igagadv galonedv widitsvyohisediyi.

[NOTE: ᎠᏥᏴᏛ ᏂᎨᏒᎾ, ᎥᏝ ᎠᎴ ᎩᎶ ᎠᏍᎦᏯ ᎤᎦᏙᎥᏒᎯ ᏱᎨᏎᎢ a virgin neither had any man known her: ]

2 Corinthians 11:3

But I fear, lest by any means, as the serpent beguiled Eve through his subtilty, so your minds should be corrupted from the simplicity that is in Christ.

ᎪᎵᏂᏗᏱ ᎠᏁᎯ ᏔᎵᏁ 11:3

ᎠᏎᏃ ᏥᎾᏰᏍᎦ, ᎾᏍᎩᏯ Ꮎ ᎢᎾᏛ ᏧᎶᏄᎮᎴ ᎢᏫ ᎠᏏᎾᏌᏅ ᏥᎬᏗᏍᎨᎢ, ᎾᏍᎩᏯ ᏕᏣᏓᏅᏛ ᏱᏓᎪᎸᎾ ᏗᏥᏲᎯᏍᏗᏱ ᏱᏂᎬᎦ ᏄᏠᎾᏍᏛᎾ ᎨᏒ ᎦᎶᏁᏛ ᎤᏤᎵᎦ.

go-li-hi-di-yi a-ne-hi ta-li-ne 11:3

A-se-no tsi-na-ye-s-ga, na-s-gi-ya na i-na-dv tsu-lo-nu-he-le I-wi a-si-na-sa-nv tsi-gv-di-s-ge-i, na-s-gi-ya de-tsa-da-nv-dv yi-da-go-lv-na di-tsi-yo-hi-s-di-yi yi-ni-gv-ga nu-tlo-na-s-dv-na ge-sv Ga-lo-ne-dv u-tse-li-ga.

golihidiyi anehi taline 11:3

aseno tsinayesga, nasgiya na inadv tsulonuhele iwi asinasanv tsigvdisgei, nasgiya detsadanvdv yidagolvna ditsyohisdiyi yinigvga nutlonasdvna gesv galonedv utseliga.

2 Corinthians 11:4

For if he that cometh preacheth another Jesus, whom we have not preached, or if ye receive another spirit, which ye have not received, or another gospel, which ye have not accepted, ye might well bear with him.

ᎪᎵᏂᏗᏱ ᎠᏁᎯ ᏔᎵᏁ 11:4

ᎩᎶᏰᏃ ᎢᏥᎷᏤᎯ ᏅᏩᏓᎴ ᏥᏌ ᎠᎵᏥᏙᎲᏍᎨᏍᏗ, ᎾᏍᎩ Ꮎ ᎠᏴ ᎣᏣᎵᏥᏙᏅᎯ ᏂᎨᏒᎾ, ᎢᏳ ᎠᎴ ᏅᏩᏓᎴ ᎠᏓᏅᏙ ᏙᏣᏓᏂᎸᏨᎭ, ᎾᏍᎩ Ꮎ ᏗᏣᏓᏂᎸᏨᎯ ᏂᎨᏒᎾ, ᎠᎴ ᏅᏩᏓᎴ ᎣᏍᏛ ᎧᏃᎮᏛ, ᎾᏍᎩ Ꮎ ᏗᏣᏓᏂᎸᏨᎯ ᏂᎨᏒᎾ, ᎣᏏᏳᏉ ᎤᏁᎳᎩ ᏱᏤᎵᏒ.

go-li-hi-di-yi a-ne-hi ta-li-ne 11:4

Gi-lo-ye-no i-tsi-lu-tse-hi nv-wa-da-le Tsi-sa a-li-tsi-do-hv-s-ge-s-di, na-s-gi na a-yv o-tsa-li-tsi-do-nv-hi ni-ge-sv-na, i-yu a-le nv-wa-da-le a-da-nv-do do-tsa-da-ni-lv-tsv-ha, na-s-gi na di-tsa-da-ni-lv-tsv-hi ni-ge-sv-na, a-le nv-wa-da-le o-s-dv ka-no-he-dv, na-s-gi na di-tsa-da-ni-lv-tsv-hi ni-ge-sv-na, o-si-yu-quo u-ne-la-gi yi-tse-li-sv.

golihidiyi anehi taline 11:4

giloyeno itsilutsehi nvwadale tsisa alitsidohvsgesdi, nasgi na ayv otsalitsidonvhi nigesvna, iyu ale nvwadale adanvdo dotsadanilvtsvha, nasgi na ditsadanilvtsvhi nigesvna, ale nvwadale osdv kanohedv, nasgi na ditsadanilvtsvhi nigesvna, osiyuquo unelagi yitselisv.

2 Corinthians 11:5

For I suppose I was not a whit behind the very chiefest apostles.

ᎪᎵᏂᏗᏱ ᎠᏁᎯ ᏔᎵᏁ 11:5

ᎦᏓᏅᏖᏍᎬᏰᏃ ᎥᏝ ᎤᏍᏗ ᎤᏅ ᎡᏍᎦ ᏱᎦᏥᏲᎠᏍᎦ ᏄᏂᎬᏫᏳᏒ ᎨᏥᏅᏏᏛ ᎨᏒᎢ.

go-li-hi-di-yi a-ne-hi ta-li-ne 11:5

Ga-da-nv-te-s-gv-ye-no v-tla u-s-di u-nv e-s-ga yi-ga-tsi-yo-a-s-ga nu-ni-gv-wi-yu-sv ge-tsi-nv-si-dv ge-sv-i.

golihidiyi anehi taline 11:5

gadanvtesgvyeno vtla usdi unv esga yigatsiyoasga nunigvwiyusv getsinvsdidv gesvi.

2 Corinthians 11:6

But though I be rude in speech, yet not in knowledge; but we have been throughly made manifest among you in all things.

ᎪᎵᏂᏗᏱ ᎠᏁᎯ ᏔᎵᏁ 11:6

ᎤᏁᎳᎩ ᏅᏇᏲᏅᎾ ᏱᎩ ᎠᎩᏬᏂᎯᏍᏗᏱ, ᎠᏎᏃ ᎥᏝ ᎾᏍᎩ ᏱᏄᏍᏗ ᏥᎦᏔᎾᎥᎢ; ᏂᎦᎥᏉᏍᎩᏂ ᏃᎦᏍᏛ ᎬᏂᎨᏒ ᏃᎦᎵᏍᏔᏅ ᎾᏂᎥ ᎠᏂᎦᏔᎲ ᏂᎯ ᎢᏤᎲᎢ.

go-li-hi-di-yi a-ne-hi ta-li-ne 11:6

U-ne-la-gi nv-que-yo-nv-na yi-gi a-gi-wo-ni-hi-s-di-yi, a-se-no v-tla na-s-gi yi-nu-s-di tsi-ga-ta-na-v-i; ni-ga-v-quo-s-gi-ni no-ga-s-dv gv-ni-ge-sv no-ga-li-s-ta-nv na-ni-v a-ni-ga-ta-hv ni-hi i-tse-hv-i.

golihidiyi anehi taline 11:6

unelagi nvqueyonvna yigi agiwonihisdiyi, aseno vtla nasgi yinusdi tsigatanavti; nigavquosgini nogasdv gvnigesv nogalistanv naniv anigatahv nihi itsehvi.

2 Corinthians 11:7

Have I committed an offence in abasing myself that ye might be exalted, because I have preached to you the gospel of God freely?

ᎪᎵᏂᏗᏱ ᎠᏁᎯ ᏔᎵᏁ 11:7

ᏥᎪ ᏥᏍᎦᏅᎩ ᎡᎳᏗ ᏥᎾᏆᏓᏛᏁᎸ, ᏂᎯ ᎡᏥᏌᎳᏙᏗᏱ, ᎾᏍᎩ ᏂᏗᏨᎬᏩᎶᏓᏁᎸᎾ ᏥᎩ ᎣᏍᏛ ᎧᏃᎮᏛ ᎤᏁᎳᏅᎯ ᎤᏤᎵᎦ ᎢᏨᏯᎵᏥᏙᏁᎸᎢ?

go-li-hi-di-yi a-ne-hi ta-li-ne 11:7

Tsi-go tsi-s-ga-nv-gi e-la-di tsi-na-qua-da-dv-ne-lv, ni-hi e-tsi-sa-la-do-di-yi, na-s-gi ni-di-tsv-gv-wa-lo-da-ne-lv-na tsi-gi o-s-dv ka-no-he-dv U-ne-la-nv-hi u-tse-li-ga i-tsv-ya-li-tsi-do-ne-lv-i?

golihidiyi anehi taline 11:7

tsigo tsisganvgi eladi tsinaquadadvnelv, nihi etsisaladodiyi, nasgi niditsvgvwalodanelvna tsigi osdv kanohedv unelanvhi utseliga itsvyalitsidonelvi?

2 Corinthians 11:8

I robbed other churches, taking wages of them, to do you service.

ᎪᎵᏂᏗᏱ ᎠᏁᎯ ᏔᎵᏁ 11:8

ᏕᎦᏥᎾᏌᏅ ᏅᏩᎾᏓᎴ ᏧᎾᏁᎶᏗ ᏚᎾᏓᏡᏩᏗᏒᎢ, ᏥᎩᏍᎬᎩ ᎬᏆᎫᏴᎡᎲᎢ, ᏂᎯ ᎪᎱᏍᏗ ᎢᏨᏯᏛᏁᏗᏱ.

go-li-hi-di-yi a-ne-hi ta-li-ne 11:8

De-ga-tsi-na-sa-nv nv-wa-na-da-le tsu-na-ne-lo-di du-na-da-tlu-wa-di-sv-i, tsi-gi-s-gv-gi gv-qua-gu-yv-e-hv-i, ni-hi go-hu-s-di i-tsv-ya-dv-ne-di-yi.

golihidiyi anehi taline 11:8

degatsinasanv nvwanadale tsunanelodi dunadatluwadisvi, tsigisgvgi gvquaguyvehvi, nihi gohusdi itsvyadvnediyi.

2 Corinthians 11:9

And when I was present with you, and wanted, I was chargeable to no man: for that which was lacking to me the brethren which came from Macedonia supplied: and in all things I have kept myself from being burdensome unto you, and so will I keep myself.

ᎪᎵᏂᏗᏱ ᎠᏁᎯ ᏔᎵᏁ 11:9

ᎠᎴ ᎾᎯᏳ ᏥᏨᏰᎳᏗᏙᎲᎩ ᎠᎴ ᎠᏆᏚᎸᎲᎥᎦ, ᎥᏝ ᎩᎶ ᏯᏆᎫᏱᏍᎨᎢ; ᎾᏍᎩᏰᏃ ᎠᎩᏂᎬᏎᎲᎢ, ᎣᏣᎵᏅᏟ ᎹᏏᏙᏂ ᏅᏓᏳᏂᎶᏒᎯ ᎬᎩᏁᎲᎩ; ᎠᎴ ᏂᎦᎥᏉ ᎠᏆᏟᏂᎬᏁᎸ ᎢᏨᏐᏈᎸᏗᏱ ᏂᎨᏒᎾ, ᎠᎴ ᎠᏏᏉ ᎾᏍᎩ ᏂᎦᏛᏁᎮᏍᏗ.

go-li-hi-di-yi a-ne-hi ta-li-ne 11:9

a-le na-hi-yu tsi-tsv-ye-la-di-do-hv-gi a-le a-qua-du-lv-hv-v-ga, v-tla gi-lo ya-qua-gu-yi-s-ge-i; na-s-gi-ye-no a-gi-ni-gv-se-hv-i, o-tsa-li-nv-tli Ma-si-do-ni nv-da-yu-ni-lo-sv-hi gv-gi-ne-hv-gi; a-le ni-ga-v-quo a-qua-tli-ni-gv-ne-lv i-tsv-so-qui-lv-di-yi ni-ge-sv-na, a-le a-si-quo na-s-gi ni-ga-dv-ne-he-s-di.

golihidiyi anehi taline 11:9

ale nahiyu tsitsvyeladidohvgi ale aquadulvhvvga, vtla gilo yaquaguyisgi; nasgiyeno aginigvsehvi, otsalinvtli masidoni nvdayunilosvhi gvginehvgi; ale nigavquo aquatlinigvnelv itsvsoquilvdiyi nigesvna, ale asiquo nasgi nigadvnehesdi.

2 Corinthians 11:10

As the truth of Christ is in me, no man shall stop me of this boasting in the regions of Achaia.

ᎪᎵᏂᏗᏱ ᎠᏁᎯ ᏔᎵᏁ 11:10

ᎾᏍᎩᏯ ᎦᎶᏁᏛ ᎤᏤᎵ ᎦᏰᎪᎩ ᏂᎨᏒᎾ ᎨᏒ ᏣᎩᏯᎠ, ᎥᏝ ᎥᎩᏲᎯᏍᏓᏁᏗ ᏱᎨᏎᏍᏗ ᎯᎠ ᎾᏍᎩ ᎦᏢᏈᏍᎬ ᎡᎧᏯ ᏂᎬᎾᏛᎢ.

go-li-hi-di-yi a-ne-hi ta-li-ne 11:10

Na-s-gi-ya Ga-lo-ne-dv u-tse-li ga-ye-go-gi ni-ge-sv-na ge-sv tsa-gi-ya-a, v-tla v-gi-yo-hi-s-da-ne-di yi-ge-se-s-di hi-a na-s-gi ga-tlv-qui-s-gv E-ka-ya ni-gv-na-dv-i.

golihidiyi anehi taline 11:10

nasgiya galonedv utseli gayegogi nigesvna gesv tsagiyaa, vtla vgiyohisdanedi yigesesdi hia nasgi gatlvquisgv ekaya nigvnadvi.

2 Corinthians 11:11

Wherefore? because I love you not? God knoweth.

ᎪᎵᏂᏗᏱ ᎠᏁᎯ ᏔᎵᏁ 11:11

ᎦᏙᏃ? ᏥᎪ ᏂᏨᎨᏳᏒᎾ ᎨᏒ ᎢᏳᏍᏗ? ᎤᏁᎳᏅᎯ ᎠᎦᏔᎭ.

go-li-hi-di-yi a-ne-hi ta-li-ne 11:11

Ga-do-no? tsi-go ni-tsv-ge-yu-sv-na ge-sv i-yu-s-di? U-ne-la-nv-hi a-ga-ta-ha.

golihidiyi anehi taline 11:11

gadono? tsigo nitsvgeyusvna gesv iyusdi? unelanvhi agataha.

2 Corinthians 11:12

But what I do, that I will do, that I may cut off occasion from them which desire occasion; that wherein they glory, they may be found even as we.

ᎪᎵᏂᏗᏱ ᎠᏁᎯ ᏔᎵᏁ 11:12

ᎠᏎᏃ ᏂᎦᏛᏁᎲ ᎾᏍᎩ ᏂᎦᎦᏛᏁᎮᏍᏗ, ᎾᏍᎩ ᎦᏥᏲᏍᏙᏓᏁᏗᏱ ᎤᎾᏜᏓᏅᏓᏕᏗᏱ ᎾᏍᎩ Ꮎ ᏧᎾᏚᎵᎭ ᎤᎾᏜᏓᏅᏓᏕᏗᏱ; ᎾᏍᎩ ᎾᎿᎠᎾᏢᏈᏍᎬ ᎾᏍᎩ ᎠᏴ ᏃᎦᏍᏛ ᎾᏍᎩᏯ ᏄᎾᏍᏛ ᎬᏂᎨᏒ ᏱᏂᎦᎵᏍᏓ.

go-li-hi-di-yi a-ne-hi ta-li-ne 11:12

A-se-no ni-ga-dv-ne-hv na-s-gi ni-ga-ga-dv-ne-he-s-di, na-s-gi ga-tsi-yo-s-do-da-ne-di-yi u-na-dla-nv-da-de-di-yi na-s-gi na tsu-na-du-li-ha u-na-dla-nv-da-de-di-yi; na-s-gi na-hna a-na-tlv-qui-s-gv na-s-gi a-yv no-ga-s-dv na-s-gi-ya nu-na-s-dv gv-ni-ge-sv yi-ni-ga-li-s-da.

golihidiyi anehi taline 11:12

aseno nigadvnehv nasgi nigagadvnehesdi, nasgi gatsiyosdodanediyi unadlanvdadediyi nasgi na tsunaduliha unadlanvdadediyi; nasgi nahna anatlvquisgv nasgi ayv nogasdv nasgiya nunasdv gvnigesv yinigalisda.

2 Corinthians 11:13

For such are false apostles, deceitful workers, transforming themselves into the apostles of Christ.

ᎪᎵᏂᏗᏱ ᎠᏁᎯ ᏔᎵᏁ 11:13

ᎯᎠᏰᏃ ᎾᏍᎩ Ꮎ ᎤᎾᏠᎾᏍᎩ ᎨᏥᏅᏏᏛ, ᎤᎾᏓᎵᏓᏍᏗ ᏧᏂᎸᏫᏍᏓᏁᎯ, ᎦᎶᏁᏛ ᏧᏤᎵ ᎨᏥᏅᏏᏛ ᎠᎾᏤᎸᏍᎩ.

go-li-hi-di-yi a-ne-hi ta-li-ne 11:13

Hi-a-ye-no na-s-gi na u-na-tlo-na-s-gi ge-tsi-nv-si-dv, u-na-da-li-da-s-di tsu-ni-lv-wi-s-da-ne-hi, Ga-lo-ne-dv tsu-tse-li ge-tsi-nv-si-dv a-na-tse-lv-s-gi.

golihidiyi anehi taline 11:13

hiayeno nasgi na unatlonasgi getsinvsidv, unadalidasdi tsunilvwisdanehi, galonedv tsutseli getsinvsidv anatselvsgi.

2 Corinthians 11:14

And no marvel; for Satan himself is transformed into an angel of light.

ᎪᎵᏂᏗᏱ ᎠᏁᎯ ᏔᎵᏁ 11:14

ᎥᏝ ᎠᎴ ᏳᏍᏆᏂᎪᏗ; ᏎᏓᏂᏰᏃ ᎤᏩᏒ ᏗᎧᎿᏩᏗᏙᎯ ᎢᎦ-ᎦᏛ ᎡᎯ ᎠᏤᎸᏍᎪᎢ.

go-li-hi-di-yi a-ne-hi ta-li-ne 11:14

V-tla a-le yu-s-qua-ni-go-di; Se-da-ni-ye-no u-wa-sv di-ka-hna-wa-di-do-hi i-ga--ga-dv e-hi a-tse-lv-s-go-i.

golihidiyi anehi taline 11:14

vtla ale yusquanigodi; sedaniyeno uwasv dikahnawadodohi iga-gadv ehi atselvsgoi.

2 Corinthians 11:15

Therefore it is no great thing if his ministers also be transformed as the ministers of righteousness; whose end shall be according to their works.

ᎪᎵᏂᏗᏱ ᎠᏁᎯ ᏔᎵᏁ 11:15

ᎾᏍᎩ ᎢᏳᏍᏗ ᎥᏝ ᎤᏣᏘ ᎤᏍᏆᏂᎪᏗᏳ ᏱᎩ ᎾᏍᏉ ᎾᏍᎩ ᏧᏅᏏᏓᏍᏗ ᏚᏳᎪᏛ ᎨᏒ ᎨᏥᏅᏏᏓᏍᏗ ᏯᎾᏤᎸᏍᎦ; ᎾᏍᎩ ᎤᎵᏍᏆᎸᏗ ᎢᏳᎾᎵᏍᏓᏁᏗ ᎨᏒ ᎾᏍᎩᏯ ᏚᏂᎸᏫᏍᏓᏁᎸ ᎨᏎᏍᏗ.

go-li-hi-di-yi a-ne-hi ta-li-ne 11:15

Na-s-gi i-yu-s-di v-tla u-tsa-ti u-s-qua-ni-go-di-yu yi-gi na-s-quo na-s-gi tsu-nv-si-da-s-di du-yu-go-dv ge-sv ge-tsi-nv-si-da-s-di ya-na-tse-lv-s-ga; na-s-gi u-li-s-qua-lv-di i-yu-na-li-s-da-ne-di ge-sv na-s-gi-ya du-ni-lv-wi-s-da-ne-lv ge-se-s-di.

golihidiyi anehi taline 11:15

nasgi iyusdi vtla utsati usquanigodiyu yigi nasquo nasgi tsunvsidasdi duyugodv gesv getsinvsidasdi yanatselvsga; nasgi ulisqualvdi iyunalisdanedi gesv nasgiy dunilvwisdanelv gesesdi.

2 Corinthians 11:16

I say again, Let no man think me a fool; if otherwise, yet as a fool receive me, that I may boast myself a little.

ᎪᎵᏂᏗᏱ ᎠᏁᎯ ᏔᎵᏁ 11:16

ᏔᎵᏁ ᎯᎠ ᏂᏥᏪᎭ, ᏞᏍᏗ ᎩᎶ ᎤᏁᎫ ᏯᏇᎵᏎᎮᏍᏗ; ᎢᏳ ᎠᏗᎾ ᎾᏍᎩ ᏄᏍᏕᏍᏗ, ᎠᏎ ᎠᎩᏁᎫ ᎾᏍᎩᏯ ᏗᏍᎩᏯᏓᏂᎸᎩ, ᎾᏍᎩ ᎠᏴ ᎤᏍᏗ ᎠᏆᏢᏈᏍᏗᏱ.

go-li-hi-di-yi a-ne-hi ta-li-ne 11:16

Ta-li-ne hi-a ni-tsi-we-ha, Tle-s-di gi-lo u-ne-gu ya-que-li-se-he-s-di; i-yu a-di-na na-s-gi nu-s-de-s-di, a-se a-gi-ne-gu na-s-gi-ya di-s-gi-ya-da-ni-lv-gi, na-s-gi a-yv u-s-di a-qua-tlv-qui-s-di-yi.

golihidiyi anehi taline 11:16

taline hia nitsiweha, tlesdi gilo unegu yaquelisehesdi; iyu Adina nasgi nusdesdi, ase aginegu nasgiya disgiyadanilvgi, nasgi ayv usdi aquatlvquisdiyi.

+++++++

2 Corinthians 11:17

That which I speak, I speak it not after the Lord, but as it were foolishly, in this confidence of boasting.

ᎪᎵᏂᏗᏱ ᎠᏁᎯ ᏔᎵᏁ 11:17

ᎾᏍᎩ ᎯᎠ ᏂᏥᏪᏍᎬ ᏥᏁᎬ ᎥᏝ ᎤᎬᏫᏳᎯ ᎢᏳᏪᏍᏗ ᏱᏥᏁᎦ, ᎠᎩᏁᎫᏍᎩᏂ ᎾᏍᎩᏯ ᏥᏁᎦ, ᎯᎠ ᎾᏍᎩ ᏂᏥᎾᏰᏍᎬᎾ ᎨᏒ ᏥᎬᏗᎭ ᏥᎦᏢᏆᏍᎦ.

go-li-hi-di-yi a-ne-hi ta-li-ne 11:17

Na-s-gi hi-a ni-tsi-we-s-gv tsi-ne-gv v-tla U-gv-wi-yu-hi i-yu-we-s-di yi-tsi-ne-ga, a-gi-ne-gu-s-gi-ni na-s-gi-ya tsi-ne-ga, hi-a na-s-gi ni-tsi-na-ye-s-gv-na ge-sv tsi-gv-di-ha tsi-ga-tlv-qua-s-ga.

golihidiyi anehi taline 11:17

nasgi hia nitsiwesgv tsinegv vtla ugvwiyuhi iyuwesdi yitsinega, aginegusgini nasgiya tsinega, hia nasgi nitsinayesgvna gesv tsigvdiha tsigatlvquasga.

2 Corinthians 11:18

Seeing that many glory after the flesh, I will glory also.

ᎪᎵᏂᏗᏱ ᎠᏁᎯ ᏔᎵᏁ 11:18

ᎾᏍᎩᏃ ᏧᏂᏣᏔ ᏣᎾᏢᏈᏍᎦ ᎤᏇᏓᎵ ᎬᏙᏗ ᎨᏒᎢ, ᎠᏴ ᎾᏍᏉ ᏓᎦᏢᏆᏏ.

go-li-hi-di-yi a-ne-hi ta-li-ne 11:18

Na-s-gi-no tsu-ni-tsa-ta tsa-na-tlv-qui-s-ga u-que-da-li gv-do-di ge-sv-i, a-yv na-s-quo da-ga-tlv-qua-si.

golihidiyi anehi taline 11:18

nasgino tsunitsata tsanatlvquisga uquedali gvdodi gesvi, ayv nasquo dagatlvquasi.

2 Corinthians 11:19

For ye suffer fools gladly, seeing ye yourselves are wise.

ᎪᎵᏂᏗᏱ ᎠᏁᎯ ᏔᎵᏁ 11:19

ᎤᏂᏁᎫᏰᏃ ᎤᎾᏁᎳᎩ ᏙᏤᎵᏎᎭ ᎣᏏᏳ ᎢᏥᏰᎸᎭ, ᏂᎯ ᎢᏥᎦᏔᎾᎢ ᎨᏒ ᎢᏳᏍᏗ.

go-li-hi-di-yi a-ne-hi ta-li-ne 11:19

U-ni-ne-gu-ye-no u-na-ne-la-gi do-tse-li-se-ha o-si-yu i-tsi-ye-lv-ha, ni-hi i-tsi-ga-ta-na-i ge-sv i-yu-s-di.

golihidiyi anehi taline 11:19

unineguyeno unanelagi dotseliseha osiyu itsiyelvha, nihi itsigatanai gesv iyusdi.

2 Corinthians 11:20

For ye suffer, if a man bring you into bondage, if a man devour you, if a man take of you, if a man exalt himself, if a man smite you on the face.

ᎪᎵᏂᏗᏱ ᎠᏁᎯ ᏔᎵᏁ 11:20

ᎤᏁᎳᎩᏰᏃ ᎢᏤᎵᏍᎪ ᎢᏳᏃ ᎩᎶ ᏱᏗᏥᎾᏢᏅ, ᎢᏳᏃ ᎩᎶ ᎠᏒᎭ ᏱᏂᏨᏁᎸ, ᎢᏳᏃ ᎩᎶ [ᎪᎱᏍᏗ ᎢᏥᎲ] ᏱᏥᎩᎡᎸ, ᎢᏳᏃ ᎩᎶ ᎤᏩᏒ ᏳᏓᎵᏌᎳᏓᏅ, ᎢᏳᏃ ᎩᎶ ᏕᏣᎧᏛ ᏱᏨᏂᎸ.

go-li-hi-di-yi a-ne-hi ta-li-ne 11:20

U-ne-la-gi-ye-no i-tse-li-s-go i-yu-no gi-lo yi-di-tsi-na-tlv-nv, i-yu-no gi-lo a-sv-ha yi-ni-tsv-ne-lv, i-yu-no gi-lo [go-hu-s-di i-tsi-hv] yi-tsi-gi-e-lv, i-yu-no gi-lo u-wa-sv yu-da-li-sa-la-da-nv, i-yu-no gi-lo de-tsa-ka-dv yi-tsv-ni-lv.

golihidiyi anehi taline 11:20

unelagiyeno itselisgo iyuno gilo yiditsinatlvnv, iyuno gilo asvha yinitsvnelv, iyuno gilo [gohusdi itsihv] yitsigielv, iyuno gilo uwasv yudalisaladanv, iyuno gilo detsakadv yitsvnilv.

2 Corinthians 11:21

I speak as concerning reproach, as though we had been weak. Howbeit whereinsoever any is bold, (I speak foolishly,) I am bold also.

ᎪᎵᏂᏗᏱ ᎠᏁᎯ ᏔᎵᏁ 11:21

ᎤᏕᎰᎯᏍᏗ ᎨᏒ ᎤᎬᏩᎵ ᏥᏁᎦ, ᎾᏍᎩ ᏦᏥᏩᎾᎦᎳ ᎪᎪᏎᎲᎢ. ᎾᎿᏍᎩᏂᏃᏅ ᎩᎶ ᎬᏩᎾᏰᎯᏍᏗ ᏂᎨᏒᎾ ᎨᏒ (ᎤᏁᎫ ᎤᏁᎢᏍᏗ ᏥᏁᎦ,) ᎠᏴ ᎾᏍᏉ ᏂᏥᎾᏰᏍᎬᎾ.

go-li-hi-di-yi a-ne-hi ta-li-ne 11:21

U-de-ho-hi-s-di ge-sv u-gv-wa-li tsi-ne-ga, na-s-gi tso-tsi-wa-na-ga-la go-go-se-hv-i. Na-hna-s-gi-ni-no-nv gi-lo gv-wa-na-ye-hi-s-di ni-ge-sv-na ge-sv (u-ne-gu u-ne-i-s-di tsi-ne-ga,) a-yv na-s-quo ni-tsi-na-ye-s-gv-na.

golihidiyi anehi taline 11:21

udehohisdi gesv ugvwali tsinega, nasgi tsotsiwanagala gogosehvi, nahna sgininonv gilo gvwanayehisdi nigesvna gesv (unegu uneisdi tsinega,) ayv nasquo nitsinayesgvna.

2 Corinthians 11:22

Are they Hebrews? so am I. Are they Israelites? so am I. Are they the seed of Abraham? so am I.

ᎪᎵᏂᏗᏱ ᎠᏁᎯ ᏔᎵᏁ 11:22

ᏥᎪ ᎢᎾᏈᎷ ᎾᏍᎩ? ᎠᏴ ᎾᏍᏉ. ᏥᎪ ᎠᏂᎢᏏᎵ? ᎠᏴ ᎾᏍᏉ. ᎡᏆᎭᎻᏍᎪ ᏧᏁᏢᏔᏅᏛ ᎾᏍᎩ? ᎠᏴ ᎾᏍᏉ.

go-li-hi-di-yi a-ne-hi ta-li-ne 11:22

Tsi-go I-na-qui-lu na-s-gi? a-yv na-s-quo. Tsi-go A-ni-i-si-li? a-yv na-s-quo. E-qua-ha-mi-s-go tsu-ne-tlv-ta-nv-dv na-s-gi? a-yv na-s-quo.

golihidiyi anehi taline 11:22

tsigo inanquilu nasgi? ayv nasquo. tsigo aniisili? ayv nasquo. equahamisgo tsunetlvtanvdv nasgi? ayv nasquo.

2 Corinthians 11:23

Are they ministers of Christ? (I speak as a fool) I am more; in labours more abundant, in stripes above measure, in prisons more frequent, in deaths oft.

ᎪᎵᏂᏗᏱ ᎠᏁᎯ ᏔᎵᏁ 11:23

ᏥᎪ ᎦᎶᏁᏛ ᏧᏅᏏᏓᏍᏗ ᎾᏍᎩ? (ᎤᏁᎫ ᎤᏁᎢᏍᏗ ᏥᏁᎦ,) ᎠᏴ ᎤᏟᎢ; ᏓᎩᎸᏫᏍᏓᏁᎲ ᎤᏟ ᎢᎦᎢ; ᎥᎩᎵᎥᏂᎸ ᎤᏟᎯᏳ ᎢᎦᎢ; ᏗᎦᏍᏚᏗᏱ ᎥᎩᏴᏔᏅᎢ ᎤᏟ ᎢᎦᎢ; ᎠᎩᏲᎱᏏᏕᎾ ᎨᏒ ᏯᏃᏉ;

go-li-hi-di-yi a-ne-hi ta-li-ne 11:23

Tsi-go Ga-lo-ne-dv tsu-nv-si-da-s-di na-s-gi? (u-ne-gu u-ne-i-s-di tsi-ne-ga,) a-yv u-tli-i; da-gi-lv-wi-s-da-ne-hv u-tli i-ga-i; v-gi-li-v-ni-lv u-tli-hi-yu i-ga-i; di-ga-s-du-di-yi v-gi-yv-ta-nv-i u-tli i-ga-i; a-gi-yo-hu-si-de-na ge-sv ya-no-quo;

golihidiyi anehi taline 11:23

tsigo galonedv tsunvsidasdi nasgi? (unegu uneisdi tsinega,) ayv utlii; dagilvwisdanehv utli igai; vgilivnilv utlihiyu igai; digasdudiyi vgiyvtanvi utli igai; agiyohusidena gesv yanoquo;

2 Corinthians 11:24

Of the Jews five times received I forty stripes save one.

ᎪᎵᏂᏗᏱ ᎠᏁᎯ ᏔᎵᏁ 11:24

ᎠᏂᏧᏏ ᎯᏍᎩ ᏂᎬᎩᎵᎥᏂᎸᎩ ᎢᏳᏍᏗᎭ ᏌᏉ ᎦᎷᎶᎩ ᏅᎦᏍᎪᎯ ᎢᎬᏋᏂᏍᏗᏱ;

go-li-hi-di-yi a-ne-hi ta-li-ne 11:24

A-ni-tsu-si hi-s-gi ni-gv-gi-li-v-ni-lv-gi i-yu-s-di-ha sa-quo ga-lu-lo-gi nv-ga-s-go-hi i-gv-quv-ni-s-di-yi;

golihidiyi anehi taline 11:24

anitsusi hisgi nigvgilivnilvgi iyusdiha saquo galulogi nvgasgohi igvquvnisdiyi;

2 Corinthians 11:25

Thrice was I beaten with rods, once was I stoned, thrice I suffered shipwreck, a night and a day I have been in the deep;

ᎪᎵᏂᏗᏱ ᎠᏁᎯ ᏔᎵᏁ 11:25

ᏦᎢ ᎢᏳᏩᎫᏗ ᎦᎾᏍᏓ ᏕᎬᎩᎵᎥᏂᏍᏔᏅᎩ; ᏌᏉ ᏅᏯ ᏂᏕᎬᏋᏂᏍᏔᏅᎩ; ᏦᎢ ᎢᏳᏩᎫᏗ ᏥᏳ ᎠᏆᏦᏛ ᎤᏲᏨᎩ; ᎤᎵᏨᏓᏆᏛ ᎠᎴ ᎤᏙᏓᏆᏛ ᎠᏍᏛᎬ ᎾᏆᏛᏅᎩ;

go-li-hi-di-yi a-ne-hi ta-li-ne 11:25

Tso-i i-yu-wa-gu-di ga-na-s-da de-gv-gi-li-v-ni-s-ta-nv-gi; sa-quo nv-ya ni-de-gv-quv-ni-s-ta-nv-gi; tso-i i-yu-wa-gu-di tsi-yu a-qua-tso-dv u-yo-tsv-gi; u-li-tsv-da-qua-dv a-le u-do-da-qua-dv a-s-dv-gv na-qua-dv-nv-gi;

golihidiyi anehi taline 11:25

tsoi iyuwagudi ganasda degvgilivnistanvgi; saquo nvya nidegvquvnistanvgi; tsoi iyuwagudi tsiyu aquatsodv uyotsvgi; ulitsvdaquadv ale udodaquadv asdvgv naquadvnvgi;

2 Corinthians 11:26

In journeyings often, in perils of waters, in perils of robbers, in perils by mine own countrymen, in perils by the heathen, in perils in the city, in perils in the wilderness, in perils in the sea, in perils among false brethren;

ᎪᎵᏂᏗᏱ ᎠᏁᎯ ᏔᎵᏁ 11:26

ᎨᏙᎲ ᏯᏃᏉ; ᎡᏉᏂ ᏕᎨᏴ ᎤᎾᏰᎯᏍᏗᏳ ᎨᏒᎢ; ᏗᎾᏓᎾᏌᎲᏍᎩ ᎤᏂᎾᏰᎯᏍᏗᏳ ᎨᏒᎢ; ᏗᏆᏤᎵ ᏴᏫ ᎤᏂᎾᏰᎯᏍᏗᏳ ᎨᏒᎢ; ᏧᎾᏓᎴᏅᏛ ᏴᏫ ᎤᏂᎾᏰᎯᏍᏗᏳ ᎨᏒᎢ; ᎦᏚᎲ ᎤᎾᏰᎯᏍᏗᏳ ᎨᏒᎢ; ᎢᎾᎨ ᎨᏒ ᎤᎾᏰᎯᏍᏗᏳ ᎨᏒᎢ; ᎠᎺᏉᎯ ᎤᎾᏰᎯᏍᏗᏳ ᎨᏒᎢ; ᎤᎾᏠᎾᏍᏗ ᎣᏣᎵᏅᏟ ᎤᏂᎾᏰᎯᏍᏗᏳ ᎨᏒᎢ;

go-li-hi-di-yi a-ne-hi ta-li-ne 11:26

Ge-do-hv ya-no-quo; e-quo-ni de-ge-yv u-na-ye-hi-s-di-yu ge-sv-i; di-na-da-na-sa-hv-s-gi u-ni-na-ye-hi-s-di-yu ge-sv-i; di-qua-tse-li yv-wi u-ni-na-ye-hi-s-di-yu ge-sv-i; tsu-na-da-le-nv-dv yv-wi u-ni-na-ye-hi-s-di-yu ge-sv-i; ga-du-hv u-na-ye-hi-s-di-yu ge-sv-i; i-na-ge ge-sv u-na-ye-hi-s-di-yu ge-sv-i; a-me-quo-hi u-na-ye-hi-s-di-yu ge-sv-i; u-na-tlo-na-s-di o-tsa-li-nv-tli u-ni-na-ye-hi-s-di-yu ge-sv-i;

golihidiyi anehi taline 11:26

gedohv yanoquo; equoni degeyv unayehisdiyu gesvi; dinadanasahvsgi uninayehisdiyu gesvi; diquatseli yvwi uninayehisdiyu gesvi; tsunadalenvdv yvwi uninayehisdiyu gesvi; gaduhv unayehisdiyu gesvi; inage gesv unayehisdiyu gesvi; amequohi unayehisdiyu gesvi; unatlonasdi otsalinvtli uninayehisdiyu gesvi;

2 Corinthians 11:27

In weariness and painfulness, in watchings often, in hunger and thirst, in fastings often, in cold and nakedness.

ᎪᎵᏂᏗᏱ ᎠᏁᎯ ᏔᎵᏁ 11:27

ᏓᎩᏯᏪᏥᏙᎸ ᎠᎴ ᎡᎯᏍᏗ ᎾᏆᎵᏍᏓᏁᎸᎢ; ᏯᏃᎩᏳ ᏂᏥᎸᏍᎬᎾ ᎨᏒᎢ; ᎠᎪᏄ ᎠᎩᏲᏏᏍᎬᎢ ᎠᎴ ᎠᎩᏔᏕᎩᏍᎬᎢ; ᏯᏃᎩᏳ ᎠᎹᏟ ᎬᏍᎬᎢ; ᎤᏴᏢ ᎠᎴ ᎠᎩᏰᎸᎭ ᎨᏒᎢ.

go-li-hi-di-yi a-ne-hi ta-li-ne 11:27

Da-gi-ya-we-tsi-do-lv a-le e-hi-s-di na-qua-li-s-da-ne-lv-i; ya-no-gi-yu ni-tsi-lv-s-gv-na ge-sv-i; a-go-nu a-gi-yo-si-s-gv-i a-le a-gi-ta-de-gi-s-gv-i; ya-no-gi-yu a-ma-tli gv-s-gv-i; u-yv-tlv a-le a-gi-ye-lv-ha ge-sv-i.

golihidiyi anehi taline 11:27

dagiyawetsidolv ale ehisdi naqualisdanelvi; yanogiyu nitsilvsgvna gesvi; agonu agiyosisgvi ale agitadegsigvi; yanogiyu amatli gvsgi; uyvtlv ale agiyelvha gesvi.

2 Corinthians 11:28

Beside those things that are without, that which cometh upon me daily, the care of all the churches.

ᎪᎵᏂᏗᏱ ᎠᏁᎯ ᏔᎵᏁ 11:28

ᏂᏓᏠᏯᏍᏛᎾ ᏧᏓᎴᏅᏛ, ᎾᏍᎩ ᏂᏚᎩᏨᏂᏒ ᏣᎩᎷᏤᎭ, ᎾᏍᎩ Ꮎ ᏗᏆᎦᏌᏯᏍᏙᏗᏱ ᏂᎦᏛ ᏧᎾᏁᎶᏗ ᏚᎾᏓᏡᏩᏗᏒᎢ.

go-li-hi-di-yi a-ne-hi ta-li-ne 11:28

Ni-da-tlo-ya-s-dv-na tsu-da-le-nv-dv, na-s-gi ni-du-gi-tsv-ni-sv tsa-gi-lu-tse-ha, na-s-gi na di-qua-ga-sa-ya-s-do-di-yi ni-ga-dv tsu-na-ne-lo-di du-na-da-tlu-wa-di-sv-i.

golihidiyi anehi taline 11:28

nidatloyasdvna tsudalenvdv, nasgi nidugitsvnisv tsagilutseha, nasgi na diquagasayasdodiyi nigadv tsunanelodi dunadatluwadisvi.

2 Corinthians 11:29

Who is weak, and I am not weak? who is offended, and I burn not?

ᎪᎵᏂᏗᏱ ᎠᏁᎯ ᏔᎵᏁ 11:29

ᎦᎪ ᎠᏩᎾᎦᎶᎢ, ᎠᏴᏃ ᏂᏥᏩᏂᎦᎸᎾ ᎨᏐᎢ? ᎦᎪ ᏚᏬᏕᎯᎰᎢ, ᎠᏴᏃ ᏂᏥᎴᏴᏍᎬᎾ ᎨᏐᎢ?

go-li-hi-di-yi a-ne-hi ta-li-ne 11:29

Ga-go a-wa-na-ga-lo-i, a-yv-no ni-tsi-wa-ni-ga-lv-na ge-so-i? ga-go du-wo-de-hi-ho-i, a-yv-no ni-tsi-le-yv-s-gv-na ge-so-i?

golihidiyi anehi taline 11:29

gago awanagaloi, ayvno nitsiwanigalvna gesoi? gago duwodehihoi, ayvno nitsileyvsgna gesoi?

2 Corinthians 11:30

If I must needs glory, I will glory of the things which concern mine infirmities.

ᎪᎵᏂᏗᏱ ᎠᏁᎯ ᏔᎵᏁ 11:30

ᎢᏳᏃ ᎠᏎ ᎠᏆᏢᏈᏍᏗ ᎨᏎᏍᏗ, ᏥᏩᎾᎦᎵᏳ ᎨᏒ ᎤᎬᏩᎵ ᏓᎦᏢᏆᏏ.

go-li-hi-di-yi a-ne-hi ta-li-ne 11:30

I-yu-no a-se a-qua-tlv-qui-s-di ge-se-s-di, tsi-wa-na-ga-li-yu ge-sv u-gv-wa-li da-ga-tlv-qua-si.

golihidiyi anehi taline 11:30

iyuno ase aquatlvquisdi gesesdi, tsiwanagaliyu gesv ugvwali dagatlvquasi.

2 Corinthians 11:31

The God and Father of our Lord Jesus Christ, which is blessed for evermore, knoweth that I lie not.

ᎪᎵᏂᏗᏱ ᎠᏁᎯ ᏔᎵᏁ 11:31

ᎤᎬᏫᏳᎯ ᎢᎦᏤᎵ ᏥᏌ ᎦᎶᏁᏛ ᎤᏤᎵ ᎤᏁᎳᏅᎯ ᎠᎴ ᎤᏙᏓ, ᎾᏍᎩ ᏂᎪᎯᎸ ᎦᎸᏉᏙᏗ ᏥᎩ, ᎠᎦᏔᎭ ᏂᎦᏥᎪᎥᏍᎬᎾ ᎨᏒᎢ.

go-li-hi-di-yi a-ne-hi ta-li-ne 11:31

U-gv-wi-yu-hi i-ga-tse-li Tsi-sa Ga-lo-ne-dv u-tse-li U-ne-la-nv-hi a-le u-do-da, na-s-gi ni-go-hi-lv ga-lv-quo-do-di tsi-gi, a-ga-ta-ha ni-ga-tsi-go-v-s-gv-na ge-sv-i.

golihidiyi anehi taline 11:31

ugvwiyuhi igatsel tsisa galonedv utseli unelanvhi ale udoda, nasgi nigohilv galvquododi tsigi, agataha nigatsigovsgvna gesvi.

2 Corinthians 11:32

In Damascus the governor under Aretas the king kept the city of the Damascenes with a garrison, desirous to apprehend me:

ᎪᎵᏂᏗᏱ ᎠᏁᎯ ᏔᎵᏁ 11:32

ᏕᎹᏍᎦ ᏫᎨᏙᎲ ᏄᎬᏫᏳᏎᏕᎩ ᎡᎵᏓ ᎤᎬᏫᏳᎯ ᎤᏪᎧᏅᎯ, ᎠᏯᏫᏍᎬᎩ ᎠᏂᏕᎹᏍᎦ ᎤᏂᏚᎲᎢ ᎾᏍᎩ ᎤᏚᎵᏍᎬ ᎠᎩᏂᏴᏗᏱ;

go-li-hi-di-yi a-ne-hi ta-li-ne 11:32

De-ma-s-ga wi-ge-do-hv nu-gv-wi-yu-se-de-gi E-li-da u-gv-wi-yu-hi u-we-ka-nv-hi, a-ya-wi-s-gv-gi A-ni-de-ma-s-ga u-ni-du-hv-i na-s-gi u-du-li-s-gv a-gi-ni-yv-di-yi;

golihidiyi anehi taline 11:32

demasga wigedohv nugvwiyusedegi elide ugvwiyuhi uwekanvhi, ayawisgvgi anidemasga uniduhvi nasgi udulisgv aginiyvdiyi;

2 Corinthians 11:33

And through a window in a basket was I let down by the wall, and escaped his hands.

ᎪᎵᏂᏗᏱ ᎠᏁᎯ ᏔᎵᏁ 11:33

ᎠᏦᎳᏅᏃ ᏓᎬᎩᏄᎪᏫᏒᎩ ᏔᎷᏣᎩᎯ ᎬᏆᏦᏗ ᎬᏆᏠᎥᏔᏅᎩ ᎠᏐᏳᎶᏗ, ᎠᎴ ᏥᏯᏗᏫᏎᎸᎩ.

go-li-hi-di-yi a-ne-hi ta-li-ne 11:33

a-tso-la-nv-no da-gv-gi-nu-go-wi-sv-gi ta-lu-tsa-gi-hi gv-qua-tso-di gv-qua-tlo-v-ta-nv-gi a-so-yu-lo-di, a-le tsi-ya-di-wi-se-lv-gi.

golihidiyi anehi taline 11:33

atsolanvno dagvginugowisgvgi talutsagihi gvquatsodi gvquatlovtanvgi asoyulodi, ale tsiyadiwiselvgi.

2 Corinthians 10 PREVIOUS CHAPTER NEXT CHAPTER 2 Corinthians 12